السلام عليكم
شباب الله لايهينكم محتار بين موترين والاثنين في خاطري ولازم اختار واحد وياليت تنصحوني
1) رنج روفر سبورت 8 سلندر 2019
2) لكزس الفورويل 2019
الله لايهينكم
عرض للطباعة
السلام عليكم
شباب الله لايهينكم محتار بين موترين والاثنين في خاطري ولازم اختار واحد وياليت تنصحوني
1) رنج روفر سبورت 8 سلندر 2019
2) لكزس الفورويل 2019
الله لايهينكم
الروح بحكم الفيسلفت الجميل اللي توه استوى
اللكسز بيتغير قريب و حرام فيه قريب النص مليون و بيتغير و يدق سعره من ينزل الشكل الجديد.
و الاحسن انك تروح و تاخذهم اثنينهم تست درايف
انا كرهت الرنج خصوصاً السبورت بعد ركوبي فيه أول مرة بسبب ضيق الباب ونزول السقف .. الفوج وايد أحسن وشوي أوسع كذلك الجديدة الأودي كيو 8 لو تبي شيء منافس وبسعر مناسب .. سعرها 410 آلاف للكاملة و360 للأقل
اللكزس قيمتها فيها حتى لو تغيرت صحيح تنزل لكن ما تنزل وايد ومرغوبة .. أشوف 2008 للحين ماشية وعند عمي وحدة محافظ عليها شبه جديدة الله يحفظه ويخليها له
عني انا أفضل اللكزس على كل سيارات الفورويل والسبب مريحة وواسعة للدخول خصوصاً للي مثلي .. اللي سايزه سمول والا مديم اتوقع تنفع له كل السيارات .. كنت اتغلغص في الميني مع إنها باب واحد وبابها وسيع وألحين معروضة في معرض للبيع
لكزس سعي الى الكمال لايعرف الكلل
حاول تفكر زين قبل لاتدفع نص مليون فياباني.
الرنج فيه حقه, واتفق مع اخوي معماري, حاول تتوجه للفوج
الفوج وشوف مستعمل نظيف وممشاه قليل 2015
مستحيل الاثنين في خاطرك،،متاكد انك تبي واحد من هالاثنين وأنت تعرف الجواب وأي واحد هذا رايي
وآخر نصيحه نص مليون في سياره شي غير مقبول
وعليكم السلام
سو تست درايف واختار اللي يناسبك
لو خاطرك في الاثنين
خذ لك اثنينتهم مستعمليين موديل 2015 او 2016
بتلاقيهم سعرهم اثنينتهم بقيمة سعر اي وحده منهم جديده 2019
ولو معزم على الجديد .
فاخذ لك لكزس وهي افضل من جميع النواحي على المدى الطويل.
بس انتظر الشكل الجديد.
وبالتوفيق.
عندي القديمة 2012 وصابر عليها للمهمات الصعبة توها واصلة 90000 ونويت على صالون سبورت خذت اس 500 كوبية بنص السعر وممشاه تحت 17000 استخدام شخص واحد في سني تقريباًاقتباس:
المشاركة الأصلية كتبت بواسطة راعي الكورفت
نصيحتك في المستعمل في محلها لأن غالبية السيارات بيتغير شكلها والمستعمل بعضه جيد لو تنتقيه عدل وتصبر وانت تبحث وبقيمة سيارة تحصل ثنتين
بيض لله وجيهكم ياشباب واحد واحد على ردودكم السريعه
لكزس وبدون تفكير
لكزس يمسك سعره واستخدام يومي حق الكرف
من أسبوع خذت لي لكزس بلاك اديشن
بليتة 1/2019
تبارك الله
فخامة ورووعة
بسعر 465000
لكزس ...
لكزس بلاك اديشن وانت مغمض
مافي مقارنه بين السيارتين ياخوي
الرنج استخدامه غير عن اللكزس
لان اللكزس حاله من حال الاستاندر تقدر تروح فيه كل مكان
بر وبحر وسيلين والعديد وكشتات
اي مكان تقدر تستخدم السياره ولا يضره شي
لكن السعر مبالغ بشكل كبير ولا يسوى سعره
لكن الرنج دلوع
تقدر تستخدمه مثل اللكزس لكن مايصمل مثل اللكزس ومشاكله وايد بحكم ان السياره وايد حساسه ورنقاتها ماتسمح ولا راح تقدر تركب ناس وتشل اغراض
مثل اللكزس
اما لو تبيه استخدام الدوحه والمدينه فقط وفي الشوارع
ومب مهتم بموضوع البيع ومن هالسوالف
اخذ رنج طبعآ اكشخ
لكن تحمل السيرفس وتنقيع الوكاله من ناحيه التشييكات
على البركه ياخوياقتباس:
المشاركة الأصلية كتبت بواسطة بوخالد911
ويعطيك خيرها ويكفيك شرها
اللهم امين.اقتباس:
المشاركة الأصلية كتبت بواسطة بومحمد المطاوعه
جزاك الله خير.
اللكزس طبعا..
موتر قوي وقيمته فيه وصيانته رخيصه وما يخترب..
الرنج ابو الخرابات لو غبار يوقف لو مطر يوقف واسمه فورويل لكن بتستخدمه في الشارع فقط..
يعطيك خيره ويكفيك شره .اقتباس:
المشاركة الأصلية كتبت بواسطة بوخالد911
خذت الأبيض ولا الأسود ؟
الأسوداقتباس:
المشاركة الأصلية كتبت بواسطة eXpert*
ومن الداخل أحمر