السلام عليكم ورحمة الله وبركاته
انا رايح لندن ان شاء الله كم يوم ومن لندن الى بلجيكا ودوسلدورف وبارجع لندن
السؤال هل في قطار من لندن الى بلجيكا مباشر او الى دوسلدورف ؟؟
عرض للطباعة
السلام عليكم ورحمة الله وبركاته
انا رايح لندن ان شاء الله كم يوم ومن لندن الى بلجيكا ودوسلدورف وبارجع لندن
السؤال هل في قطار من لندن الى بلجيكا مباشر او الى دوسلدورف ؟؟
اتوقع لازم تمر على محطات
الأحسن تشيك على موقع قطارات يورو ستار
وطن
لو يوقف على محطه او محطتين مافي مشكله بس اهم شي مافي تبديل
واحد من الربع راح من بلجيكا الى لندن مباشر بدون تبديل على كلامه بس انا بغيت اتأكد
فى قطار مباشر الي بروكسل من محطة سانت بانكرز فى لندن ، مدته ساعتين تقريبا .اقتباس:
المشاركة الأصلية كتبت بواسطة قدها وقدود
ياهلا ومرحبا اخوي
بالنسبه من لندن الى بلجيكا بروكسل
في قطارات تروح دايركت يورو ستار
من محطه St Pancras في لندن
الى محطه Brussels-Midi/Zuid
المسافه مابين 2:01 الى 2:17 دايركت
ومن نفس المحطه Brussels-Midi/Zuid
بس طبعا عن طريق القطار البلجيكي وليس يورو ستار
في قطارات تروح دايركت الى دوسلدورف بس تكون رحلات محدوده لان الباقي كلها تبدل قطار في مدينه كولن
يعني اول قطار دايركت يمشي الساعه 7:08 الصبح
ومده الرحله 2:15 دايركت
القطار الي بعده دايركت الساعه 1:28 ومده الرحله 2:14
بس هالرحلتين الي تقدر تاخذهم
في رحله الساعه 12:40 دايركت
بس تطلع من محطه القطارات اسمها Bruxelles-Nord ببروكسل
مده الرحله 3:05
بالتوفيق ان شاء الله
اقتباس:
المشاركة الأصلية كتبت بواسطة قدها وقدود
تأكد اخوي ان شاء الله في رحلات مباشره من لندن الى بروكسل
يعني من لندن الى دوسدلورف فقط تبديل قطار واحد في محطه بروكسل وبعدها دايركت دوسلدورف
يعني اخوي لو ماتبغي تقعد في بلجيكا
وتبغي تروح من لندن الى دوسلدورف
تاخذ رحله اليورو ستار الى بروكسل
وقت الرحله الساعه 8:58 الصبح
توصل بروكسل الساعه 12:08 الصبح
وبعدها بساعه و 20 دقيقه يمشي القطار الدايركت الي يروح دوسلدورف
رحلات اليورو ستار الى بلجيكا
http://www.eurostar.com/uk-en/book/t...train/20150829
ماشاءالله عليك اخوي غير البشر كفيت ووفيت
انت مكسب للمنتدى وباقي الشباب ماعليهم اقصور
انا هذا جدولي
من لندن باحجز في فندق غروفنر هوتيل في باركلين من 5 سبتمبر الى 9 سبتمبر
ومن 9 باروح بلجيكا الى يوم 12والفندق بيكون الشرتون وقريب محطة القطار
ومن 12 باروح دوسلدورف الى 16 والفندق بيكون الانتركونتننتال وطبعا قريب المحطه
ويوم 16 بارجع لندن الى 18 ونرجع الدوحه
يعني لو مافي قطار دايركت من لندن الى بلجيكا لو كنسلت لندن واقعد في ألمانيا بس
اشرايك في الجدول واسعار التذاكر كم تقريبا اسعارها
وبالنسبه للشنغن وانا رايح بلجيكا اشلون وضعهم بالقطار
تحياتي
مشكور اخوي على كلامك الطيب
جزاك الله خير وفي ميزان حسناتك
اي تقصد فندق غروفنر هاوس في لندن بشارع الباركلين متاز جدا والغرف كبيره
بالنسبه لفندق الشيراتون في بروكسل ممتاز جدا جدا وقدامه مجمع ستي2 وجنب المجمع شارع للمشاه صغيره وروعه وفيه مجمه INNO هنا ممكن تحصل ماركات ارخص من المحلات الي برع ويسوون عليها خصومات حلوه وساحه الغراند قريبه منك بعد
نعم خلف الفندق في محطه قطارات Bruxelles-Nord
لكن مش المحطه الرئيسيه Brussels-Midi/Zuid الي بتوصل لها من لندن
المحطه الي ورى الفندق فيها رحله وحده فقط دايركت الى دوسلدورف الساعه 12:40 وتاخذ اكثر من 3 ساعات
الافضل لك تروح على المحطه الرئيسيه عشان الرحله مدتها اقل اكثر من ساعتين بشوي
ماشاء الله فنادقك عجيبه ههههه الانتر حلو في شارع الملوك احلى مكان واقدع ناس :taunt:
ليش ترجع لندن !!!!
احجز العوده من فرانكفورت افضل واقرب لك لاترجع لندن مشوار وحاله
واذا اخر يومين الي بتقضيها في لندن روح فيها بادن بادن واقعد هناك واطلع منها على ملاهي اوروبا بارك قريبه منها
اذا رحت بادن بادن ترجع للدوحه من مطار شتوتغارت افضل واقرب لك من فرانكفورت
وبالتوفيق يارب
بخصوص الاسعار
اسعار شنو الي تبغي تعرفها تذكار القطار !!
بالنسبه للشنغن
راح يشيكون عليها في محطه قطارات لندن قبل لاتركب اليورو ستار ويتأكدون ان عندك تأشسره وصالحه غير منتهيه
وبس بعدها بالقطار ماراح يشيكون عليك
يعني من تركب قطار اليورو ستار امورك طيبه بكل دوله تروحها في اوروربا
بس بغيت اعرف بالنسبه للشنغن الي عندك هل هي جديده او مستخدمها قبل ؟
اذا جديده من اي سفاره مستخرجها ؟
هلا اخوي غير البشر
ايه نعم اقصد اسعار تذاكر القطار . بس مب مهم
القطار من لندن الى بلجيكا لمده ساعتين وشوي زين حلوين
بخصوص رجوعي إلى لندن من ألمانيا لان بيكون عندي شنطتين او ثلاث وقاري للبنت وقلت باخليهم في الفندق وشيل شنطه وحده وقاري بس مافي مشكله وان شاءالله سهالات
بعد فكرتك حلوه ان اروح فرايبورغ ولا ارجع لندن احسن
خلاص باخلي ذهاب لندن العوده من فرانكفوت احسن واقرب من لندن واطلع منها فرايبورغ واطلع منها عاليوروبارك واعتقد قريبه واحسن من بادن بادن والله اعلم
بس وين اترشح لي فندق زين في فرايبورغ وان شاءالله يكون في قطار دايركت من دوسلدورف إلى فرايبورغ
بالنسبه لسؤالك اخوي للشنغن اليوم شيكتهم وبتنتهي في شهر 8-2016 بس مادري قديم والا جديد واستخدمتهم من سنتين كنت رايح فينا ورجعت من ميونخ
تحياااتي
بالنسبه لاغراضك الي بلندن لو تشحنهم ارخص لك من رجعتك لندن
يعني توفير وقت وجهد ومال
توكل على الله وروح فرايبورغ
تقريبا من دوسلدورف في رحلات دايركت مدتها 3:30
فرايبورغ انا اشوفها احسن من بادن بادن للأسباب التاليه :
1- من فرايبورغ لين اوروبارك تقريبا عشر دقايق وان كثرت ربع ساعه
ومن بادن بادن لين اوروبا بارك مب اقل من نص ساعه
بادن بادن - اوروبا بارك >> 80 كيلو
فرايبورغ - اوروبا بارك >> 37 كيلو
2- فرايبورغ قريبه جدا من الحدود الفرنسيه والسويسريه
عن زيوريخ ساعه الاربع بس
ولين شلالات الراين في سويسرا نفس المسافه
ولين ستراسبورغ الفرنسيه نص ساعه
ولين كولمار الفرنسيه اقل من نص ساعه
3- مدينه صغيره وحلوه وفيها سنتر حلو ان شاء الله بتستمتع فيها
بالنسبه للعوده ليش ماترجع على الخطوط القرطيه من شتوتغارت اقرب لك كثير من فرانكفورت !!!
من فرايبورغ الى شتوتغارت 183 كيلو تقريبا ساعتين
من فرايبورغ الى ميونخ 270 كيلو تقريبا 3:45
وقريب من شتوتغارت في اوت لت ميتزغن ممكن تروح له قبل السفر
فندق في فرايبورغ
http://www.booking.com/hotel/de/colo...out=2015-08-31
بالنسبه للفيزا دامك استخدمتها قبل اوكي كلشي تمام امورك في الروب :nice:
بالتوفيق ان شاء الله
فيه قطارات من بروكسل الى لندن والعكس يورو ستار
وتقدر تاخذ من لندن الى باريس يورو ستار وبعدين تبدل وتركب تاليس من باريس الى بروكسل
انا حاليا في بلجيكا واي خدمه حاضرر
اخوي غير ماقصرت معاي
خلاص غيرت جدولي في اخر لحظه وعله خير إن شاءالله
وجدولي حاليا
رايح دوسلدورف وبعدين فرايبورغ وزيوريخ والعوده من زيوريخ إن شاءالله
ولندن باخليها في السفرات الجايه ان شاءالله
والفندق اللي انت رشحته في فرايبورغ بصراحه عجيب
وبالنسبه لزيوريخ اي فندق اترشح لي وبعض المعلومات عن زيوريخ اذ ممكن
بالنسبه لسؤالك ليش مابي ارجع من شتوتغارت لان في تبديل طياره وللعلم انا رايح بالاماراتيه
اخوي سهم البورصه ماقصرت