السلام عليكم ورحمة الله وبركاته ..
اللي يحتاج أي مساعدة في فرانكفورت وضواحيها ، أنا إن شاء الله جاهز وموجود ..
حاليا موجود في فرانكفورت ومتمكن من اللغة الألمانية ..
وحياكم الله :)
عرض للطباعة
السلام عليكم ورحمة الله وبركاته ..
اللي يحتاج أي مساعدة في فرانكفورت وضواحيها ، أنا إن شاء الله جاهز وموجود ..
حاليا موجود في فرانكفورت ومتمكن من اللغة الألمانية ..
وحياكم الله :)
الله يعطيك العافيه ما قصرت جزاك الله خير على هالمبادره الطيبه منك..
وعليكم السلام ورحمة الله وبركاته
الله يجزاك الخير
مرحبا
انا حاليا افكر اروح دوسلدورف وفرايبورغ بدايه شهر تسعه ان شاءالله ,
بس ياليت تقولي رايك في فرانكفورت لانها تكون بين هالمنطقتين وعطني اسماء الفنادق اللي تستاهل في كل المناطق وهل تحتاج سياره ؟؟
اقتباس:
المشاركة الأصلية كتبت بواسطة عازف الاورج
وإياكم ..اقتباس:
المشاركة الأصلية كتبت بواسطة قدها وقدود
المسافة بين فرايبوغ وفرانكفورت 270 كيلواقتباس:
المشاركة الأصلية كتبت بواسطة قدها وقدود
المسافة بين دوسلدورف وفرانكفورت 230 كيلو
المسافة بين دسلدورف وفرايبوغ 470 كيلو - لا تمر بالسيارة من داخل فرانكفورت ، وإنما على أطرافها
ما يميز فرانكفورت ، هو تمازج الحضارة الألمانية القديمة بالحضارة الجديدة ، والصناعة والاقتصاد بالطبيعة والخضار ..
تتميز فرانكفورت عن غيرها من المدن الألمانية بناطحات السحاب اللي فيها ، اللي تشابه ناطحات دبي وقطر ..
وبين هالناطحات يوجد "شارع التسايل" .. وهو من أشهر الشوارع في ألمانيا وفي فرانكفورت ، شارع سياحي تجاري ، شارع يتميز بأرضيته الحجرية وعلى الأطراف المحلات التجارية ومراكز التسوق.
من المعالم السياحية في فرانكفورت : بيت الشاعر الألماني غوتة .. متحف senckenberg وفيه تجد هياكل العظام للديناصورات ، والعصور الحجرية وغيرها من العصور ..
يميز فرانكفورت ، انه تعتبر قلب ألمانيا ، وتتوسط عدة مدن مشهورة بجمالها .. منها ماينز ، فيسبادن ، مانهايم ، هايدلبيرغ ..
تقريبا مدة ساعة بالسيارة لكل مدينة عن فرانفكورت ..
أيضا تشتهر فرانكفورت في جهتها الشمالية بمجموعة جبال الـ Taunus .. وهناك تجد سحر الطبيعة لمدينة فرانكفورت .. وتشتهر المنطقة بجبالها وغاباتها والينابيع التي فيها .
حاليا انا ساكن في أحدى المدن الصغيرة في الـ Taunus ، وما اخفي عليك بطبيعة الجو والغابات ..
للي جاي سياحة يفضل أنه يسكن في السنتر وقريب من شارع التسايل .. وهذي أفضل الفنادق في فرانكفورت :
شتايغنبيرغر فرانكفورت هوف - على ما اعتقد هو أقدم فندق في فرانكفورت وتم تجديده - Steigenberger Frankfurter Hof
فرانكفورت الجميرة Jumeirah Frankfurt
انتركونتننتال فرانكفورت - يطل على نهر الماين ..
Villa Kennedy
مريديان بارك - Le Meridien Parkhotel Frankfurt
الهيلتون ..
وفي غيرهم كثير 5 نجوم .. بس هذا اللي خطر على البال :)
بالنسبة للسيارة .. هذا الشي يرجع لك من ناحية التنقل وكم شخص أنتو .. عائلة أو شباب .. :)
تحب تجرب القطارات الألمانية ... والسفر بالقطارات ..
أو تستخدم السيارة للتنقل والسياحة ..
في فرانكفورت .. تقدر تروح وين ما تبي عادي بالقطارات تحت الارض او بالقطارات الشارع .. وشبكة المواصلات جدا قوية .. ( حاليا تحت الارض موقف للصيانة بس لين 25/ 8 )
داخل فرانكفورت .. شوي زحمة .. بس يا حلاتها من زحمة عن قطر :) .. الأمور طبية وبتعجبك إن شاء الله لو نويت :)
إن بغيت اي استفسار ، انا جاهز ان شاء الله :)
اخوي عندك رقم سواق في فرانكفورت
جزاك الله خير كفيت ووفيت وزياده
وماقصرت تحياتي لك
اخوي بغيت رقم سواق عربي لو تعرف ويكون سعره زين وكم المسافه من فرانكفورت الى ديزني لاند باريس وشنو الاحسن القطار والاسياره للعلم احنا عاىله وابع اطفال تحت الست سنوات وجزاك الله كل خير
احسن شي اركب القطار من محطه فرانكفورت القطار السريع ( سرعه البرق
جزاك الله خير
إِيش الفنادق العائلية اللي ترشحها
موقعها حلو و نظيفه
تسلم وما قصرت
ممكن تصور لي لوحة محل بيع ادوات الصيد البحري
القريب من سوق الخضرة .
اخوي حاب ادرس اللغه الالمانيه كم المده المتوقعه علشان اتقنها ؟
كم تكلفه دراسه في معهد للغه ممكن تفيدني
شكرا لك مقدما
قريبا ان شاء الله راح ننتقل للعيش بألمانيا
هل تعلم اللغة الالمانية سهل
انا اجيد الانجليزية والفرنسية هل هي لغات متداولة بألمانيا
وينك يابوالشباب أنا وصلت ميونخ وانت ماترد أذا تبي شىء من ميونخ أرسل على الخاص .اقتباس:
المشاركة الأصلية كتبت بواسطة باراكودا
سئلت واحد قال من سنة ونص لسنتين وأكيد تعتمد على نشاطك واجتهادكاقتباس:
المشاركة الأصلية كتبت بواسطة mubarak7
التكلفة لازم تختلف من معهد لمعهد .. بس تبي نصيحتي تقدر تتعلم عن طريق اليوتيوب وقوقل وعن طريق قرآءة كتب بالألماني اللي يعرف انجليزي تستوي عنده سهلة الألمانية بينهم كلمات كثيرة مشتركة مثل and in dautch und تنطق اوند
الله يوفقك ألمانيا حلوة والألمان طيبين وحتى بردهم ألحين طيب ويسرسح على القلب .. وشعبهم يشجعك تلبس عدل وايد منهم يلبسون قفازات وغطاء رأس صوف .. انا باقي لي كم يوم وارجع ولي 6 شهور وزيادة ما مليت من هالبلاد الطيبة .. وأحلى ما فيها شوارعها السريعة ولين شفت السرعة فوق ال 200 وناس يجون وراك يبونك تفتح لهم.
قوانين مرورهم يبي لك يوم أو يومين تتعلمها من شخص ثاني .. مثلاً بعض الاشارات تفتح للمشاة وتفتح للسائق والأولوية للمشاة وفيه طريق للسياكل جنب المشاة والسياكل يمرون بسرعة ضروري تنتبه لهم ولا تطوف ويدعمونك وتكون انت الغلطان.
البلاد فيها أمان بس دوم الواحد يحذر من الأماكن المعزولة خصوصاً في وقت متأخر ومشاكلهم تكثر السبت بسبب الشرب بكثرة .. بس يوم مهرجان الشرب شفت ناس يتمايلون في الشارع بس ضابطين نفسهم أكثر من ربعنا وهم صاحيين .. الشعب كله قانوني واللي يخالف القانون يستفزهم ومعاهم حق .. يعني بتغير من مسار لمسار لازم الإشارة .. واقف في طريق بيلف يمين وفيه سهم تحصل الكل مشغل اشارة سيارته اللي على السياكل ياشرون لك بيدهم ولازم تخفف وراهم أوقات يقطعون الطريق بيروحون الجهة الثانية .. يعني السياكل على الرصيف يمشون في اتجاه السير مب مثل اللي عندنا كل واحد عكس الثاني .. ولازم الليت والع في الليل حتى يبين.
بيكون كل شيء سهل ألمانيا بلاد راقية وشعبها راقي .. انا رابع مرة أزورها بس هذي المرة طولت وتعاملت مع الكثيرين وسقت سيارة وتحركت حول مناطق بعيدة .. أرخص من الدوحة ودبي أشوفها .. بعض العرب استغلالين بس كثير منهم ما يقصرون في شيء ومتعاونين ومحترمين للغايةاقتباس:
المشاركة الأصلية كتبت بواسطة ام امااني
بالتوفيق لكم إن شاء الله
الله يوفقك اخوي باراكودا لو يلزمك شيء تواصل معاي انا والدتي معاي وطلعت الحمد لله من المصحة ونستعد للرحيل للدوحة عن هذا البلد الطيباقتباس:
المشاركة الأصلية كتبت بواسطة باراكودا
شكرا اخوي جزاك الله خيراقتباس:
المشاركة الأصلية كتبت بواسطة معماري قطري
وسلامة الوالدة الله يشفيها ويردكم سالمين
آمين والله يوفقكم في سفرتكماقتباس:
المشاركة الأصلية كتبت بواسطة ام امااني
الحمدلله على سلامة الوالدة الله يعطيها الصحة والعافيةاقتباس:
المشاركة الأصلية كتبت بواسطة معماري قطري
انا حاليا غير محتاج شىء والحمدلله الله يخلي الحكومة ماخلت لنا شىء نحتاجة وفرت لناكل شىء
وانت راعي الفزعات ومعروف وشكراياسعادة المهندس .