السلام عليكم ورحمة الله وبركاته
محتاج مشورتكم
شنو الأفضل
- حديد ايبوكسي تحت الأرض والباقي أسود عادي ؟
- حديد ايبوكسي لكامل المشروع ؟
- حديد اسود لكامل المشروع ؟
عرض للطباعة
السلام عليكم ورحمة الله وبركاته
محتاج مشورتكم
شنو الأفضل
- حديد ايبوكسي تحت الأرض والباقي أسود عادي ؟
- حديد ايبوكسي لكامل المشروع ؟
- حديد اسود لكامل المشروع ؟
ماستر للاستشارات الهندسيه
الاسود أفضل
مرحبا انا اشوف حديد اخضر تحت في القواعد و الباقي اسود
عندك قبو !!!!
اي منطقة البناء !!!
الأخضر أو المغلف محمي في غالب أجزاءه ولا يتعرض للصدأ وكلامي عن تجربة حيث كسرت درج خارجي وكان معرض للرطوبة وتستوي تحته نقعة ماء مطر .. طلع الحديد كأنه جديد وكان تكسير الدرج صعب بسبب تماسك الخرسانة
ما يُشاع عند الكثيرين إن العادي أفضل ويمسك الخرسانة خاطيء 100% ولو نظرنا لمبنى قديم وكسرنا الخرسانة اللي حول الحديد المصدي بنعرف سبب اهتراءها .. سويت صيانة لبيتنا القديم ورجعت المشكلة بعد فترة والبيت شعبي دور واحد بس عمره الافتراضي انتهى بسبب هذا الحديد
نصيحتي حديد مغلف ومعقوف زين داخل الخرسانة ( Anchering ) وهذا يحتاج حسابات انشائية تزيد طول الحديد قليلاً وتفاصيل خاصة للنهايات كثير مكاتب ما تقدر عليها وتقول لك ركب عادي أفضل .. كذلك مهم نخلي غطاء خرساني كافي خصوصاً للحديد تحت وقرب التربة
عوامل صدأ الحديد موجودة من الأساس في ماي الخلطة الخرسانية وفي الكلور اللي ياكل الحديد وبحث بسيط في الانترنت وعلاقة الكلور بالصدأ بنعرف شالمقصود
كذلك من الملاحظ على الخرسانة عندنا إنها تبدأ ضعيفة وتقوى خلال الشهور الأُولى ثم ترجع تضعف بسبب ضعف المواد والصدأ أما في بعض المناطق فهي تقوى وتستمر في التقوي لسنوات طويلة وتبقى قوية
لو تبي توفر ركب للأساسات والجسور الأرضية ورؤوس أو رقاب الأعمدة بارتفاع متر عن الأرض والباقي عادي والأفضل تركب كله ايبوكسي مع الاشراف وطلاء أي خدش بسبب القطع .. التنزيل والنقل لازم يكون بعناية ولو ممكن تطلبه مجهز من المعمل ومقصوص ومطلي هناك أفضل بيكوناقتباس:
المشاركة الأصلية كتبت بواسطة بــو فهــد
اقتباس:
المشاركة الأصلية كتبت بواسطة الخور
ممكن تشرح لنا من الناحية الإنشائية ليش حديد التسليح الاسود افضل من حديد التسليح الايبوكسي حتى يستفيد الجميع
شفت مرة حاجز خرساني صادمته سيارة ومتكسر طالع الحديد منه وكان مصدي وواضح إنه أضعف الخرسانة بحيث تنكسر بسهولة .. على العكس في أمريكا الحوادث يومية للخرسانة الفاصلة في الطرق السريعة وبعضها بشاحنات ولا يستوي فيها شيء .. لو ضمنا خلطة خرسانية بمياه قليلة ومياه خالية من الكلور ( قاتل الحديد ) وخالية من الأملاح ممكن نضمن خرسانة قوية بحديد عادي وقصدي بقوية تعمر عمر طويل بدون شلوخ
جزاكم الله خير
الفريق اللي يقول الحديد الأسود أفضل يدعي إنه يتماسك أكثر بسبب الصدأ مع الخرسانة وهذا مفهوم خاطيء نشروه أكثر شيء المهندسين المصريين .. الصدأ يكون طبقة فاصلة بين جسم الحديد الصاحي وقشرة الصدأ المريضة ويتسبب في تصدع الخرسانة ويخرب المنظومة كلهااقتباس:
المشاركة الأصلية كتبت بواسطة لطيف الروح
من جانب آخر يدعون إن الحديد المغلف تغليف الحديد يعتبر طبقة فاصلة ويقلل تماسك الخرسانة وهو ادعاء صحيح جزئياً لو تم تنفيذ خلطة الخرسانة بضعف أو كثيرة المياه لكن الخرسانة الجيدة تضغط على الحزوز الموجودة في الحديد وتتماسك معاها بقوة خيالية .. وعدم تكون الصدأ يعطينا قوة للمنظومة ككل .. الحديد للشد والخرسانة للضغط .. من جانب ثاني يحتاج الحديد المغلف تفصيل خاص وثني ليدخل في الجسور والأعمدة .. تفصيل انشائي بعض المهندسين يصعب عليهم .. كان عندي برنامج لحساب هذا الطول والتفاصيل بتاريخ 1982 وهو يستعمل في أمريكا كحل للصدأ حتى في الجسور اللي عليها ضغوط شد كبيرة وأوزان كبيرة ومعرضة للمياه والصدأ دوم خصوصاً في المناطق الثلجية واللي يذوبون الثلج فيها بالملح
انا بديت حياتي كمهندس انشائي من 1993 لحد 1995 وانا مؤهل بسبب دراستي للتخصصين المعماري والمدني .. لكن بعد 1995 تركت الجانب الانشائي وتعمقت في التصميم ومراجعة التصاميم المعمارية وتجهيز عقود الاستشارات الهندسية ومتابعتها مع مكاتب عالمية ومحلية .. لذلك عندي فكرة لكن ما عندي القدرة على الحسابات والتصميم الانشائي ببساطة نسيت واحتاج اعادة تأهيل لو ابغي ادخل المجال مرة ثانية .. لكن أقدر اتناقش مع أي مهندس انشائي واخليه يعدل تصميمه للأفضل .. أوقات المهندس يعمل تصميم قوي في موضع وضعيف في موضع وأوقات يعمله قوي مبالغ فيه ومكلف وممكن يكتفي بنص التكلفة ويكون قوي كفاية للغرض اللي منشأ لأجله
بالضبط ( ابا عبدالله )اقتباس:
المشاركة الأصلية كتبت بواسطة معماري قطري
الشركات الكبرى عندهم ( مدفع الرمل ) خزان رمل مع كمبريسر هواء يعطي هواء مضغوط ( برشر ) مع رمل يسوي ( صنفرة ) لازالة الصدأ عن الحديد
والبعض يدوي ( w40 ) مع بروش خشن لازالة الصدأ
الصدأ عبارة عن ( سرطان ) للحديد مع مرور الوقت ينتشر وتنتفخ الخرسانة وتتصدع
محتاجينك يامعماري قطري ترجع لنا محتاجين ناس مثلك احسن من هاليهالوه اللي مايعرف يمش خشمه يخيط ويبيط وكل شي غلط في غلط :yes:اقتباس:
المشاركة الأصلية كتبت بواسطة معماري قطري
بس المشاريع الكبيرة يابوعبدالله أشوفهم يستخدمون الحديد الأسود العادي وخاصة في منطقة الأبراج وطبيعة الارض فيها نسبة أملاح عاليه
ومع ذالك يستخدمون الحديد الأسود
بس لاحظة الحين المشاريع الكبيرة يستخدمون حديد المشدود اللي هو مجموعة اسلاك جايه على شكل كيبل
وفِي انواع واشكال من الحديد ، حديد 50 , 52 , 60 مضاف اليه كاربون
الحداد عندي كنت أقول له ايش احسن الأسود والا الحديد الأخضر
قال لي الحديد الأخضر اذا انطعج الطبقه اللي عليه من الداخل راح تتكسر ويفقد خاصيته وراح يصدي من الداخل منطقة الانطعاج اثناء عملية التشكيل
حلول تجميلية ومؤقتة .. يطلع الحديد يلق .. لكن تغلفه خرسانة تنرش بماء لفترة 21 يوم يفترض .. والخرسانة اسفنجية التكوين وتتسرب المياه مع الاوكسجين لها وهما عاملا الصدأ .. كما الكلور في ماينا ياكل الحديد .. يعني الحل الترقيعي ما يسوي شيءاقتباس:
المشاركة الأصلية كتبت بواسطة سعود.
ركب مغلف وركبه بعناية بدون خدوش وتطمن فترة طويلة توصل لعشرات السنين
ما ننسى الخرسانة 45% من حجمها ماء وبعضنا يزيد الماء وهذا يضعفها ويكون عامل صدأ كامن ومستتر لفترة طويلة
هذي المشكلة إن الدجل وصل للمشاريع الكبيرةاقتباس:
المشاركة الأصلية كتبت بواسطة Azizuk
بالنسبة للانطعاج لو فرضنا إن صحيح تنقشر طبقة الطلاء مع إني بعيوني شفت المعرض للصدأ النهايات وكانوا يطلونها في الموقع قبل الصب .. ولو افترضنا كلامه صحيح جزء بسيط اللي معرض للصدأ ولا الجزء كله
متحسف اني ما صورت بدقة حديد الدرج اللي هدمناه والصور موجودة أكيد يبي لي اشوفها وانزلها مرة ثانية .. ثقوا بكلامي وما لي مصلحة لا ابيع حديد ولا عندي مصنع كل مصلحتي اللي يبني بعد 10 سنين ما يشوف الخرسانات تفقعت عنده بسبب الصدأ
والله أحن للعودة للمعاش وللتذاكر ههههاقتباس:
المشاركة الأصلية كتبت بواسطة Azizuk
عاد تصدق اللي بيحط المواصفات ما همه راي أي مهندس ثاني الا يكون مسؤول ويعمم غصب حتى لو رجعت باكون موظف عادي
مع احترامي للجميع و آرائهم
حديد التسليح القطري سواء الأسود العادي او الأسود المغلف بمادة الايبوكسي يؤدون نفس الغرض من الناحية الإنشائية للخرسانة المسلحة
لكن من وجهة نظري الافضل هو حديد التسليح الأسود المغلف بمادة الايبوكسي لأنه يوفر حماية لحديد التسليح من التآكل من صدأ الحديد
المؤسف هو أن بعض المهندسين يصر على عدم استخدام تكنولوجيا البناء الحديثة في مشاريع البناء الخاصة او الحكومية
ويمكن ملاحظة ذلك من خلال العشوائية في تنفيذ المشاريع و افتقارها للجودة المطلوبة
للأمانة لا أعرف السبب هل هو قلة خبرة أو عدم كفاءة أو مهندس مكتب او اي اسباب اخرى
كلام جميل اخوي ( لطيف الروح )
حديد التسليح و الخرسانة الجاهزة مكملين لبعض نفس مانحرص على جودة الحديد لازم نحرص على جودة الخرسانة .
الحديد :
بفضل الله عندنا افضل شركة في الخليج وكنا نصدر لدول الحصار وغيرهم والى اليوم بعضهم يتامل عودة الحديد القطري لاسواقهم .
لاننكر اكبر سوق للبناء في الخليج السعودية وعندهم شركات كبرى مثل : سابك والراجحي وغيرهم الكثير مع هذا كان بعض الشركات يستوردون الحديد القطري ( لجودته ) . ونقدر نفحص الحديد فحص سريع بالموقع .
الخرسانة :
لازم نتاكد من كرت المصنع نوعها توقيت خروجها مش اقل من ساعتين هذا الكرت تكون في كل خلاط ولانغفل عن اختبار الهبوط واستدامة المياة بعد الصب .
امور كثيرة يمكن بعض الملاك يجهلونها لأنها اختصاص المقاول والاستشاري بس ( مايمنع ) ان المالك يطلع عليها
كلامك صحيحاقتباس:
المشاركة الأصلية كتبت بواسطة سعود.
اضافة الى ما تفضلت ضروري أن تطلب من مصنع الخرسانة انه يطبع لك على Delivery note للخرسانة الواردة للموقع كافة المعلومات و خاصتاً تصميم خلطة الخرسانة اللي هي Concrete Mix Design و هذا يبين لك كم قوة الخرسانة
صادق
هذا الي كنت اقصدة ب ( نوعها )
عينك على جهة الغرب ( قبلة ) وصلت الامطار الان
باذن الله امطار خير وبركة
دجل الله يسلمك وذكر شيء صحيح نسبياً لكن خطأ في المجمل وتضخيم الصحيحاقتباس:
المشاركة الأصلية كتبت بواسطة لطيف الروح
الديمومة شيء مهم ولو أساس البنيان طلع فيه ضعف حتى لو بعد 20 سنة شرط الديمومة يكون انتهى وبنيانا يكون معرض للهدم أو لصيانة عظمى مكلفة .. الحديد الغير مغلف مناسب بشرط نضبط الخرسانة ومحتوياتها صح وشرط ثاني نمنع دخول الرطوبة للخرسانة وهذا مستحيل لأن العوازل ضمانهم 10 سنين في الغالب و 15 سنة كحد أقصى
شفت بيت مسوي واجهات كورنيشات خرسانية بعد حول 15 سنة ظهرت عليها شلوخ بسبب الرطوبة وهي فوق ما يوصلها الا ماي المطر .. إضطر راعي البيت لهدم كل الكرانيش وعملها طابوق سيدة وغير الواجهات وكان الحل جميل ومناسب .. متأكد إنه اشتغل على القواعد ورؤوس الأعمدة والجسور الأرضية .. اللي بين لي في الخارج واضح لكن تم يشتغل فترة طويلة تزيد على سنة
جاري مقاول وفاهم .. أشوف حوايط بيته تكسرت وتشلخت خصوصاً من نقاط اتصال الحوائط بالتربة .. شوي شفته مكسر ومعري الحديد المصدي بوضوح .. رقع عليه ببلاستر وصبغ من جديد .. لكن الصدأ كامن وبيرجع بعد فترة يشلخ الخرسانة حوله لذلك الحل الأنسب ذكرته هو الحديد المغلف
اتحدى أي بيت مبني بحديد عادي يبقى 20 سنة بدون شلوخ واتحدى أي حد يقول كل بيوت قطر فيها شلوخ يجي بيتي يشوفه ويجي يشوف عمارة بنيناها 1998 ويشوف بتركيز لو فيها شلوخ .. الاستشاري أصر وقتها نبني بحديد عادي وانا رفضت
هذي أشياء بديهية يلتزم بها كل معمل ردي مكس .. ولازم يحسب الخلطة على أساس القوة المطلوبة بعد 21 يوم .. يعني لو طالب 35 كيلو نيوتن في المتر المربع الخلطة تختلف عن 25 كيلو نيوتناقتباس:
المشاركة الأصلية كتبت بواسطة لطيف الروح
اللي يتجاوز عنه المقاولين والاستشاريين وشركات الردي مكس هو الصب لازم يكون في درجات حرارة لا تزيد عن 35 درجة وعدم الصب في المطر أو الهواء القوي .. كذلك استعمال المياه لتسهيل صب الخرسانة واستعمال اضافات تقوية خاصة بدون دراسة صحيحة
بعض شركات الردي مكس تستعمل مواد مقاومة لتكسر الخرسانة وهذي حتى لو جات كثيرة المياه تبقى قوتها أقل من الخرسانة الإنشائية بس كافية لتحت البلاط ولأرضيات الحوش اللي تدوسها السيارة
يعطيك العافية ( ابا عبدالله )
خوش شرح وتفصيل
يعني تنصح البيت كامل ( ايبوكسي )
أكيد يا اخوي للمدى الطويل .. مع خرسانة من ردي مكس معتمد وعندنا شركات تسوي خلطات مع اضافات مقوية ومناسبة .. حتى الخرسانة البلورية يسوونها .. مع ضرورة الشغل مع مقاول يتابعونه مهندسين موقع يمرون حتى لو مرة في الشهر ويتابعون الفورمن ويوجهونه .. الفرق بين المقاول الجيد والمقاول الفاشل إن الجيد عنده موظفين وعنده فنيين وعنده عمال .. عنده تدرج هرمي وعنده سيارات وعدة ويبرز لك تراخيصه ويركز على الأعمال اللي يقدر يقوم بها ويحدد من المقاولين المتخصصين المساعدين .. أما المقاول الفاشل يخلي الشغل كله عليك .. وكذلك الاستشاري الفاشل .. شغل التنسيق وتنظيم الموقع ومتابعة عدة عمال تحت ادارة وحدة ومقاول واحد أسهل وأسرعاقتباس:
المشاركة الأصلية كتبت بواسطة سعود.
تبقى بعض التخصصات مثل الأبواب والنوافذ وشغل الدرابزين والحديد المزخرف والجبس والصبغ أشياء ممكن تاخذها انت لمرحلة تشطيب أخيرة وممكن تنسق فيها بسهولة حتى أثناء شغل المقاول .. التكييف والمصعد لو تخلي تنسيقه مع مهندس المقاول وضروري مهندس المقاول يكون له مقر وعنده الخبرة الكافية في ادارة هذا الشغل وتوضيح أي شغل بناء يحتاجه المشروع للفورمن
القصد بالمقاول الفاشل والجيد إن المقاول المتوسط اللي عنده مقر وادارة تتابع حتى لو بياخذ مبلغ شوي زيادة بيريحك وبيسوي شغل صحيح
أحد الأقارب يبني بيت مساحته فوق 1700 متر بناء وطلبني اساعده في مقاول وشفنا مقاول مجرب وناجح وحاصل على الدرجة الأُولى ومستعد ياخذ مشاريع كبيرة بس خبرك الكبير مخصص لشركات معينة والمنافسة الشريفة في المناقصات مفقودة وتورط بعماله واستوى يأجر بعضهم للحيتان من المقاولين واضطر ياخذ مشاريع صغيرة حتى يعيش
وصلنا بينه وبين مقاول تعيس مكتبه سيارته حول 200 ألف ريال وبنيانه كان بيكلف 2.2 مليون مع الجيد و 2 مليون مع التعيس لكنه خذ التعيس وهذا قراره ما لي دخل فيه .. مع التعيس ألحين حول 4 أو 5 سنين طرد واحد واتجه لواحد أتعس وطبعاً أشياء كثيرة عطاها مقاولين متخصصين مثل التكييف والجبس والحجر وما سلم من مماطلة مقاول الحجر ومطالبته بمبلغ اضافي بدعوى إنه ما قاس صح
الله يعينه مقرب يخلص بس بطء كبير في البنيان هو حط نفسه فيه .. في النهاية المالك متخذ القرار في أُمور البناء واحنا نبقى ناصحين فقط
اشوف في الشوارع حاطين دعايات بوسترات عن الحديد الابوكسي :yu:
بو سعود إخذ هذي السالفة وانت تحب السوالفاقتباس:
المشاركة الأصلية كتبت بواسطة Azizuk
أول ما طلع الطابوق الطيني أو الأحمر كثير استعملوه الا ربعنا اللي انت خابرهم .. سألت عنه وجبت معلومات ووثائق من المختبر من ناحية العزل وترخيص البلدية واعتماده في لجنة المناقصات المركزية .. كل شيء فيه حلو الا لو تضربه بمسمار ينكسر ولازم بدريل
المهم كنت مشتط ومعتبره سبق وكتبت مذكرة داخلية ووقعتها وباقي توقيع مسؤولي اللي كان قطري جنسيته السابقة فلسطيني الله يذكره بالخير .. قال شو يعني بدك تعمم هذا الطابوق على الجميع وشو علاقتك مع الشركة اللي تصنعه .. وأسئله كثيرة ورفض يوقع وكنت توني مهندس صغير وقتها ما قدرت اتجاوزه .. قال كلمهم خلهم يبنون لنا جدار نعمل عليه تجارب .. المهم تناحسنا ولا صار التعميم وقمت احط مواصفات هذا الطابوق للغلاف الخارجي من الحائط الخارجي المعزول بدال المصمت 10 أو 15 سم السابق ومشى الوضع وبدينا نستعمله بالتدريج بدون محد يحس
هذا جزء من التعقيد الاداري عندنا اللي خلاني ابتعد عن الشغل
تعال لليو بي في سي
كنا احنا أول من استعمله في مختبر للمعايرة وضروري يكون ما فيه ذرة غبار تأثر على الأجهزة الحساسة .. وكان مستورد من فرنسا قبل لينعرف في قطر .. يوم بدأ ينعرف حطيت مواصفات نظام فيكا اللي عند قطر يو بي في سي أو ما يعادلها وما فيه ما يعادلها ذاك الوقت الا المستورد
المهم قسم الاشراف على التنفيذ شاف هذي المواصفات عالية وحب يغيرها لألمنيوم رخيص ويوفر مبلغ يسوي به طبيلات .. كلمني مسؤول القسم وكان أعلى مني درجة وظيفية .. قلت ما يصير والحكومة مب محتاجة توفر في شيء أساسي لشيء ثانوي ممكن ينعمل أي وقت وبموازنة ثانية .. وكتبت له كتاب توثيق للي صار من محادثة واقتنع وطبق نفس المواصفات
بعد ما انبنى المبنى مريت على اللي شغلوه وقال لي مديرهم الدرايش وايد زينة .. هذا قبل لا ابني بيتي يمكن في عام 2000 تقريباً وكان المبنى من أنظف المباني وأهداها وأرتبها وكلش ما يحتر في الصيف بسبب العزل الجيد .. ذكرت له شصار من قسم الاشراف وقال زين سويت
اللي بيسافر بسيارة سفرة طويلة في الغالب ينتبه لحالتها وتوايرها
لو منتهية ويمكن تسبب له مشاكل يبدلها ويختار تواير جيدة وممكن حتى تمشي بدون هواء وحسب احتياطه ممكن ياخذ أفضل ما في السوق ولا ياخذ تاير مستعمل بنص السعر أو ربع السعر الا المغامر
هذا نفسه ينطبق على المواد اللي نختارها لبيتنا ومن يركبها ومن يتابع التركيب يعني العملية مواد بناء + مقاول + استشاري لو ما توفقنا في أحدها إخترب الشغل
الأساسيات ما تتبدل مثل الحديد والخرسانة
يمكن نبدل بعض القشور وبعضها بصعوبة مثل الأرضيات والنوافذ والأبواب لذلك نركز على مادة تعمر معانا وعلى أن يكون تركيبها صح
لي إخو بنى بيت على شارع رئيسي وركب درايش عادية .. يشتكي من صوت السيارة وكان المفروض يركب درايش معزولة ونوعية جيدة واليو بي في سي أثبت وجوده
لا أبشرك يابوعبدالله الحين قامو يستخدمون الطابوق الأبيض تطورو شوي
هذا غير اللي تحت الطاولة :sneaky:
يعطيكم العافية على النقاش الطيب .. استمتعت بنقاشكم @_@ .. الله يقويك اخوي معماري :) .
شيء زين الحمد لله تطور كبير وإن شاء الله دوماقتباس:
المشاركة الأصلية كتبت بواسطة Azizuk
الله يعافيك ويبقيكاقتباس:
المشاركة الأصلية كتبت بواسطة Riku3
نتمنى نكون مقاربين للصواب في اقتراحاتنا ويستفيد اللي يبني أو مقدم على البناء بحيث يختار الأجود .. فيه أُمور صعبة نضحي بها وناخذ خيار ثاني الا لو لنا نية نبني بنيان مؤقت ناوين نهدمه بعد فترة