احد جرب يسجل في موقع مناقصات ؟
الموقع بطئ جدا
عرض للطباعة
احد جرب يسجل في موقع مناقصات ؟
الموقع بطئ جدا
ارسلة طلب بس ماردوا علي. انا انتظر اخلص من الخرايط و راح اشيك مع كذا شركة اطلب كوتيشن حق البنا
ماستر للاستشارات الهندسيه
تصميم واشراف
انا سجلت فيه وتابعتهم عن طريق الاتصال فيهم في الاسبوع اللي طاف
الظاهر السيستم شوي تعبان
بس شغلهم لحد الان ممتاز
للامانة
وقعت العقد عن طريقهم
وللاسف لا انصح تدخل عن طريقهم
لا يوجد متابعة من طرفهم وخصوصا ان العمل بدا من شهر ،،
واما مجانية خدماتهم،، فاللي فهمته انه المقاول اعطاهم نسبة
كم؟ الله اعلم ولكن بالاخير انا اللي بدفع��
محد نصح فيه مشاكلهم وايد ومافي تعاون
أي عرض رخيص وببلاش تحملوا منه خصوصاً من العرب
انا اشوف المكتب المصمم لو كان زين وتم اختياره بعناية يقدر يكمل كل شيء من مناقصة واشراف وحتى تأثيث أو مساعدة في التأثيث
هذا باب مشرع للتواطوء مع المقاول .. شلون الدولة تسمح بهذا الشيء!اقتباس:
المشاركة الأصلية كتبت بواسطة ita(10)lia
الي اكتشفته في عالم البناء من استشاري ومقاول مجالهم مافيه شي مجاني حتى ولو نصيحه
يعني انت بالنسبة لهم يالي بتبني بيتك كيكه وهم يقسمونها والكل عارف نصيبه منك من وراءك طبعا.
الاستشاري الناصح مثلا نقول انه ناصح ينصحك تروح لمقاول معين وهو ماخذ فايدته سواء منك دايركت او من المقاول يرفع القيمة ويعطي الاستشاري المقاول حلاوته.
الاستشاري ينصحك في مثلا اي شركة صدقني انه ماخذ فايدتة في السالفة.
حتى مكاتب التصميم من مكيفات او ديكور او ابواب او صبغ الموضوع كله فيدني وافيدك والي يدفع من غير مايحس للاسف حنا ولا نقول له جايك من طرف فلان ويتوصى فيك وفي الاخير ماغطك تدفع من غير ماتحس.
الافضل انك تسال وتروح دايركت تتعامل مع المكاتب واسال من حوليك اخوياك اخوانك عيال عمك جماعتك ممكن الاغلبية مش متخصصين او ناقصتهم خبره لكن صدقني واحد منهم بيفيدك.
المجال هذا ناقصة القطريين يدخلون فيه بقوة دام الدولة تشوف الغلط ولاتسوي شي لاهي الي منصفة في المحاكم او حتى يشرعون قوانين تلزم المقاول والاستشاري الي يلعبون لعبتهم في السوق.
اكيد لاحظتو سوق الكويتي في مجال المقاوله في مهندسيين كويتين واستشاريين ينزلون للموقع ويعطون نصايح وحاطين لهم حساب في الانستغرام والسناب يفيدون الناس
والسوق السعودي كذلك نفس الشي.
ليش وين القطريين المهندسيين وش الي ناقصهم وش المانع مع انه يسون نفسهم مع انه السوق مربح بالنسبة له فيها ملايين يقدر يكون فيها شركات ويضم فيها قطريين من تحته بدال الجنسيات العربيه الي ملعوزيينا والبنغال والهنود
كلهم حراميه .. كلهم ياخذون فوق حقهم وزيادة :)
اسمحوا لي اخواني الجوكر وسارة حكمكم خاطيء ومعاكم حق فيه لأن الاستشارات والمقاولات خربوها ناس قلة يمكن دخلاء على هذي الصنعة والعيب في قوانين البلاد وأجهزتها الرقابية والإدارية لهذي الشغلات .. للحين ما زال فيه ناس شغالين بهمة ومهنية بس بعد لازم يضمنون لقمة عيشهم حسب الاتفاق وحسب أُصول المهنة
كم مقاول قابلت ينصحني نصيحة واضحة ومخلص بها وكم استشاري كذلك ولكل شغلة ناسها .. مثال مقاول بغيته يسوي لي كل شيء وحسب تفاصيل وعقد واضح ودقيق .. قالها صراحة انه نسق وجاب أسعار من مقاولين ثانيين للخشب وللأعمال المعدنية وللتكييف .. والأسعار بعضها طلعت غالية وحتى اسم المقاول مسجل في العقد المبدئي .. مع التفاوض مع الاستشاري وصلت لحل إن المقاول الرئيسي يسوي كل شيء ما عدا شغل الحديد درابزين وأبواب والخشب هو عليه الفريم الاساسي اللي اسمه سب فريم يتركب عليه الفريم .. والصبغ والجبس ورخام الدرج أما باقي أعمال البلاستر والكهربة والارضيات عليه حتى خارج الحوش وعليه حماية الموقع ومسؤوليته حتى في وجود مقاولين ثانيين
كل أعمال المياه وتركيب الحمامات عليه وعلي التوريد وهو مسؤول يستلم ويعاين ويحافظ على القطع .. اللي صار المقاول كان ماسك الموقع من البداية للنهاية وكان ناصح أمين لي هو والاستشاري ويتابع الاستشاري بتخصصات احتاجها مثل الكهرباء والميكانيك واستفدت من مهندسيه وايد .. من ضمن الأشياء اللي سويتها معمارياً كان درج معلق من تحت وفوق وبارز بشكل خطر بدون عمود تحته يتوازن بالشد من جهتين .. هذا تصميمه صعب وكان المقاول خايف من التصميم ومخلي الدعامات الحديد تحته فوق شهرين
الاستشاري راجع تصميمه وتخوف وجاوا كم مهندس انشائي وقتها وطلبوا من المقاول تمديد حديد 20 ملم بكامل الطول من أسفل الدرج وقاعدته لين الصالة العلوية حتى ينربط الدرج ربط قوي .. بالصدفة كنت موجود ووضحوا لي تخوفهم وحلهم المقترح والمقاول نفذه بالحرف وبدون أي تكلفة اضافية
لو بنجي للحسابات شركات رخيصة درجة رابعة وحتى غير مصنفة عطوني فوق 3 ملايين عرض سعر وهذا المقاول عطاني 1.1 مليون وهو درجة أُولى وقوي .. وفي المناقصة خذت سنة في ركضة مع الاستشاري واجتماعات لين قدرت اقرر ولا رحت لرخيص بغالي بل توفقت في غالي برخيص والحمد لله
اخوي معماري لاتتكلم عن مقاولين قبل 10 سنين ..
لين جيت تبني انت وعيالك ( وربي يكون في عونكم مقدما ) راح تتذكر كلامي ..
قال نصيحة قال :sneaky:
وقت الصج كل نصيحة فوقها همجه :court:
خلال العشر سنين ممكن ساءت الأُمور بس نجحنا في بناء ثلاث بيوت وعمارة صحيح بدون مبالغات الا شوي في بيت مثل الحجر والمصعد وشوية تغييرات إخوي الله يغفر له أقدم عليها وصحيح الاستشاري لف ودار معاه .. كان يستشيرني ولا ينتبه لما اقول وهذا تركه عرضة للطمع وخصوصاً الاستشاري من جنسية عربية معروفة باللف والدوراناقتباس:
المشاركة الأصلية كتبت بواسطة sara jsm
دوم فيه أعباء على المالك ودوم الاختيار الصح هو اللي ييسر بناءه .. فيه مالك ما يهمه يقعد يبني 10 سنين وخطته مبنية على هذي الفترة حتى التدفق المالي عنده محسوب على هذي الفترة .. وعامل حسابه من ناحية الحارس ومجهز له غرفة ومكينة كهرب ومتحمل الوضع .. وفيه مالك محدد سنتين ويسكن وهذا اللي لازم ينتبه لعقده ويحاول يتصرف أول بأول ولازم يكون المبلغ متوفر ومتوفر احتياطي لأي أمر طاريء
إذا فيه انحدار ومؤكد فيه في مجال البناء فالمسؤولة عنه جهات الدولة المختصة وذكرت هالنقطة ووضحتها مرات عديدة وحددت نقاط حلها
بالنسبة للعمارة تعقيدات الدفاع المدني أخرتها وزادت التكلفة قليل بس بعد توفقنا في بناءها وفي تأجيرها والحمد لله .. والقصة مع الاستشاري التعيس طويلة وكان يسوي مشاكل من لا شيء فقط لأني فرضت عليه مقاول وهو كان يبي ثاني المدير من جنسيته وفرق السعر 600 الف ريال المالك اللي بيدفعها .. بدال ما تكمل في سنة خذت حول 4 شهور زيادة بس الحمد لله دخلت راسمالها من فترة ليست بالقصيرة
أما البيتين اللي بدون تغييرات كانوا للوالد الله يرحمه خلصوا بسرعة وبنيانهم جيد لأن المقاول قوي ومتمكن وعطانا سعر جيد بحدود 2300 للمتر المربع تسليم مفتاح
يعني هذا هو ماتغير شي لا من قبل ولا من بعد ..
بس البوق والغش صار بتطور اكثر ..
:
المشكله ماعندنا قوانين في المقاولات والبنيان ..
لازم تكون في جهة رسميه تضم هالقسم معاهم وتحدد المعايير ..
عشان مايصير غش واستغلال ..