تقرير عن برنامج keek كيك "برنامج التواصل الاجتماعي الجديد"

السلام عليكم ,, اليوم سويت لي حساب على برنامج كييك من كثر ما سمعت الناس تتكلم عليه,
في هال الموضوع بكتب تقرير سريع عن البرنامج للي فهمته من التقارير الي قريتها

(التقارير العربيه عن هال البرنامج ما تتعدى اصابع اليد, و معظمها شرح تثبيت البرنامج بس, فاستعنت بمواقع ومنتديات اجنبيه- كنديه) - ان شاءالله يكون الي فهمته منها صح :)

نبدأ بسم الله,,

برنامج كيك برنامج تواصل اجتماعي كندي الاصل, بدأ سنه 2011 وتوه بدأ ينتشر في العالم العربي,, البعض يوصفه بإنه "تويتر بالفيديو"

كلمه كييك اتت بمعنى "نظره سريعه" بالانجليزي

البرنامج بيجذب الناس الي عندهم قنوات يوتيوب ويحبون يصورون "فيديو" و يوثقون ذكرياتهم فمقاطع فيديو, ومشاركتها مع الاصدقاء (نفس فكره الانستجرام بالصور, كيك بالفيديو)

مصطلح الكيك من اليوم بيكون معناه (فيديو مدته 36 ثانيه بحد اقصى)

البرنامج مجاني موجود في الكمبيوتر ومنه تصور بالويب كام وتنزل (كمبيوترات الماك, اما الويندوز مب متأكد الصراحه)
موجود لتلفونات الاندرويد والابل

اشتهر كيك حيث وصل 7 مليون فيديو في شهر اغسطس (فتره 5 اشهر) وحاليا قريب ال 10 مليون مشترك,,

توي اليوم سويت حساب, وللحين ما نزلت فيديو, بذكر عيوبه او الصعوبات الي تواجهني فيه ان شاءالله قريبا,

ينصح بتشغيل البرنامج على الوايرلس لانه الفيديو اكيد راح يسحب بيانات وبايت اكثر مقارنا بالصور في الانستجرام,,

يعطيكم العافيه

يعطيك العافية اخوي.. اخيرا عرفت سالفة البرنامج..

اشوف البنات في الانستغرام يقولون دروس الميك اب على الكيك احسن..

متابعة تجربتك.. يمكن اتشجع واسوي لي اكاونت بعد..

الله يعافيكم ان شاءالله,, :)
انصحكم تسوون اكاونت, البرنامج مسلي بس للحين يبيله شغل وتطوير وفيه كم عيب, النقاط التاليه اقدر اضيفها بعد استخدامي للبرنامج كم يوم

1- البرنامج بطيء من التلفون "استخدم جلاكسي اس 3" و مع وايرلس و معاناه في البطء (فتح الفيديو)
2- صفحه "الهوم" فيها اشياء كثيير مالها لزمه ! وما تقدر تشيل الي ما تبيه الا بالغصب مثل اكثر الفيديويات مشاهده, والمشتركين النشطاء,
3- للحين ما عرفت شلون انزل فيديو "محفوظ" في التلفون, اتوقع البرنامج يجبرك تصور عن طريق البرنامج وبعدين تنزله,,

حد جربه ؟ يعطينا رأيه ؟

يعطيك العافيه

تسلم بس ممكن اسم التطبيق على الابل ستور ؟

اشكرك ،،، نزلت البرنامج بس ماجبني بصراحه ،، حسيت انه ينفع للاجانب.

يعطيكم العافيه على المرور,,

اسم البرنامج بالابل ستور نفس الشيء keek

Keek

By Keek Inc.

Free

Category: Social Networking
Updated: Nov 01, 2012
Version: 2.7
Size: 7.2 MB
Language: English
Seller: Keek Inc.
© 2012 Keek Inc

نزلت البرنامج وسويت اكاونت..

بس تطلع لي مشكلة في الشبكة.. مع ان كل شي اوك..
ماقدرت اسوي سيرش ولا ضفت حد للحين.. :(

اقتباس:

---

المشاركة الأصلية كتبت بواسطة abdo222

يعطيكم العافيه على المرور,,

اسم البرنامج بالابل ستور نفس الشيء keek

keek

by keek inc.

Free

category: Social networking
updated: Nov 01, 2012
version: 2.7
size: 7.2 mb
language: English
seller: Keek inc.
© 2012 keek inc

---

ٍتسلم اخوي بنزله وان شاء الله اخبرك بالنتيجة

يعطيك العافية

abdo222

انت مسوي فولو حق منو..؟؟!! اقصد ممكن تقترح علي أسماء تسوى اتابعها..؟؟

منزلته حق دروس تصوير وتواصل مع مصورين ومصورات

اقتباس:

---

المشاركة الأصلية كتبت بواسطة غايه الطواش

منزلته حق دروس تصوير وتواصل مع مصورين ومصورات

---

good 4 u

انا نزلته حق دروس الميك اب والهيردو..
بس لحد الحين ما لقيت الي ابيهم..

كلهم يهال..

اقتباس:

---

المشاركة الأصلية كتبت بواسطة sweet qatar

abdo222

انت مسوي فولو حق منو..؟؟!! اقصد ممكن تقترح علي أسماء تسوى اتابعها..؟؟

---

والله ما صرت من متابعين البرنامج, ادخله مره كل يومين تقريبا والبطء في فتح الفيديوات متعب,, بس بقولكم كم واحد عندي من المشاهير بالكيك:

1- salahyafe

2- aiyousef

3- HumoodAlkhudher

البرنامج يعتبر انه فيديوات شخصيه اكثر من فيديوات تعليميه او تثقيفيه,

عرفت الاول والثالث بس الثاني ماعرفته..

اي صح كلها اشيا شخصية..

حتى بدر صالح ماعجبني.. شكلي بسوي له انفولو

شرايك في برنامج kik ؟

اقتباس:

---

المشاركة الأصلية كتبت بواسطة بـن عدوان

شرايك في برنامج kik ؟

---

كيك حاله من حال الواتس اب
تشاتينغ
الصراحه ماحبيته
وماشوف فيه اي متعه صراحه
سواء تواصل مع المصورين او الاهل وقت
الحاجه ولحد الان الحمدالله ماحتجت له

لازلت مصدوم من يوم ما نزلته من تفاهة عقول الكثير اللي منزلين فيديوهات .

والله ما عرفت اضحك ولا انقهر والا ايش بالضبط :nice:

اقتباس:

---

المشاركة الأصلية كتبت بواسطة السكين

لازلت مصدوم من يوم ما نزلته من تفاهة عقول الكثير اللي منزلين فيديوهات .

والله ما عرفت اضحك ولا انقهر والا ايش بالضبط :nice:

---

والله انك صادق..

استغرب من الي راز اسمه كااامل ومنزل مقاطع تفشششل..
والي يحط ابوه ولا عيالهم وهم في البيت ماخذين راحتهم..

عيب والله عيب..

هذا البرنامج اللي واحدة من البنات الله يهديهاا ويصلحها ويستر عليها مصورة نفسها وهي بكافييه وتقول كلام تافه وسخيف؟!!!!

حلو البرنامج ل اشياء مفيده ..

بس مثل ماقالت ضوى النفر هذا بالضبط هو اللي مدمر :)


وشوي شوي يصير البرنامج قمه في الانحطاط

اقتباس:

---

المشاركة الأصلية كتبت بواسطة ..er..

حلو البرنامج ل اشياء مفيده ..

---

لقييييييييتها لقيت الاشيا المفيدة.. :victory:
الحمدلله اني ما كنسلت الاكاونت..

صرت مسوية فولونج حق 70 شخص..

البحث يبيله صبر لان اليهال فيه وايد..

على فكرة الولد الي يتمسخرون عليه عنده فولورز بالآلاف..

الشي الممل فعلا.. ان كل شي في الكيك صاروا يرسلونه للبيبي..

والله الدول العربيه (الخليجيه خاصه) اقتحمت البرنامج بقوه,,

لين تروح ل "اخر الفيديوات تنزيلا" تحصل من اصل 50 فيديو , تقريبا 30 منها من الدول العربيه,

البرنامج سمعته بدأت تهبط لزياده الفيديوات الي مالها فايده, وللاسف كل دقيقتين ينزل فيديو ماله فائده بالتالي غطى على الفيديوات المفيده,,

البرنامج استخدامه سئ جدددا من العرب

فيديوهات تافهه وتعليقات الواحد يتفشل يقراها حتى بفيديوهات الاجانب

ومثل ماقالوا اللي قبلي الفيديوهات شخصية لأغلب الاكاونتات والاستفاده قليله للاسف

,

,


مرحبا


شكرا على الموضوع

شفيهم الناس تغيرت طريقه كلامهم
صاروا يمطون الكلام
ههههه


:)

,

,


اخوك


شموخ دائم

برنامج حلو ان استعمل بالطريقه الصحيحه
مثل ما شفت أمثله سيئه له وتسود الوجه , شفت امثله روعه له وتبيضه
الموضوع متعلق فيك كمستعمل .. من اتابع ومن تختار

قواك الله ياخوي عبدو ما قصرت

للاسف

الكييييك كشف لنا عقول بعض المستخدمين!!!!!!!!!!!!!!

والله يهديهم

للأسف البرنامج مصخره مع البنات المصخره اللي أهاليهم ماربوهم صح

عندي خدمات زيادة المتابعين والمشاهدات فيه ..

البرنامج ممتاز من الناحية التقنية

البرنامج يستخدم من ناحية العرب بطريقة تافهه جدا

نحتاج لتوعية بذلك وبخطورة هذا الموضوع

الحيــن صآر كله سخااافة