عرض للطباعة
مسي الخير للجميع
ابي اسافر بعد العيد تركيا وابي اماكن سياحيه ومش زحمه خصوصن من العرب
واذا فيه اماكن فيها ثلج
السفر بيكون مابين تاريخ 26 شهر سبعه الى تاريخ 11شهر 8
ابي اماكن شقق حلوه ونضيفه
ابي سواقين ثقه او احسن اني ماخذ سياره استخدم المواصلات العامه
حن عايله كبيره من اطفال وشباب
ابي اسواق شعبيه واهم شي ايش تنصحوني ازور من المدن ممكن اسكن سبوع في مدينه واسبوع الثاني مدينه اخره
وجزاه الله خير من نفعني بنصيحه او شور او دعوه طيبه 💐💐💐💐💐
ما قد رحت تركيا
لكن في حساب فالانستقرام شخص محب للسفر وتو كان في تركيا وقد راحها اكثر من مره ويحب يقدم نصايح وجداول للي يستفسرون منه
ممكن تشوفين حسابه وتستفرين منه بعد اذا حبيتي
هذا حسابه
abdul2ziz
وتروحون وترجعون بالسلامه ان شاء الله
تسلم ماقصرت
عندك اخوي في شارع تقسيم cvk خمس نجوم ..
وفي تفاوت بالاسعار في اجرة السيارات كل واحد يختلف عن الثاني ..
يبدا تقريباً من 120 دولار إلى 200 دولار في اليوم الواحد .. داخل اسطنبول إما برع على حسب كل سايق ..
وكنت رايح شهر ثمانية مافيه امكان فيها ثلج مثل سبانجا أو بورصة ..
وفي شهر 8 بورصة حاره ..
يسلم الجميع وننطر اهل السفرات يفيدونا
،،،،،،،،،،،،
يعني عندك حدود اسبوعين , اسبوع في اسطنبول منها للمتاحف وهذا رابط لاهم المتاحف http://safar-turkey.blogspot.com/201...og-post_9.html ومنطقة السلطان احمد فيها اياصوفيا وخزانات الماء وتقسيم منطقة تجارية جميلة,,وخصوصا منطقة اورتاكوي وهناك رحلات على البسفور والكافيهات ,,والذهاب الى بورصة بالعبارة ليوم واحد وركوب التلفريك ,,وفي اسطنبول يوجد قهوة شهيرة قهوة بيرلوتي ابحث عنها في جوجل ويوجد تلفريك للصعود الى القهوة
واذا عندكم وقت ,,وتحبون الطبيعة فانصحك بشدة زيارة طرابزون وافضل فندق موفنبيك ,,وتستطيع عمل جدول سياحي من هناك في كل يوم الى اوزنجول وايدر ومرتفعات السلطان مراد ومنطقة ماتشكا الاثرية ,,,وهناك الشلالات في كل مكان وجمال المطقة شيء خيالي ,,,ويفضل تأجير سيارة كبيرة وتقودها بنفسك والمنطقة سهلة جدا ليست مثل اسطنبول ,,ولا يوجد ازدحام ,,,ابحث في جوجل عن اسماء هذه المناطق ,,واحكم بنفسك ,,عن نفسي عملت بحث في الانترنت ورتبت كل شيء بدون مرشد ولا سائق ولا مكتب سياحي وكانت اجمل سفرة ,,,ان شاء الله تكون سفرة ولا احلى ,,والله يردكم سالمين
ماقصرت
اسبوعين فتره كافيه انك تزور فيها ثلاث مدن .. واهم شيء تزور اسطنبول و تقدر تزور بورصه لانها قريبه منها وممكن تروح لها بالسياره او العباره وفيها جبال وممكن يتم الثلج لشهر 7 وطرابزون عن نفسي اشوفها ممله اشوي لانها مدينه صغيره نسبيا و سكنت بفندق جراند وكان الوحيد الخمس نجوم و ما انصحكم فيه لانه بوسط السوق و مستواه مستوى فندق 3 نجوم و تقدر من طرابزون تزور المواقع القريبه منها واهما أوزنجول .. وبالنسبه للسياره ما انصحك ابدا تستخدم المواصلات العامه وخصوصا التكاسي لان معظمهم يستغلون السياح وهذي وحده من سلبيات الشعب وافضل لك تاجير سياره وجارمن او تاخذ سياره فان مرسيدس بسواق ويكلفك 700 ريال باليوم داخل اسطنبول وبينفعك بالتعامل مع الاتراك لان اغلبهم لا يعرفون عربي او انجليزي حتى بالمجمعات .. وبعض سلبيات تركيا ان الشعب جاف في تعامله و عصبين اشوي و كثره المتسولين وخصوصا بمنطقة تقسيم و المدينه القديمه عند اياصوفيا و احب اضيف شيء انه العملات المزوره منتشره بتركيا و انا صار لي موقع لما سحبت من الصراف مبلغ وطلعلي من بينهم عمله مزوره وبمبلغ كبير و كل ما جيت اصرفها بمكان يرفضونها ويعرفون انها مزوره وهي للحين موجوده عندي . :(
الله يجزاكم خير انا ابي الاماكن الغير مزدحمه من العرب خصوص
واذا الصراف طلع فلوس مزوره ممن وين ناخذ������
ءءءءءءء
صباح الخير ابي معلومات الشقق نضيفه
في سامسون
وفي اردو
وفي طربزون
اذا ممكن حد يفيدني
السلام عليكماقتباس:
مسي الخير للجميع
مساء الخير
هذا الوقت حار حتى يكون هذا الشي في بالك وما يكون صدمة لك خاصة لو بتروح لاسطنبول و الثلج باح مافيه في هذا الوقتاقتباس:
ابي اسافر بعد العيد تركيا وابي اماكن سياحيه ومش زحمه خصوصن من العرب
واذا فيه اماكن فيها ثلج
السفر بيكون مابين تاريخ 26 شهر سبعه الى تاريخ 11شهر 8
في شمال تركيا مناطق بارده جدا و الثلوج قد تراها في رؤوس الجبال نادر يكون هناك طريق سهل لها
في اسطنبول الشقق و الفنادق النظيفة وايداقتباس:
ابي اماكن شقق حلوه ونضيفه
ومنها فندق فريزر راقي جدا ونظيف ومكانه هادي خلف منطقة تقسيم التكاسي متوفره طول الوقت
وغيره كثير من الشقق
المواصلات العامة ماقط جربتها البعض يمدحها لرخصها و البعض الاخر يذمها لزحمتها و القطارات و المتروا يختصر وقت ومالاقتباس:
ابي سواقين ثقه او احسن اني ماخذ سياره استخدم المواصلات العامه
الله يحفظكماقتباس:
حن عايله كبيره من اطفال وشباب
شوف اي مدينة تبي ولازم تحدد مثلا انت في اسطنبول تطلع على بحيرة سبنجة تبعد عن اسطنبول ساعة و نصف الساعة جوها حلو لانصحك بذهاب الى انطاليا او انطاكيا لانها حاره في الصيف برغم من جمال انهارها و شللاتها
انصحك بشده الذهاب الى شمال تركيا ولو بطيران داخلي تجرب طربزون وقرية اوزنجول او سلطان مراد تشوف الجو وبرودته
اسواق شعبيه السوق المصري السوق المسقوف اسطنبولاقتباس:
ابي اسواق شعبيه
واهم شي ايش تنصحوني ازور من المدن ممكن اسكن سبوع في مدينه واسبوع الثاني مدينه اخره
وجزاه الله خير من نفعني بنصيحه او شور او دعوه طيبه
misir carsisi
السوق المصري
السوق المسقوف
the grand bazaar beyazit
بحيرة سبنجة
Sapanca
uzungol
اوزنقول اوزنجول
trabzon
طربزون
اذا بتروح في الصيف ما انصح تروح بورصة اعتقد مستحيل تلقى ثلج في ذاك الوقت انا رحت شهر 4 العام وكان في ثلوج على جبل اولداغ
اعتقد والله اعلم يمكن تكون اسطنبول حارة شوي بالصيف لأنه شهر 4 العام الماضي الجو كان حلو وبراد خفيف بس الشمس لما تطلع تصقع الراس ويحتر الجو الله يعين شلون شهر 7 والفندق انصح ب cvk تقسيم خمس نجوم الجديد (في واحد 4نجوم في تقسيم) فخم وماعليه كلام عيبه الوحيد نسبة عزل الصوت في الغرف بس مافي ازعاج ويكفي جمال الغرف هههههه
جزاكم الله خير
اذا تبي طبيعه وجو حلو وتمشايه عندك منطقة انطاكيا تروح لها بالطيران الداخلي
انطاكيا حلوه لكن مش باردة في عز الصيف الشمال التركي ابرداقتباس:
المشاركة الأصلية كتبت بواسطة شمعة الدوحه
ماقصرتو بارك الله فيكم
نصيحه اذ بتروح مع هلك لاتنسكن في تقسيم وحواليها لانك راح تتضايق اذ نزولك في مطار صبيحه روح فندق كروان بلازا خمس دقايق من المطار وفيه مول رووعه ومنها تنطلق لاي مدينه حابها حسب خطتك
الانظار ع تركيا
والعاب العيال كيف وضعها
للاسف يالكواري العاب في الشمال التركي مافي وايد بدائيه العابهم
اسطنبول عندك فيا لاند وايد حلوة وعندك في جواهرمول طابق الالعاب وايد حلو وكبير
يعطيكم العافيه
اسطنبول زحمة ومملة المتاحف تملل بعد تدفع دخول وتدووووور وحر وعلشان تخلص متحف واحد يبي لك 4 ساعات بصراحة مضيعة وقت
مولاتهم عادية ما حبيتهم مافيها شي مميز
روحوا ابانت من ضمن خططكم منطقة باردة وحليوة وهادية