كل منا له وجهه في السفر وحتما تحصل بعض المشاكل وسؤ المعامله والمواقف لنا وطرحها من باب الحيطه والحذر حتى لانقع ضحيه نصب واستغلال الاخرين .... ودمتم
كل منا له وجهه في السفر وحتما تحصل بعض المشاكل وسؤ المعامله والمواقف لنا وطرحها من باب الحيطه والحذر حتى لانقع ضحيه نصب واستغلال الاخرين .... ودمتم
مشكله واجهتنا في مطار صبيحه عند العوده في التاكس فري طلبو كل المشتريات الي عليها تاكس يشوفوها!!!
العوا شلون تاكس فري وش سويت
وش السالفه
اوه السنه بتطلع المشاكل عدل
التاكس فري ماتدخل شناطك مع الشحن والمشكله تنقصنا معلومات كثيره
نجهلها ويجهلونها الناس
العام في ميونخ عطوني نص التاكس والباقي هملته لان موعد الاقلاع
حاطين لهم ناس تعبانين وبطيئين وهذه طبعا مقصوده مش عن عدم معرفه
علشان مايرجون لك التاكس
دائما المشتريات خلها باسم شخص واحد وعند السفر حط المشتريات في شنطه وحده بروحهم ولما تجي
تعمل شيك مع الكونتر خبرها هذه الشناط فيها تاكس بتعزلهم وبتوديهم شحن خاص للتاكس وهم بيدخلونها
ساعات يقولك اوكي وساعات يقولك نفتش انت وحظك وعقب تروح للتاكس عقب مايختم على الفواتير
وتعال صف في طابور الله يعينك وساعات تتركه علشان الطياره
فا حاول توصل قبل لايفتح الكاونتر خصوصا اذا عندك تاكس لان الاجراءات طويله
اللهم لك الحمد والشكر على ماتفضل به علينا ، ماصادفتنا اي عوائق ولا اي مشاكل ، وامورنا تيسرت بفضل الله ، والحمد لله الذي تتم بنعمته الصالحات
كلامكم صحيح عن التاكس فري ما كنت ادري عنه ويوم كلمني راعي المحل وإني اقدر استرجع المبلغ من المطار طلع لي مبلغ حول الخمسمية باوند
يرجعون لك بيزاتك في المطار الي حاسبينها ضريبه شرط يشفونها قطعه قطعه هملتهم
المشكله الثانيه في المطاعم المنيوم اسعاره في صوب والفاتوره في صوب ومايرضى يعطيك الفاتوره لازم قبل ماتطلب تساله عن الحساب علشان ماتتورط
السلام عليكم ورحمة الله وبركاته،اقتباس:
المشاركة الأصلية كتبت بواسطة العـوا
ضريبة الخدمة يحسبونها مع الفاتورة عادة، وتتراوح من بلد لبلد. يمكن هذا سبب تغير اسعار المنيو عن الفاتورة.
بس استغرب ليش ما يعطون الفاتورة. في اي بلد يسوون جذي؟
تاكس فري
تعبي الاستماره داخل المحل وتعبيه من الجواز
ويرجعون لك بعض البالغ من كاونتر خاص بالتاكس فري
يليت مانختزل كل المشاكل كلها في التاكس فري في مشاكل اهم وكثيره الي تواجهه اغلب المسافرين ونجتهد في وضع حلول لتفاديها ,,,
بس دامكم في نقطه التاكس فري خلوني اقولكم اهم النقاط اولا يتعمدون ياخرونك عشان تزهق وتطلع وماتاخذ التاكس يحاولون معاك بشتى الطرق يدخلونها في حسابك او يرجعون المبالغ في فيزتك وانتبهه هذا فخ انسى فلوسك بالعربي اطلبها دايمن كاش واذا اصرو جمد لهم لين تشوف الطريق مسدود لاحول ولاقوه عطهم بيانات بنكك على وعسى يصدقون ,,,,, كنت في غلط اسويه اجمع كل التاكسات في ورقه وحده مثلا هارودوز او سلفرجس في لندن بس لك لمت 1500 باوند او 1400 ناسي اذا تعديتها مايعطيك كاش في المطار يحولها للبنك فانت خلك في الوضع الامن لاتزيد كل ورقه تاكس عن 1000 يورو او 1000 باوند اقصد بالقيمه المبلغ الي بيرجع لك مثلا شاري شنطه ب10000 باوند او ساعه وبيرجعون لك 10% من قيمتها 1000 باوند لين هنيه اوكي بس اذا شفت المبلغ الي راجع فوق حاول تخليها على ورقتين تاكس افضل
في مشكله ثانيه وقحه منهم اذا انت في اوروبا مايعطيك باليورو لا يحولها لك دولار يقولك ماعندي يورو تقوله اوكي ويضرب عليك هنيه في سعر الصرف يعني يحول اليورو دولار ويكون اصلن غالي عليك الدولار اكثر من سعر السوق
من اسوء المطارات في التاكس فري هو مطار شارل ديغول في فرنسا دايمن زحمه وخصوصا من الاسيوين وشباك واحد فقط وتقعد نص ساعه تنتظر الدور وبعدها تنصدم انه هذا كله بس ختم وعقب ادش في كيو ثاني لشباك ثاني عشان الصرف يعني تكون مرحله التاكس مر حلتين يقدر يخلي هالموظف الي يختم لك في نفس مكتب التاكس فري ويفك الناس العباله كما هو الحال في باقي مطارات اوروبا ومطار برشلونه مش متعاونين ابدا ومعقد ميونيخ نوعا ما افضل وجنيف افضلهم اشوف مطار هيثرو تيرمنال 5 مال القطريه الي تحت جيدين وشغلهم مرتب وسريعين بس عيبهم فيهم ملاقه اوقات يرد بعض التاكسات يقولك مالنا خص فيها هذي شركه ثانيه مب غلوبال تاكس فري روح تيرمنال 2 مادري 3
صحيح
يا ليت نعرف عن باقي المشاكل غير التاكس فري
المشكله الثانيه
النصب على السواح في سالفه اختيار المطاعم لا تترك السواق يوديك المطعم الي ع كيفه لانه ياخذ عموله من المطعم لا واكله يضاف ع فاتورتك ونت ماتدري
السياكل لي ف الاكسفورد وصوب هارودز
خذ علينا لفتين ويوم نزلنا الا يقول لنا ب 400 باوند
خير عسى ماشر ..؟؟ ويوم تهاوشنا معاه جمع ربعه كلهم وتموا يتهاوشون معانا ويقولون كلام وصخ
وقلت لهم ببلغ الشرطه وعطيته 200 باوند بعد واجد عليه يحمد ربه النصاب
لو بلغتم الشرطه كان افضلاقتباس:
المشاركة الأصلية كتبت بواسطة شموخ-qtr
ممكن نتكلم عن السرقات الي تتم في السفر حد عنده شي يفيدنا
كنت في اوروبا العام وكانو معاي اصدقاءي ورحله شبابيه وتعرضنا ل4 مواقف سرقه في هالسفره اول موقف في مطعم عربي(لبناني) في المانيا بعد ماطلبنا وخلصنا وخصوصا هم ضرباتهم في العدد الكبير يعني من 6 اشخاص وطالع ويعرفونا خليجين وقت الحساب تصير حرب ومذبحه كل واحد يبي يدفع عن ربعه الزبده حظهم نحس هالمطعم ويانا لانه احنا نظامنا السكن والمطاعم قطيه وباقي الامور الواحد بكيفه وكان واحد من ربعنا مستلم الامور الماليه
لمن وصل الحساب الا المبلغ حسيناه عالي شوي لمن نادينا الجرسون ضحك قال اسف الطاوله الي جنبكم هذا الموقف الاول ،،،،، الموقف الثاني حصل انا وواحد من الربع كويتي كنا رايحن لربعنا في الفندق الثاني ومب بعيد عن فندقنا يمكن 5 دقايق مشي المهم اعترضونا 2 بلابس مدني ورورنا بطايقهم بسرعه ورجعوها ويدعون انهم شرطه الهجره اميغريشن بوليس واحد عمره في 50 والثاني في 30 ولكنتهم من شرق اوروبا او روسيا يعني الانجليزي لكم عليه شوي قال عطوني جوازاتكم انا كل شي اقطه في السيفتي بوكس في الفندق الا الجواز دايمن في مخباي وطلعته له وشيك على الفيزا وقال للكويتي نفس الشي وفعلا طلع الكويتي جوازه وروراه وعقب قالي عندكم فلوس قلت اي عندنا قال وروني اياها هينه شكيت شوي قلت مب من حقكك قال لا لازم ماوعيت الا الكويتي طلع بوكه ورواهم سالته ليش طلعت لهم قال اي اذا شافو عندك فلوس وايد يشكون فيك انك تاجر مخدرات المهم بخفه يد سرق من البوك بدون نحس يوم وصلنا الفندق الثاني اكتشفنا السرقه ,,,,
الموقف الثالث صار لصديقي في لندن وبتحديد في شارع اكسفورد سحب فلوس من البنك البريطاني للشرق الاوسط ودعمه واحد وقاله اسف وفي واحد ثاني ثبته ولاقدرو يسرقون منه شي لانه مسكر جرار الجاكيت وحس فيهم والله سلم وخصوصا انه صك واحد منهم بقس في راسه وشردو
الموقف الرابع وهو شوي طويل ولكن احسه منتشر بس عقب بوافيكم فيه اهم شي في السفر انك ماتشل مبالغ كبيره في مخباك
لقيت صورة في النت فيها تحذيرات عامة للي يبي يسافر، فيها معلومات مفيدة عن كل طرق النصب وفي أي دولة تنتشر
http://i.imgur.com/d6vA6WS.jpg
حلو الموضوع ليه ما في تفاعل فيه ؟؟
اقترح وضع رقم الشرطة لكل مدينة سياحية في المنتدى ويتم تثبيت الموضوع في قسم السياحة و السفر، وكل واحد يحفظ الرقم في جواله للطواري:
لندن: 999
باريس: 112
السعودية: 999
فيينا: 133
يرجى الاضافة....
سفرة تركيا كانت اكثر سفره واجهت فيها مشاكل!! تعامل بعض سائقي التاكسي السيئ ونصبهم علينا وتلاعبهم بالعداد..
ما يبون يرجعون لنا الردود حتى في المحلات ويعصبون بعد!!
شارع تقسيم والسرقات اللي فيه والتسول!! المطاعم اذا ما تاكدت من الفاتوره عادي يضيفون اطباق ما طلبناها
فرنسا،، مشكلة عدم رغبتهم في مساعدة العرب المسلمين!