انت قطري ؟ اي نعم ... طيب ادفع اكثر !!

السلام عليكم ورحمة الله وبركاته

شيء غريب يا جماعة الخير !

قبل كم يوم قلت باخذ ام العيال نغير جو شوي في احد الفنادق في الدوحة ! بلادي ! وطني ! ديرتي !

على العموم اتصلت في كذا فندق اسأل عن الحجوزات واسعارها فتصوروا وش كان رد الفنادق !؟

بعطيكم مثال :

سهم طايح/ الو السلام عليكم

الفندق / وعليكم السلام فندق -------------

سهم طايح/ اخوي ابغي اشوف اذا في عندكم حجوزات ليوم ------------

الفندق / ولو تكرم عيونك لو مافي بدنا نطلع لك حجز

سهم طايح/ ماتقصر يالطيب ( كم سعر الغرفة )

الفندق / سعر الغرفة 800 ريال شاملة الضريبة 20%

سهم طايح/ حلو عيل الجناح على كم

الفندق / السويت عنا نوعين شي ب 1200 شاملة الافطار والضريبة وشي ب 1800

سهم طايح/ طيب اخوي احجز لي سويت ( ابي اعيش ملك يومين ) :eek2:

الفندق / باسم مين

سهم طايح/ --------------------

الفندق / عفوا انت قطري ؟

سهم طايح/ اي نعم اخوي

الفندق / بالنسبة للقطريين الغرفة ب 1500 ريال + ضريبة 25% والسويت يبتدي ب 3500 ريال

سهم طايح/ رضخت السماعة في وجهه

:eek2: :eek2: :eek2:

عاااااااااااااااااادي انت في الدوحة

إذن أنت في قطر

:eek2: :eek2: :eek2:

:confused:

هذي رقع التيلفون في ويهه شوي عليه :anger2:

:(:(:(

المفروض تسأله وتقوله علي اي اساس القطري يدفع هالكثر ؟

واذا كان جوابه مادري

عليك بالخط الساخن مال الشرق ووطني الحبيب صباح الخير والله مالهم الا الفضيحه عشان يخافون ربهم :deal:

معقوله الاجنبي مرتاح اكثر من المواطن ؟ ولا والي يزيد الطين بله انه الممواطن ماجنه في بلاده !!! وكل يوم والثاني يقعد يدافع عن ابسط حقوقه !!!!!!!! :mad:

ولاحول ولا قوه الا بالله

عادي يعتبر رخيص

الخطوط القطريه تاخذها من قطر غاليه بس خل احد ياخذها من برا قطر ارخص حيل

اما بالنسبه للفنادق فندق 3 نجوم امس واحد يقول لي السفره اللي جا فيه قبل الليله 1800

يعني على حسب السوق او الموتمرات الموجوده

اما انا حجزت بكذا فندق بقطر محد سألني قطري ولا غير قطري

مثلا الريتز الريدجز او الانتر عادي

بس يمكن فيه تعليمات جديده... يعني اقصد الاقربون اولا بالمعروف(يخبرون فيه ناس خسرانه بالبورصه)

طيب اخوي احجز لي سويت ( ابي اعيش ملك يومين ) :funny: :funny: :funny:

اقتباس:

---

المشاركة الأصلية كتبت بواسطة لمت داون111

المفروض تسأله وتقوله علي اي اساس القطري يدفع هالكثر ؟

واذا كان جوابه مادري

عليك بالخط الساخن مال الشرق ووطني الحبيب صباح الخير والله مالهم الا الفضيحه عشان يخافون ربهم :deal:

معقوله الاجنبي مرتاح اكثر من المواطن ؟ ولا والي يزيد الطين بله انه الممواطن ماجنه في بلاده !!! وكل يوم والثاني يقعد يدافع عن ابسط حقوقه !!!!!!!! :mad:

ولاحول ولا قوه الا بالله

---

ترى الاجنبي لة معاملة خاصة جدا في جميع الشركات و اسعار السيارات غير و البنوك غير من حيث المعاملة

انت غير انت تدفع اكثر

اقتباس:

---

المشاركة الأصلية كتبت بواسطة abo rashid

ترى الاجنبي لة معاملة خاصة جدا في جميع الشركات و اسعار السيارات غير و البنوك غير من حيث المعاملة

انت غير انت تدفع اكثر

---

اي صح :looking:

نسيت اني قطري !!!!!!! :eek2:

حسبي الله ونعم الوكيل عليهم :mad:

يعطيكم العافية على الردود الطيبة

عموما الدولة تميز القطري في وزاراتها ومؤسساتها

لكن القطاع الخاص ينظر للقطري نظرة سيئة جدا من جميع النواحي وحاليا في موظة جديدة للاخوان أصحاب العقارات فيقولون لك اذا المستأجر قطري ابعد عنه لانه بيكسر البيت اما الاجنبي فشخص مثقف ورزين ويقدر أموال الغير !

مش عنصرية ولا كراهية

لكن الحق ينقال الأجانب تسهلت لهم الحياة الكريمة والقطري بدأ يعاني

ليش ؟

لان المدراء في الشركات الخاصة غالبا ما يكونون أجانب وينحازون للاجانب ويهمشون القطري

دارت الدنيا علينا :)

هههههه اي والله ...

صحيح الي قال .. شافطينك وين ماتروح ..