من يقدر يفيدني بجهة تقبل بي متدربة؟( العوض ولا الحريمة)

السلام عليكم ورحمة الله وبركاته

بما أني الفقيرة إلى الله ما لقيت وظيفة شاغرة والوظايف انقرضت (هرمنا..هرمنا..وقطنا) :weeping:
فإني أعلن عن تقديم خدماتي المجانية (يفضل براتب :shy: ) أو بما يسمى التدريب في أي جهة (إلا المدارس :anger1:)
شسمه تعرفون جهات تقبل أني أكون متدربة عندهم متى ما يقولون لي أوت أقول تم :(

هذا وتفضلوا بقبول فائق الاحترام والتقدير والورود والعصيدة :looking:

ايش شهادتج ولا عليج امر ؟

اختي شنو شهاداتج ..
واذا بغيتي في مدرسة عندي مدرسة فيها شاغر ..
بس قولي لي شهادتج ..

اقتباس:

---

المشاركة الأصلية كتبت بواسطة لابس بشت

ايش شهادتج ولا عليج امر ؟

---

تخصص علم معلومات ومكتبات

مالج إلا المدارس يادانة
وحاولي كثر ماتقدرين تتنازلين عن بعض شروطك في الوظيفة
وإن شاء الله تتيسر أمورك...

اقتباس:

---

المشاركة الأصلية كتبت بواسطة بصمة قطرية

اختي شنو شهاداتج ..
واذا بغيتي في مدرسة عندي مدرسة فيها شاغر ..
بس قولي لي شهادتج ..

---

مابي مدرسة مابي مابي :eek3:

قدمتي في الداخلية ..؟

اقتباس:

---

المشاركة الأصلية كتبت بواسطة الأصيلة

مالج إلا المدارس يادانة
وحاولي كثر ماتقدرين تتنازلين عن بعض شروطك في الوظيفة
وإن شاء الله تتيسر أمورك...

---

الأصيلة خلج محضر خير لو سمحتي ولا ترى بكرهج :(

بعدين أنا طلبت تدريب مو وظيفة.. لا ومجانية بعد :rolleyes2:

اقتباس:

---

المشاركة الأصلية كتبت بواسطة بصمة قطرية

قدمتي في الداخلية ..؟

---

الداخلية يقبلون أكون متدربة عندهم؟

اي والله حتى المدارس فل اكتفاء مايبوناا

لنا الله ياحملة الثانويه العااامه..~

ليش ما حطيتي كرك بدال العصيد يمكن تحصلين وظيفة :(

الله يوفقج اختي دانه وتحصلين وظيفة في اقرب وقت أن شاء الله :)

قدمتي في وزارة الخدمه المدنيه والاسكان ؟
قسم القوى العامله (اعتقد كذا اسمهم) لانهم هم المختصين لبحث الوظائف؟

عندج كذا مكان ممكن تتدربين فيه مثل الاعمال التطوعيه (مركز قطر التطوعي او دار الانماء الاجتماعي)
او تهتمين في تخصصج اكثر وتشتغلين فيه مثل في المكتبات العامه او جامعة قطر او المدينه التعليميه

واذا ما نفع عليج بالدورات الي تطورج واذا هم ما نفع عليج بالاستغفار :)

اقتباس:

---

المشاركة الأصلية كتبت بواسطة سمو الاميره

اي والله حتى المدارس فل اكتفاء مايبوناا

لنا الله ياحملة الثانويه العااامه..~

---

الله المستعان

اقتباس:

---

المشاركة الأصلية كتبت بواسطة بوحارب

ليش ما حطيتي كرك بدال العصيد يمكن تحصلين وظيفة :(

الله يوفقج اختي دانه وتحصلين وظيفة في اقرب وقت أن شاء الله :)

---

لو أدري بيجيني فايدة من هل الكرك كان حطيت :court:

جزاك الله خير والله يوفقك أخوي :victory:

يا جماعة الله يخليكم ركزوا شوي أنا قلت تدريب تدررررريب مو وظيفة

اقتباس:

---

المشاركة الأصلية كتبت بواسطة الزجاجي

قدمتي في وزارة الخدمه المدنيه والاسكان ؟
قسم القوى العامله (اعتقد كذا اسمهم) لانهم هم المختصين لبحث الوظائف؟

عندج كذا مكان ممكن تتدربين فيه مثل الاعمال التطوعيه (مركز قطر التطوعي او دار الانماء الاجتماعي)
او تهتمين في تخصصج اكثر وتشتغلين فيه مثل في المكتبات العامه او جامعة قطر او المدينه التعليميه

واذا ما نفع عليج بالدورات الي تطورج واذا هم ما نفع عليج بالاستغفار :)

---

قدمت في وزارة العمل وعند هالقسم قالوا انطري
دار الإنماء ما عندهم تدريب لي
مركز قطر التطوعي سيتم أخذه بالحسبان إن شاء الله :victory:
والدورات الحمدلله عندي
والله يعينا على ذكره وشكره وحسن عبادته

شاكرة لك رد أخوي يعطيك العافيه

إن شاء الله تلقين. الوظيفة السعيدة

إذا تبين دورات عندج مركز اعداد القادة. وعندج بعد قناة الجزيرة. كانت الدورات مجانا لاكن الحين مادري

اقتباس:

---

المشاركة الأصلية كتبت بواسطة QtrGate

إن شاء الله تلقين. الوظيفة السعيدة

إذا تبين دورات عندج مركز اعداد القادة. وعندج بعد قناة الجزيرة. كانت الدورات مجانا لاكن الحين مادري

---

بذبحكم :omg:
مابي دورات
أبي تدريب ت د ر ي ب تدريب :nice:
شسمه مشكور أخوي عالدعوة ربي يسعدك إن شاء الله :shy:

مع انك دايما اتطالبين ب اغلاق مواضيعي...لكن مو مشكلة...احم :tease:

اذا بغيتي بس تدريب...بدون اي ارتباط...

عندك هالاماكن...

قطر للبترول...
بنك قطر الدولي الاسلامي..."في في البنوك الربويه...بس انت وبصرك"
قطر غاز...اللي في الخريطيات...
الملاحه القطريه..

يعني...روحي شركات خاصه مش حكوميه...هم اللي يدورون بو بلاش...احم :secret:

والاهم توضيحك لمبتغاك ب اسلوب لبق...وحنكه..."لاتظنين اني امزح...ترا هذا الواقع..."

وليه اللباقه والحنكه...لانها هي اللي بتفيدك في حاضرك...وماتدرين يمكن ان شاء الله في مستقبلك..."وان شاء الله فهمتي وش اقصد..."

واموفقه يارب...:nice: