السلام عليكم ورحمة الله وبركاته
حبيت أستفسر وين أحصل على محلات مميزه لبيع السبوت لايت والبلاكات التابعه لها
عرض للطباعة
السلام عليكم ورحمة الله وبركاته
حبيت أستفسر وين أحصل على محلات مميزه لبيع السبوت لايت والبلاكات التابعه لها
عليكم السلام اختي
البضاعه الصينيه غزت سوقنا وصارت تنباع بكل المحلات الغاليه والرخيصه. بالرغم من ان بعض المنتجات الصينيه جودتها عاليه بس انا شخصيا ماارتاح لها. قبل فتره بسيطه درت السوق وماستقريت الا عند محل مريستال القصور. عنده نوع سبوت لايت الفريم اسباني والليتات انجليزيه.
بعض المحلات للاسف يبيعون منتجات صينيه الصنع على انها صناعه اسبانيه، فحاسبي من هالشي
شكرا اخوياقتباس:
المشاركة الأصلية كتبت بواسطة blueZircon
انا خذت من الصالحية نوعية جيدة لها حول 5 سنين استهلاك دايم وشغالة زين بس مع ترانسفورمر أسباني جيد كبير كان مركب قديم للهالوجين من 13 سنة واستخدمناه للاي دي .. طلبوا مني بيت الوالد اغير ليتاتهم نفس الشركة أقنعوني اركب دايركت بدون ترانسفورمر أحسن وركبت وخلال فترة احترقوا كلهم .. قبل يمكن شهر احترقوا وكلمتهم جاوا بدلوهم على الضمان وركبوا نوع ثاني .. مستغرب غرفة احترقوا كلهم وصالة كلهم صاحيين مع إن الغرفة والصالة استهلاكهم واحد .. الظاهر كهربة الغرفة فيها تذبذب وتحرق الليتات لذلك الترانسفورمر ضروري ولا تصدقين فنيين التركيب لأن يهمهم تزيد مبيعاتهم وترجعين مرة ثانية
لل إل اي دي فيه ترانسفورمر خاص يكفي كم ليت عند الدرويش نوع زين ركبيه وفكي عمرج من العبالة
والسبوتات فيه عند آلترا لايتس نوعية جيدة هنغارية وفيه عند رافكو تعطيج ثلاث مستويات اضاءة بس ما جربتهم لكن ضمانهم فترات طويله .. والأهم الترانسفورمر حتى لو الليت رديء يضبط الكهربة اللي تجي ويخليها ثابتة
وعليكم السلام ..
في بروة الوكرة وايد محلات ليتات وسبوت لايت ..
وبعضهم يبيعون اسباني .. المحلات الكبيرة ..
ونفس هالمحلات لهم فروع في شارع سلوى .. شوفي الضمان قبل ..
:
وايكيا بعد عندهم ونوعيه ممتازة ..
أهم شيء المحول أو الترانسفورمر لا ينفع ضمان ولا شيء .. الترانسفورمر يخلي الليت يعيش عمره بالكامل وزيادةاقتباس:
المشاركة الأصلية كتبت بواسطة sara jsm
اقتباس:
المشاركة الأصلية كتبت بواسطة معماري قطري
اهم شي الذبذبه يابوعبدالله :sneaky:
يامعماري الحين المحول مايشتغل على المبات الجديده والمحول الإسباني انقرض اللي مكتوب عليه vs ذاك قبل الحين كله إلكتروني
اذكر واحد من الشباب كنت معاه في محل أقول له لاتشتري هالاكتروني ب 3 ريال ماينفع ابيزه المهم شراه
وركبهم والله تقول شراخي في بيته تفرقعو :anger2: مره وحده بعدين غيرهم بالمحمول الإسباني المحول الواحد 15,ريال وفِي على 22 ريال
الحين اليت يجي في محول منه وفيه داخله
وله عمر افتراضي وكم مره تسكره وتفتحه المتواجد في السوق أكثره بين 15 ساعة عمل الى 25 ساعة عمل وكل مازادة المدة زاد السعر وكل مازاوية اليت فاتحه يزيد السعر
المتواجد بالسوق زاوية 36 درجة
وزاوية 40 , 50 , 60 اسعارها غالية ولا راح تحصل هالزوايه الا بالطلب من فيليبس أو شركات ثانية
وأكثره لون موجود الأصفر 2700 كالفين وإذا جاك لون 3000 كالفين بعد فتره يفتر ألون ويذبذب على قولتك
اما ألون الأبيض يجي 6000 كالفين
الصيني تحصله جميع الدرجات بس بعد فتره يذبذب :thumbup:
عزيز هههههههههههه مشكله اذا الكهربه تذبذب ..
صج والله تعفس الليتات صح كلامه اخوي معماري ..
وعطاني معلومه جديدة ..
كان من فترة بسيطة موجود عند الدرويش وحتى الالكتروني اتوقع مناسب بس تشتري معاه ليت اللي ما يركب بدون ترانسفورمر .. الصالحية عندهم النوعين والله أعلم لو وقفوا يجيبون اللي بترانسفورمر أكيد ناوين يزيدون مبيعاتهم وأُجور التركيباقتباس:
المشاركة الأصلية كتبت بواسطة Azizuk
اللي بيسافر ألمانيا أو لندن أو اسبانيا انصحه ياخذ من هناك وياخذ كل شيء كامل مع الترانسفورمر لو يحتاج ويسأل عن نوع بترانسفورمر
بروة الوكرة
وايد محلات.
اقتباس:
المشاركة الأصلية كتبت بواسطة معماري قطري
الصالحية خلاص انتهت صلاحية ماعد عنده مثل قبل
انت خبرك قديم المحلات تغيرت بضاعتها كانت تجيب الأجود الحين السوق أكثره صيني
وفِي من الصيني ممتاز ودرجة أولى عيب تجارنا مايجيبونه السوق يسترخصونه على ان صيني يجيبون اردا نوع
اجود انواع اليتات سلفينيا - سورا - وجنرال الاكترك - وفيليبس وطبعا المتربع هو اوسرام الالماني
اوسرام متخصص في الكهرباء وخاصة المبات
اللي يحصل اوسرام الماني أصلي ياخذة وهو مغمض بس يتأكد ان الماني لان في منه صيني الصنع بعد ممتاز بس يحرص على الالماني في فرق في الجوده
https://www.osram.com/ds/
هذا موقع سورا
https://www.soraa.com/soraahome
http://www.lighting.philips.com.eg/home
https://www.sylvania.com/en-us/Pages/default.aspx
هذا موقع شركة إسبانية متخصصة في الإضاءة تواصلت معاهم مره وقالو عادي ممكن تشتري من عندنا ونوصل لك البضاعة
https://www.lecsl.es
بس الواحد مايقدر يغامر يشتري أشياء من النت لو يختبر عندك لازم تطلب من النت ومايجيبون لك كمية قليلة لأنهم يتعاملون مع مشاريع كبيرة
هذا موقع في جميع انواع المبات في العالم مع شرح كل شي عن اليد وأنواع المبات والشركات
https://www.1000bulbs.com/category/led-light-bulbs/
هذي صفحه تشرح لك عن ألون والزاوية وعن كل شي
https://www.1000bulbs.com/category/LED-MR16-GU10/
وان افضل اللي بياخذ لمبه سبوت يأخذ نوع GU 10 لا يأخذ MR 16
ال GU10 افضل ماتحتر قاعدة اليت ويكون الهولدر من سيراميك يستحمل الحرارة
ماعليك من الكلام ان اليتات اليد ماطلع حرارة شغل لمبه لِيَد وخله بس خمس دقايق وأمسك القاعدة بتشعر بالحرارة
والدرويش يامعماري ماعاد مثل قبل عنده البضاعة القديمة ذات الجودة بعد اتجه للصيني
مازال عنده البضاعة القديمة بس تخصص الإضاءة تغير انسحبت منه وكالات وايد
بس يوفر نوعية الممتازة حسب الطلب للمشاريع الضخمه :pardon: اما للستهلاك للزبائن العادية عنده الصيني :dance
الدرويش ماعاد عنده نفس اللي تقوله معماري ..اقتباس:
المشاركة الأصلية كتبت بواسطة Azizuk
اغلبه كشافات وليتات حدايق .. والخيارات محدودة ..
واذا سالته يقولك اول يجي الحين مايجي :this:
هههههههههاقتباس:
المشاركة الأصلية كتبت بواسطة sara jsm
كلهم صارو جذي ماعندهم ومانجيب :nono: والعالم غرقان بضاعة ممتازة وشركات عالمية ذات جودة
التاجر يبي له قرصة اذن :court: او سحب الوكالة منه واعطائها لشخص قادر على جلب افضل :ok2:السلع
امس مريت على محل بطريق الدائري الثالث محل حلو عندة شغلات غريبة بس غالي جدا وكله بالطلب البضاعة اللي عندة ايطالي فرنسي اسباني
ليت واحد نازل زي حق المطاعم ومن قزاز خطر ينكسر بيدك يقول لي ب 1500 ريال :eek5: وايد مبالغين بالاسعار
مشكور على المعلومات الطيبة وانا اللي ماخذه من عندهم صيني بس عمر للأسباب اللي ذكرتها ومتأكد من شكي إنهم يبيعون ليتات دايركت بدون ترانسفورمر فعال حتى تحترق ويبدلون ويبيعون فرق خلال سنتين يستمر الشغل ولا ينقطع خمس أو ست سنيناقتباس:
المشاركة الأصلية كتبت بواسطة Azizuk
الزاوية والسطوع حسب الإرتفاع هذي تدرسها للمخطط أثناء تنفيذك للنقاط .. يعني عندك سطح عمل مرتفع 90 سم والسقف فوق 4 أمتار بتركب سبوتات مركزة على سطح العمل هذا وتحتاج مقدار معين من شدة السطوع وما يسمى باللآكس lux أو لومينز نسيت بالضبط أو المصطلحين يمشون .. على أساسها مع زاوية الإنارة تقدر تحدد .. عندنا تدخل شوي العشوائية والذوق والفن في الإختيار ونبتعد عن الأرقام وبعد اختيارنا صحيح المهم ما تكون الإضاءة خافتة ومبقعة في مكان أسود وجنبه مضيء .. في غرف النوم تفرق قصدي في مطبخ مثلاً .. حتى الحمامات الكبار تبي الإضاءة مركزة على القطع وفيه انارة عامة وفيه انارة موجهة للوجه جنب المغسلة وفوق هذا تقدر تحط اضاءة مخفية وتجميلية حتى بالوان غير
الماركات بو سعود مثل جنرال الكتريك الأمريكية تعبت وانا ادور ال اي دي صناعة أمريكية كلها ميد إن شاينا ومخصصة للسوق الأمريكي لكن بضاعة عالية المستوى .. نفس الشيء ينطبق على الماركات الاوروبية .. التقليد يجيك بدال اوسرام تحصلهم كاتبين اواوسرام قبلها حرف او أو الإسم فيه حرف غير وهذا ينطبق على البقية من الماركات الأُوروبية
خل نفتح محل اضاءةاقتباس:
المشاركة الأصلية كتبت بواسطة Azizuk
اوسرام وكيلهم الجيدة بس للاسف الموظفيين عيايره تجيه يقول لك ماعندي روح المحل الفلاني اشتر من عندهم وهومتفق معاه بجيك زبون وياخذ العمولهاقتباس:
المشاركة الأصلية كتبت بواسطة معماري قطري
تبي تشتري بسعر الجملة مايبيعك
وزرت تكنوكيو ابي فيليبس وتم يماطل ويلف ويدور وبنطلب لك طلبية
اخر شى رحت بروة وشريت من هناك
صدقني راح يطلع المحل ناجح :victory:اقتباس:
المشاركة الأصلية كتبت بواسطة معماري قطري
لان راح نوفر اجود الصناعات بالعالم
الناس رعجت ادور الجودة
مرت سنوات تبي الرخيص وبعد التجربة عرفو ان الجودة اهم من السعر
في شركات تمحد بضاعتها الصينية وفعلا ممكن منتج جيد في البداية وبعد 6 شهور يذبذب :ok: ويتغير لونه
يبي لنا مشروع تياري والليتات الكل يبيها واللي ما يشتري من المنتدى بنزعل عليه