عرض للطباعة
السلام عليكم ورحمة الله وبركاتة
انا حجزت تاريخ 25 /07/2015 الي تاريخ05/08/2015
الذهاب من قطر الي لندن
الرجوع من ميونخ الي الدوحة
خط الرحلة ثلاث ايام في لندن
يومين في ديزي لاند
يومين في انترلاكن
يومين في زلامسي
ابي مساعدتكم في الشقق في الدول السابقة اللي يعرف لايبخل علينا
والله يعطيكم العافية
ياهلا ومرحبا اخوي السيل
ان شاء الله بنشوف لك شقق بس بعض الاماكن مافيها شقق عدله مثل الناس
وقبل لانروح حق الشقق خلنا اشوي نشوف مخططك وخط سيرك
يعني من لندن ماراح تنزل في باريس !!
اذا بتروح دزني لاند على طول
في يوميا رحله واحده من لندن الى دزني لاند تقريبا الساعه 10:17 صباحا
بالنسبه للتنقل للأماكن الثانيه ماذكرت لنا وسيله التنقل بتستأجر سياره - قطار
على العموم في كل الاحول بالمخطط الي ذكرته تعب عليكم وايد ماراح ترتاحون كلشي
عندكم مسافتين طويله
دزني لاند - انتر لاكن المسافه 615 كيلو ( 7 ساعات تقريبا )
وبعدها بيومين عندك مسافه من انتر لاكن الى زيلامسي المسافه 520 كيلو (6 ساعات تقريبا )
اذا يناسبك توكل على الله ربي يحفظكم
وان شاء الله راجع لك للشقق اخوي بالتوفيق
دزني لاند - لاكن
اقتباس:
المشاركة الأصلية كتبت بواسطة غير البشر
هلا وغلا اخوي غير البشر
انا بنزل لندن ثلاث ايام او يومين عقبها بروح بقطار الي باريس بقعد فيها يومين كذلك
وعقبها باخذ سيارة واروح انتر لاكن عقبها زلامسي وعقبها الرجوع من مطار ميونخ
اما علي المسافة فالامر عادي ان شاءالله لان المناظر اللي ع الطريق تخليك ماتحس في الطريق
واذا كان عندك مخطط حلو ياليتني تفيدني فيه اخوي
طبعا التذاكر اصدرت
تاريخ 24/07/2015 الي لندن والرجوع من مطار ميونخ تاريخ 04/08/2015
وتحياتي لك
والخبر الحلو انك قتلي فيه قطار دايركت من لندن الي ديزني لاند ماكنت حاطه في المخطط هذا وفر علي يوم
ياليت تقولي اسم المحطه
غير البشر انسان يستحق الشكر فعلاً بارك الله فيه
ورحلة موفقة اخوي الكريم
اخوي غير البشر تسلم وماقصرت
اذا كان عندكم مخطط ثاني من بعد دزني ياليت تفيدني فيه واكون شاكر لك
أسم المحطه في لندن :اقتباس:
المشاركة الأصلية كتبت بواسطة الســيل
London St Pancras International
لا اتروح زلامسي خلك بانترلاكن احسن منها بوايد
وحرام اتضيع 6 ساعات بالروحه لها واستمتع في انترلاكن
وروح مطعم بومباي اكله لذيذ :nice:
اقتباس:
المشاركة الأصلية كتبت بواسطة الســيل
ياهلا ومرحبا اخوي السيل
السموحه كنت مسافر وتوني راجع من السفر
اي في قطار يومي تقريبا يتحرك بنفس الوقت الساعه 10 وربع الصبح
ومده الرحله تقريبا من لندن الى دزني لاند ساعتين و 42 دقيقه
يطلع من محطه قطارات لندن St Pancras Int'l
الى محطه قطارات دزني لاند Disneyland Resort (Marne-la-Vallée/Chessy)
ممكن تشوف الرحله على الرابط وتشوف التاريخ الي يناسبك تاريخ 28 مافي دايركت
بتاريخ 27 و 29 / 7 في دايركت
http://www.eurostar.com/uk-en/book/t...train/20150729
اقتباس:
المشاركة الأصلية كتبت بواسطة وحيد-الشوق
حبيب والله اخوي وحيد
جزاك الله خير على كلامك الطيب
تحياتي يا الغالي
اقتباس:
المشاركة الأصلية كتبت بواسطة الســيل
المخطط الثاني من بعد دزني
تروح انتر لاكن
وبعدها الى فرايبورغ ومن فرايبورغ تروح مدينه رست حق ملاهي اوروبا بارك
وايضا فرايبورغ قريبه من شلالات الراين ومدينه كولمار وستراسبورغ الفرنسيه
وقريبه من بادن بادن وشتوتغارت والغابات السوداء
وفريبورغ هي قريه المانيه قريبه منها الحدود الفرنسيه والسويسريه
وبعدها تكون العوده من مطار زيوريخ اقرب لك
اما اذا خاطرك تروح ميونخ هذا شي اخر ممكن ايضا لكن ابعد اشوي
هالجدول بيريحك اكثر بالمسافات
ونفس ماقالت حراير ان انتر لاكن ممكن تغنيك عن زيلامسي
تحياتي
اقتباس:
المشاركة الأصلية كتبت بواسطة حراير قطر
اي واحد قصدج الي تدخلين له من الدوار قبل سكه الحديد يكون على يمينج !!
اي هذا حلووو وكل يوم اروح اكرك عنده ههههههه
اخوي السيل ارسى على اي مخطط يناسبك بسوي لك خارطه توضح لك الاماكن الي بتروح لها
ونشوف لك الفنادق
وبعدها نفتر صوب الاماكن السياحه والمطاعم وهالسوالف
بالتوفيق اخوي
اقتباس:
المشاركة الأصلية كتبت بواسطة وحيد-الشوق
الف شكر له والله يعطيه العافية
اقتباس:
المشاركة الأصلية كتبت بواسطة medic
شكرن اخوي
اقتباس:
المشاركة الأصلية كتبت بواسطة حراير قطر
هذا اللي بيصير ان شاءالله
شكرن ع النصيحة اختي حراير
اقتباس:
المشاركة الأصلية كتبت بواسطة Girnaas
ماقصرت علي الموقع لي رجعه عليه ان شاءالله الف شكر اخوي
اقتباس:
المشاركة الأصلية كتبت بواسطة غير البشر
مسموح اخوي غير البشر والحمدالله ع السلامه
اقتباس:
المشاركة الأصلية كتبت بواسطة غير البشر
برسي علي مخططك اخوي بس الرجعه بتكون من مطار ميونخ
ماراح اسكن في ميونخ بس الرجعه تكون مطار ميونخ
لان التذاكر محجوزه وكل شي اوكي
بشوفهم اذا فيه مجال تغير الرحلة الي زيورخ
تروح وترجع بالسلامه