عرض للطباعة
بغيت بايب فيتر يكون شاطر لمعالجة مشكلة الخط الراجع للماء الحار
يوم بنيت البيت سويت 3 خطوط ( حار - بارد - راجع ) وركبت جهازين للخط الراجع عشان مايتم الضغط على جهاز واحد
الاجهزه تشتغل لكن الماي الحار يطول لين مايوصل تحت علما بأن الفله صغيره وتحتوي على( تكرمون ) 9 حمامات
أكيد فيه شيء غلط وكثير يغلطون في هذا الشيء حتى عندي
ضروري تركب صمامات الإتجاه الواحد اللي تخلي التدوير في اتجاه معين والعملية سهلة أتوقع شوف تدمر قسم الصيانة عندهم فيترية شاطرين ويعرفون الخلل بسهولة ونبههم حق ال one way valve
أجهزة التدوير كلها أجهزة ضعيفة ومثل اللي تهز الماي وأوقات تحركه في اتجاه خاطيء لذلك مهمة صمامات الاتجاه الواحد وهي صمامات سهلة عبارة عن وصلات صغيرة يقطع البايب وتركب فيه
تسلم يالغالي
العفو ويا ليت تعلمنا شبيصير معاك أعاني من نفس المشكلة ومتكيسل
مساء الخير على الجميع
بعد انقطاع طويل لظروف خاصة ان شاءالله نرجع للمشاركة في المنتدى
واشكر اخوي سعود لتذكير وجميع اعظاء المنتدى
بالنسبة لضعف قوة الدوران الماء الحار يرجع مثل ماذكر البعض الصمام
والحل الاخر هو تركيب نظام تدوير اكبر يجي مضخات تدوير اسرع وقوة الدفع اكبر
تتركب بنظام بنل كنترول control panel يعمل بالتناوب
المضخه اسمها Vertical Multistage Pumps
تجي عدد ثنتين جنب بعض وتحتاج 15A قاطع كهرباء
هذا نظام قوي شوي مكلف بس راح ترتاح من ضعف دفع الخط الراجع
ملاحظة زيادة الاكواع في مخطط الانابيب تضعف الدفع
بس المشكلة ان لما تروح اي شركة سخانات مايعلمك المشاكل هذي لان لو يقول لك كم التكلفة لنظام ممتاز السعر راح يرتفع وتجي في الحسبة راح تختار انك تركب لكل حمام سخانة بقيمة 400 ريال ارخص وتضمن الماي الحار
سخان ارستون ايطالي الصنع 80 لتر 400 ريال لعشر حمامات ب 4 آلاف ريال وتضمن ماي حار طول الوقت بس عاد شكلها في الحمام يضايق بالنسبة للبيوت الحديثة وتكلفة استهلاك كهرباء اعلى
نظام السخان المركزي ممتاز بس شوي السعر مرتفع اذا راح تختار مواصفات عاليه وبنفس الوقت راح تتخلص من مشاكل السخان الماي يكلف تقريبا 35 الف ريال والفائدة تكلفة استهلاك اقل بتوفر طاقة وقيمة استهلاك كهرباء صيانة تحتاج تبدل الأسياخ بين فترة وفترة قضيب الكثود لازم يتبدل لانه يتأكل داخل السخان بسبب الأملاح والأحماض
ومعظم المحلات يبيع سعر العروض ب بين 11 الف ريال الى 13 الف ريال ولاكن تواجه مشاكل في هذا العرض يصلح لفلل صغيرة جدا
لازم تعمل حساب عدد الحمامات وطريقة التوزيع
اذا كان نظام السخان مركب على البنتاهاوس سهل التوزيع يمين ويسار
واذا كان مركب النظام السخان على السطح راح يكون توزيع خطوط الانابيب والاكواع متباعدة من بين حمام وحمام هني يضعف عندك ضغط دفع الخط الراجع
واوقات تكون مضخة التدوير صغيرة وممكن داخلها هواء تحتاج تنفيس bleeding حزات النظام كله يحتاج تنفيس
نقطة مهمة بالنسبة لخط الراجع لازم ينتهي خط الراجع داخل اخر نقطة بالحمام عشان تضمن ماي حار على كامل الحمام
اكثر الشركات توصل لك خط الراجع الى المحبس اول الحمام وتشبك لك داخل الحمام خطين !!!! يعنى ثلاث خطوط نازله لك من السخان المركزي لين محبس الحمام فقط بعدين يصير خطين وهذا خطاء
ومشكورين وان شاءالله قدرت اغطي المطلوب
العفو اخوي ( بوسعود )اقتباس:
المشاركة الأصلية كتبت بواسطة Azizuk
مانستغني عنك ونتشرف بمعرفه الرجال شرواك
شرواك الطيب اخوي سعوداقتباس:
المشاركة الأصلية كتبت بواسطة سعود.
بسببك رجعت المنتدى وطبعا ماشاءالله اخوي معماري قطري صراحه هو اللي محرك المنتدى بمشاركاته وردوده على الأعضاء
اهم شي عطني علوم موضوع امس :yu: ابي اعرف النتائج
هههههههههههاقتباس:
المشاركة الأصلية كتبت بواسطة Azizuk
للحين اتابع الموضوع عن بعد عندهم حاليآ الخطة ( أ )
واذا ماضبطت بسوى الخطة ( ب ) الي من صوبك
وجزاك الله خيرآ
مشكورين وماقصرتوا
انا عندي تقريبا تكرمون 10 حمامات مع المطابخ
والتانكي فوق عالسطح ومركب ( سخان مركزي واحد - برشر - عدد 2 جهاز نوع داب حق الماي الحار )
والبيبات اعتقد ان فيها وايد اكواع لانها من السطح تروح تحت الارض وتلف ع البيت ههههههه
للاسف المحلات يوم كنت اسالهم ماكانوا يقولون نقطه كثره الاكواه تقلل من فعاليه الخط الراجع
والله مركب اثنين على اساس كل 12 ساعه جهاز يشتغل ويريح الثاني لكن كأني مامركب شي
https://c.top4top.net/p_1192tc9nk0.jpeg
الجهازين صغار نفس اللي ف الصوره
استفسار ثاني مركب نفس البرشر الموجود فالصوره نوع ايطالي وفوقه التانكي الصغير من عربي قطر
ركبت ف 2013 واحد وبعد سنه ونص اخترب بعدها ركبت نفسه والحين مبين انه بيودع قريب
في نوع افضل من هذا ؟
اقتباس:
المشاركة الأصلية كتبت بواسطة qatar 86
ارجع حق شركة عربي واطلب واحد اسمه بوشمن هندي ممتاز بس ماتحصل تحت هو شغال قسم المشاريع
اطلب منه يغير لك نظام التدوير ويركب لك مضخة زيادة 2 حصان أكبر بنظام تحكم بالتناوب كنترول بنل*
الخزان الصغير الأبيض هذا وضيفته يخلي الماي دايمن مضغوط في النظام حتى لو الماي مايستخدم تحت الخزان تتركب لك مضخه زيادة عشان تساعد قوى الدفع
هذا الجهازين اللي قلت لك عنهم فوق في الموضوع تتركب له مضختين اكبر وتحتاج قاطع كهرباء 15a أمبير
يُبين على الجهازين حق تدوير الماي الحار جدا صغار ماتستحمل عدد هالكثر من الحمامات
بعدين حجم السخان هذا 80 غلون انت على عدد الحمامات تحتاج سخان حجم 120 غالون اكبر
عذرا شباب لحماية السخان من الصداء ( قضيب المغنيسيوم الانود ) مش الكثود Protective Magnesium Anode Rod—Provides added protection against
corrosion for long trouble-free service
هذا المغنيسيوم الانود لازم يتبدل بين فترة وفترة لانه يتاكل بسبب الاملاح والاحماض الناتجة من عملية التسخين الكهربائي
هذا شكل المغنيسيوم قبل وبعد التاكل
ملف مرفق 102269
ملف مرفق 102270
ما شاء الله عليك بوسعود
انزين كيف نعرف الكمية الي نحتاجها من البرشر او حجم السخان ؟
هل بعدد الحمامات الله يكرمك ويكرم كل من قرا
اقتباس:
المشاركة الأصلية كتبت بواسطة الزجاجي
طال عمرك انت اذا رحت اَي محل قول له عدد الحمامات وانت بكرامه وموقع تركيب النظام اذا فوق البنتاهاوس وإلا السطح
لان اذا كان النظام راح يتركب فوق البنتاهاوس طريقة خطوط التوزيع افضل
عندك راح تقل الاكواع في أريحية في نزول الماء حتى لو مافي مضخة اسهل وسرعة وصول الماء لكل دورة مياة
اذا كان نظام السخان راح يتركب على السطح راح تزيد الاكواع وعملية توزيع خطوط الأنابيب اكثر وأطول مسافة تحتاج نظام ومضخات تدوير دفع أقوى وحجم السخان اكبر
لان السخان اذا عدد الحمامات أكثر وتم استخدام اكثر من دورة مياه مرة وحدة والخاصة الفترة الصباحية شي طبيعي راح يقل عندك دفع الماء الساخن لان السخان مايمدية يسخن الماي
البيت الكبير يحتاج عدد سخانات اكثر واكبر حجم
حتى نوع الكهرباء في سخانات تجي 3 فيز وفِي سخانات تجي 1 فيز
ال3 فيز تحتاج قوة قاطع كهرباء أقوى وتحتاج 5 خطوط أسلاك كهربائية هذا النوع يسخن أسرع بس سعر أغلى من ال 1 فيز
اذا بيت كبير تبي تبحبح نفسك تركب عدد 3 سخانات حجم 120 غالون بنظام عدد 2 مضخة قوة 2 حصان وعدد 2 مضخه تدوير حجم mr 63 3 speed circulation pumps
خزان ضغط النظام مهم لان يخلي النظام طول الوقت مضغوط حتى لو ماتستخدم المضخات في ناس تقول ماله داعي وممكن النظام يشتغل بدون الخزان بس بالخزان افضل
الكلام يطول عن موضوع نظام السخان وكل شخص وحسب إمكانيته وكم يبي يدفع
مهم جدا قوة قاطع الكهرباء يكون مناسب حجم قوة السخان يعنى مب تركب سخان يحتاج 32A أمبير على قاطع كهرباء 15 أو 20A أمبير وبعدين تقول ليش يفصل عندي
كل شي له حسبه في الكهرباء وخاصة في السخانات والمكيفات والأفران
وآسف على كثر البربرة الزائدة اللي مالها داعي لان في متابعين تعورهم رؤوسهم من كثر الكلام والشرح
ماقصرت اخوي Azizuk
الله يسلمك اخوي 86اقتباس:
المشاركة الأصلية كتبت بواسطة qatar 86
نسينا نذكر الفلتر الرملي هذا بعد لازم يكون مناسبة حجم النظام
اذا نظام كبير تحتاج اقل شي حجم 14 وتختار نوع اللي ينظف نفسه بنفسه إلكتروني
حجم بين 14 الى 18 مناسب حق نظام حجمه كبير
على فكره بعد هذا لازم يتبدل بين فترة وفترة من الزمن لان يعشش في الدود أوقات :vampire:
الفرق بين الأكبر واللي أصغر منه دوم بسيط
النظام الأمريكي غرفة المضخات والصخان تحت ومسكرة أو في القراج .. ولو شقة تحصلها في كبت داخلي مع الغسالات .. أشوف ترتيبهم زين
تصدق عاداقتباس:
المشاركة الأصلية كتبت بواسطة Azizuk
يوم شريت ( السستم ) كامل من تدمر شريته بدون جهاز التبريد وبعد فترة من ركبوه لي فصلته عن الفلتر بعد ماعرفت عيوب وسلبيات الفلتر :app2:
اخوي سعود عطني عيوب الفلتر ترا معلوماتي على قدي في أشياء مانعرفها الا اذا حد جرب وعنده حد ينصحهاقتباس:
المشاركة الأصلية كتبت بواسطة سعود.
علمنا بالسلبيات لا تبخل علينا :ok:
بصفه عامه الفلاتر الصغيرة والكبيرة للخزانات لها سلبيات كثيرة جدا . لو تبحث عنها في النت تتعجب !!!!!اقتباس:
المشاركة الأصلية كتبت بواسطة Azizuk
اشوف حاليا افضل شي جهاز تحويل المياة الى ( قلوي وحمضي )
حيرتنا ياسعود :eek5: نبي نعرف مشاكل هالفلاتر
بالنسبة لجهاز القلوي والاحمضي هذا يستخدم حق مياه الابار حق المزارع اكثر شي يستخدم
ياليت تذكر لنا بعض مشاكل الفلاتر
انا اللي اعرفه عن فلتر الرمل ان بعد فترة من الزمن يعشش في الدود
وفلاتر الورق والكربون لازم تتبدل بين فترة وفترة
هههههههههههه
ايه هذا الي اقصدة مشاكله كثيرة يمكن يصير فيه دود وبكتريا ويسبب هشاشة عظام ووووووالخ
اما جهاز تحويل المياة الى قلوية وحمضية له استخدامات منزلية وصحية اليك الرابط ادناة
https://youtu.be/x5jRz_ydiDs
بختصار الماء القلوي يعتبر دكتور خاص منزلي .
تعودت اشرب ماي الحكومة مفلتر بفلتر رملي وقبل لا ينصب في الحب يغلونه للتعقيم والماي الناتج من الحب لسقي زراعة البيت نباتات الظلاقتباس:
المشاركة الأصلية كتبت بواسطة سعود.
ألحين مخطط احط حب فوق حب الأول لفلترة الماء والثاني آخذ منه ماء مفلتر وبارد والباقي للزراعة
والله احلى ماي ماي الحب يجيك بارد وطعمه لذيذ لان سبحان الله مادة الفخار طبيعية لها فوائد عظيمةاقتباس:
المشاركة الأصلية كتبت بواسطة معماري قطري
وتمسك الشوائب تحت واتفلتر الماي
الا انقرض ذاك الفلتر اللي يجي فيه ثلاث عمدان من فخار داخل ويجي طبقتين فوق وبعد الفلترة ينزل الماي تحت
اخبر لونه يجي بيج له ذكريات هالفلتر يحسسك بالسبعنيات
ما اذكره كلشاقتباس:
المشاركة الأصلية كتبت بواسطة Azizuk
اقتباس:
المشاركة الأصلية كتبت بواسطة معماري قطري
هذا الفلتر اللي اقصده
ملف مرفق 102297
ملف مرفق 102298
بالنسبة اللي يسال عن انواع الفلاتر
هذا موقع شركة كويتيه في شرح عن جميع انواع الفلاتر والسخانات والمضخات وجميع احتياجات أنظمة المياه ومعالجتها
https://www.dibbin-kw.com
وهذا نوع فلتر يطلق عليه الفلتر الياباني القلوي
https://www.dibbin-kw.com/blog-post/...اكسل-الياباني/
مشكور بو سعود على المعلومات الطيبة ما قصرت يبي لها مرور بتأني
في قطر عندهم وكيل وتقنية المياه ومعالجتها ضرورية حتى للماي الداخل للخزان الارضي .. واستثمار ما فيه خسارة
مبروك عليكم الحيا والمطر
اخوي ممكن تواصل مع هذي الشركة يجون يعاينون ويعطونك المشكله والحل والتكلفة ...
77731142