Tamima

السلام عليكم

نعل تميمه الله يعزكم زاد في السعر

انا كنت دوم اشتري النعال الكلاسيك الاي هي كانت 500 ريال
امس رحت اشتري لي نعال لقيت سعرها 600 ريال

شوف الفرق 100 ريال. لا وتنزيلات عندهم بعد

يعني سرقه عيني عينك


والله قهر

في النهايه ليست اكثر من مداس عز الله الاعضاء

يغني عنها ماهو دون ال100 ريال واجمل واطول عمرا للأستخدام

البدائل كثيره اتركوها لتعود الى مقامها حدود ال150 ريال لااكثر

مااعرف على ايش تنقهر مافي شي يستاهل

اتركوه هو ينقهر

اصلا سعرها ٥٠٠ و حزه التنزيلات يسويها ٥٥٠

والحين صرات ٦٠٠

قااطعووه

افضل طريقه هي المقاطعه ،،،،،، قااااااطعوووووه،،،،،،،

انا شريت نعل تميمة الله يعزكم من تايلاند .. بالضبط نفس اللي في الدوحة
يعر النعال لا يتجاوز 150 ريال .. هذا للشكل الجديد .. اما ارخص شي تلاقيه 80 ريال

لو كان المحل اللي في تايلاند مستفيد وربحان .. عيل كم ربح محل تميمة اللي في الدوحة؟

ياليت تشتغل عليه بالمقاطعه

حرام والله ناس تموت من الجوع وناس تلبس نعال مكرمين فوق 600 ريال

دخلت من شهر بالضبط المحل اللي فـ الستي

كانت الله يعزكم النعل بـ 800 و 950 العاديه اللي فيها مثل الخط الابيض او اسود ورى فالنص

وبعض اللي عـ الرف كانت اسعارهم 2000 ريال (( شوف عيني هالشي )) يعني الصراحه شي مبالغ

وانا اقول اشفيه المحل يصفر مافيه ولا حد يتمشى داخل حتى

والله مبالغ في اسعاره خصوصا من العيد اللي طاف
رفع حتى النوع العادي فالتميمه مايقل عن 500 :anger1:

يستاهل المقاطعه ,, وللمقاطعه استفاده لتنزيل الاسعار

شكرا على التنبيه اخوي

صح كلامك اخوي في التنزيلات يصير سعر النعال 600 ريال ..

يعني يزيد السعر !!

بـ 2000 ريال اشفيه صدق انه سيزار باشيوتي !!!!!!!!!!!

اقتباس:

---

المشاركة الأصلية كتبت بواسطة the watcher

انا شريت نعل تميمة الله يعزكم من تايلاند .. بالضبط نفس اللي في الدوحة
يعر النعال لا يتجاوز 150 ريال .. هذا للشكل الجديد .. اما ارخص شي تلاقيه 80 ريال

لو كان المحل اللي في تايلاند مستفيد وربحان .. عيل كم ربح محل تميمة اللي في الدوحة؟

---

صدقت اخوي انا خذت على 100 ريال من تايلند وللحين عندي من حوالي سنه

ولكن للأسف ارباحهم 4-5 أضاعف تايلند واكثر

وشبابنا ياخذون من عندهم مهما ارفعوا

انا عمري ما شريت من تميمة ولا بشتري منه بعد

أنا أكره تميمه :..

مـره وحده من 6 سنين قلت خلني أشتري من كثر مايمدحون نعلهم تكرمون :..

خذت وحده بـ 800 :.. و الله العضيم ماتسوى بيزه :..
بسرعـه إختربت و ماتستحمل الماي ( أقصد الوضوء ) :..

أنا عن نفسي أشتري من التيما حزت العرض ( 2 بـ 400 جنه ) :..

و صدقوا بعض الإخوان عن اللي اسعارهـم تحت الـ 100 :..

مره شريت و الله إنها تمت أكثر من سنه و بريقها فيها ههههههههه

لكـن المشكله ماتلاقي شي حلو :..

بالعكس انا اشوف تميمة نعال تعمر اكثر من غيرها من النعل يعني سعرها فيها بس طبعا انا حدي اذا بشتري من عندهم نعال ماتعدى 700 ريال

والله انا يرائي انها لابد ما نشتغل على كل واحد رفع الاسعار ونخلي بضاعته تخيس عنده
نعم مش الكل بيقاطع ولكن لو من 100 قاطعوا 70 حلو بيحس بالفرق

انا العاده اشتري من جنتلمان النوع الايطالي

عيد الفطر شريت من تميما ب 700 ريال

للأمانه البضاعه ممتازة يعني نوعيه ممتازة عن الجنتلمان

لكن احس السعر مبالغ فيه وايد

وللعلم كانت ساده مع لمعه

مره شريت من تميمه نعال بـ 800 ومثل ماقال اخوي ماعمرت خصوصا وقت المطر طلعت خيوطها

الله يخلي فانتينو نعالين بـ 750

انا كنت احد زباينهم بس بعد دعاية مؤسسة عيد الخيرية الي يطلع فيها مقارنة بسعر تليفون او نظارة او نعال غيرت فكرتي وقلت اشترلك نعال ارخص حدود ال 200 والله ناس تموت فصومال وحن نلبس مداس ب 1000 ريال

والله يا اخوان امس مريت تميمه انه فى ناش تشتى نعلهم على 2000 ريال و1500 و900 و800 وغيره ولا هم مفتكرين مشكلتنا الزبو والحسد والمظاهر اللى على الفاضى

اقتباس:

---

المشاركة الأصلية كتبت بواسطة قلبى طيب

والله يا اخوان امس مريت تميمه انه فى ناش تشتى نعلهم على 2000 ريال و1500 و900 و800 وغيره ولا هم مفتكرين مشكلتنا الزبو والحسد والمظاهر اللى على الفاضى

---

صدقت أخوي وحتى لو الواحد مقتدر المفترض منه يفكر بغيره وأقصد اخوانا المحتاجين وان ما عندهم شي يسترهم او يسد جوعهم ولكن !!!!!

كان الله بالعون ناس اتفكر اتريح نفسها وناس اتفكر اتريح النااااس اللى حواليهااا

اذا سعرها 150 ريال معقوله

نصب واحتيال عيني عينك والسبب انتوامعطينة وجة

قرب العيد وبتشوفون الناس تخم كل اللي جدامها..كأن العيد مفاجأة ولا احد يدري عنه..
والشي بالشي يذكر العيد اللي طاف حتى محلات سوق العلي كانت تبيع الانواع االعادية والغير معروفة ب 300 ريال ..

اقتباس:

---

المشاركة الأصلية كتبت بواسطة rashid554

مره شريت من تميمه نعال بـ 800 ومثل ماقال اخوي ماعمرت خصوصا وقت المطر طلعت خيوطها

الله يخلي فانتينو نعالين بـ 750

---

مالك تميمه هو نفسه مالك فانتينو

اقتباس:

---

المشاركة الأصلية كتبت بواسطة قلبى طيب

والله يا اخوان امس مريت تميمه انه فى ناش تشتى نعلهم على 2000 ريال و1500 و900 و800 وغيره ولا هم مفتكرين مشكلتنا الزبو والحسد والمظاهر اللى على الفاضى

---

الشخص المقتدر عليه بالعافيه ،،، اما يجيك شخص حسابه بالسالب في البنوك و يشتري بو ٢٠٠٠ !!!

اعتقادي العله في الشخص و مهب في البايع ،،، رغم البايع او صاحب المحل ماله حق يرفع السعر لكن ربنا عرفنا بالعقل ،، اذا ماعندي مهب شرط اشتري النعاله ب ٢٠٠٠ ،،، و اذا عندي اشتري على قد مقدرتي و من المفروض ع الشخص العاقل يوازن بين مقدرته الماليه و احتياجاته ،،،

الحل المقـــاطعه

مع احترامي
كوالاتي تميمه نزل لين مستوى ارفع - شوي - عن جنتلمان

عليك بالمقاطعة والله يعز السامع كل نعال لا راح ولا رجع انا ولا عمري شريت نعال غالية اشتري بالمعقول يعني يصير يلبس الواحد 500 ريال تحت رجلة اتصدقون فيها افضل لكم

اقتباس:

---

المشاركة الأصلية كتبت بواسطة طير حوران

مالك تميمه هو نفسه مالك فانتينو

---

غير صحيح اخوي الملاك مختلفين !

قبل العيد بيوم رحت تميمة الي في الستي والنعل الي على الرف ب 2000 ريال وحلوين
غير عن الي ب 850 و 600 و900 وتميت احوس في المحل أفكر آخذ والا لا بألي ب 2000
وآخر شي قلت نعال وأخاف يكون حرام أدفع هالسعر في نعال الله يعزكم وتركت الي بخاطري
وخذت نعال ب 850 وبعد واجد عليهم والشرهه على حماية المستهلك الي ما يسوون شي

ليش خذيتها ب850 وعقب تتقد ايش نعال بو 200 ريال عيب يعنى ولا زم ماركه

الله يذكر ايام نعل "النمر " بالخير شحلاتها وشزينها ايام سوق الخميس والجمعه
الوحده على 10 و 20 ريال

وين ايام تميمه كنا نشتريها على 350 ريال ونقول غاليييييييييييييييه ذيكي الايام ، انصحكم بنعل مداس صناعه قطريه ورخيصه على 350 ريال بعد الخصم

اقتباس:

---

المشاركة الأصلية كتبت بواسطة مملوحة الفال

حرام والله ناس تموت من الجوع وناس تلبس نعال مكرمين فوق 600 ريال

---

يا ليت ما نقول والله حرام و حلال اختي
الناس لها درجات بالحياة و طبقات
و اللي الله منعم الله لو لبس شي دون المتوقع قالوا بخيل و يجمع الفلوس و الخ الخ
و اذا لبس شي غالي قالوا فسقان و حرام الخ الخ
:)
فيه نعل اجلكم الله تبدأ من 2000 ريال و ما فوق لأسباب كثيره منها فخامتها و جودتها الخ
و فيه متوسطه و فيه رخيصه
صلب الموضوع محل معين رفع سعره و هنا النقاش لمقاطعة المحل و ليس حملة البس الرخيص:)

السلام عليكم و رحمة الله وبركاته

كاريتي ام 800 ابرك وتعمر


سنه كامله ماتاخذ غيرها


توضا وروح فيها ان شاء الله البحر وعقب سنه فكر بغيرها


فمان الله

اقتباس:

---

المشاركة الأصلية كتبت بواسطة Engineer

يا ليت ما نقول والله حرام و حلال اختي
الناس لها درجات بالحياة و طبقات
و اللي الله منعم الله لو لبس شي دون المتوقع قالوا بخيل و يجمع الفلوس و الخ الخ
و اذا لبس شي غالي قالوا فسقان و حرام الخ الخ
:)
فيه نعل اجلكم الله تبدأ من 2000 ريال و ما فوق لأسباب كثيره منها فخامتها و جودتها الخ
و فيه متوسطه و فيه رخيصه
صلب الموضوع محل معين رفع سعره و هنا النقاش لمقاطعة المحل و ليس حملة البس الرخيص:)

السلام عليكم و رحمة الله وبركاته

---

:nice:

يستاهل المقاطعه

اقتباس:

---

المشاركة الأصلية كتبت بواسطة engineer

يا ليت ما نقول والله حرام و حلال اختي
الناس لها درجات بالحياة و طبقات
و اللي الله منعم الله لو لبس شي دون المتوقع قالوا بخيل و يجمع الفلوس و الخ الخ
و اذا لبس شي غالي قالوا فسقان و حرام الخ الخ
:)
فيه نعل اجلكم الله تبدأ من 2000 ريال و ما فوق لأسباب كثيره منها فخامتها و جودتها الخ
و فيه متوسطه و فيه رخيصه
صلب الموضوع محل معين رفع سعره و هنا النقاش لمقاطعة المحل و ليس حملة البس الرخيص:)

السلام عليكم و رحمة الله وبركاته

---

معاك في الرأي

اذا كان في موضوع زيادة اسعار مالها داعي اكتبوا بس الناس حرام تلبس هذي حرية شخصية

http://l.yimg.com/qn/uaesm/up/uploads/86731a5e5c.jpg