السلام عليكم
احتاج اخذ رايكم وتجاربكم في غرف الملابس بحكم المحلات اللي كثرت وماصرنا نعرف الكوالتي الزين كلهم نفس الكلام والمدح ...
انا رحت حق ميلان وعالم الخزائن وخزانه اللي جنب لافندوم وانتظر عرض السعر ...
هل يوجد افضل منهم .... او عندكم تجارب عن هذي المحلات
ونفس الشي محتاره في المطابخ الالمنيوم الخارجي السعر مب رخيص للمتر عندهم والتصاميم قديمه
ياريت تنصحوني بشي مجربينه يااخواني وخواتي ..
مالنا الا انتوا اما المحلات شبعنا من كلامهم
وعليكم السلام مرايم ..
بالنسبه للخزائن على السمع ( المانع للخزائن / عالم الخزائن / الخزائن المبتكرة / الخزائن الامريكيه )
بس للامانه ماجربت حد منهم .. وايكيا بعد خزاينهم تعيش ..
:
بالنسبه للمطابخ الالمنيوم .. واحد من الاخوان نصحني في ( عالم المطابخ )
عنده من 6 سنين وللحين مب متغير واصلا الالمنيوم يعيش للابد ..
رحت المحل .. عندهم ايطالي وسعر المتر ( فوق وتحت ) 1700
وعندهم لبناني 1500
وعماني 800 / 1200
شغلهم زين بس مافي ذووق .. انتي اختاري تصميم وخلهم يسون عليه ..
انا جذي سويت جبت تصميم مطبخ اوروبي وعطيته واحد في الصناعيه يسويه لي ..
واذا ماضبطه مومشكله لانه مطبخ خارجي ..
بالنسبه للخزاين نحتاج احد جرب شي يفيدنا ...المطابخ انا توني طالعه من طريق سلوى واشوف الاختصاصي للالمنيوم افضل الموجود ...
بس نبي خبرات غرف الملابس المحلات وايد ويحيرون ومب رخيصين
انا تجربتي مع الخليج وكذا مرة وكله شغلهم ممتاز ونوعيات ما ينمل منها .. خصوصاً الصناعة الكندية للواجهات .. القواطع الداخلية كلها بليوت .. المتحدة للتجهيزات عجبتني خزاينهم بس غالية واكسسواراتهم جيدة ولا شفتها الا عندهم
جزاك الله خير على ردك يالمعماري ...
اذا سمحت وين المتحده مادلهم والخليج بعد واذا عندك رقمهم حطه الله لايهينك او وصف المكان
وجزاك الله الف خير
الثنتين الله يسلمج مع لفة السوق المركزي على طريق سلوى .. الخليج قبل بتحصلنها بس يبغي لها انتباه ومشي شوي شوي المحلات كلها تتشابه هناك .. والمتحدة للتجهيزات بعد محطة التيسير مباشرة يمكن فيه محل أو اثنين فاصليناقتباس:
المشاركة الأصلية كتبت بواسطة مررايم
يعني الخليج بين اشارات السوق واشارات الطريق اللي يودي بوهامور اللي شغالين فيه ألحين يسوونه محور صباح الأحمد .. والخليج تعاملهم زين وفي الموعد .. المتحدة كذلك جودة عالية وسعر عالي
هلا اختي ... انا بعد اشوف الاختصاصي زين ومجربه واحد من ربعي من 7 سنوات ما يشتكي ويمدح .... بس اللي اعرفه عنده حاليا مشكلة في توريد المواد الخام من عمان ... وقعت معاه 23/12 وقالي شهر ونصف وحتى الان لم ينتهي بس الشهادة لله ركب 90 بالمئة ... تعاملهم طيب في شخص مصري اسمه مصطفى .... اخترت اللون الأبيض والجرانيت بلاك جلكسي ... التكلفة التقديرية لمطبخ 4/6 ومخزن 3/4 مع طاوله في النصف لها ادراج من الصوبين 42000 .... واحنا في الأنتظار ......اقتباس:
المشاركة الأصلية كتبت بواسطة مررايم
كانت عندي فكرة أني في البداية اركب المطبخ الخارجي كله ستل ستيل وجبت عرض سعر من بالميرا للمطابخ المرخية تفاجأت بالسعر نفس المساحة اللي فوق 75 الف بعد العصر ... في النهاية كتير قالوا اللون يبهت ويحتاج عناية وتنظيف وهو مطبخ خارجي ... والكل نصحني ان الألمنيوم اقرب سعره للواقع بالنسبة لمطبخ خارجي ... اما الستنستيل اشوفه للهفي ديوتي وللفنادق و المطابخ والمطاعم ... وكلن حسب رأيه ... دمتم بود
هلا اختي ام جاسم ... انا مريت صراحة بس الخزائن المبتكرة وكانت أسعارهم من وجه نظري عالية جدا ... ومتمسكين بسعر ولا ينزلون الا شي بسيط والدفعات يأخذون الفلوس كاملة قبل ما يركبون ... يعني شوي ماعجبني الأسلوب بشكل عام ... واللي اعرفه ان محل خزانه لهم بعد مسوين 3 اسماء محلات في السوق تختلف عن بعض والمصنع والمالك واحد .... المشكلهً كله خشب مضغوط والأسعار بالمتر المربع ... بس نسيت كم بالظبط المتر ... المهم الماستر درسينغ 4/3 على شكل اليو شيب كان في حدود 31000 انا اشوف غالي على خشب ام دي أفاقتباس:
المشاركة الأصلية كتبت بواسطة sara jsm
انا جربت عالم الخزائن
شغلهم ممتاز
لا تأخير
والمتر نسيت بكم.
اغلب المحلات اللي يبيعون ستنستبل قالوا لي وخري عنه ..اقتباس:
المشاركة الأصلية كتبت بواسطة $الملياردير$
لانه يتشمخ بسرعه ويبين فيه الاثر .. وسعره مرتفع ..
الافضل الالمنيوم ويعيش وبعد مش رخيص ..
:
:
نصيحة الام دي ام لاتدخلونه بيوتكم لانه وايد يسوي حشرات ..
وخرابه بسرعه لو انصب عليه ماي او بقايا عطر او زيت ..
فكرت وايد وشو ذيه بعدين اكتشفت إنه ستانلس ستيلاقتباس:
المشاركة الأصلية كتبت بواسطة sara jsm
بس التشميخ يعطيه جمال وأصلاً هو مطفي شكله مب لامع .. وأكيد فيه نوعيات ودرجات من الستانلس ستيل بعضها ما تخدش وبعضها تصدي ولا تتحمل الرطوبة يعني اسم على غير مسمى .. نسيت كم الرقم الزين
بالنسبة للألمنيوم عند كيتشن استوديو في شارع سلوى
و ليزر استوديو دوار مدماك
سعره غالي بس يسوى شغلهم ممتاز
ههههههههههه اي والله شـ كاتبه انا :yawn:اقتباس:
المشاركة الأصلية كتبت بواسطة معماري قطري
ماانصحكم في ليزر استديو وايد عليه شكاوي في حماية المستهلك ..اقتباس:
المشاركة الأصلية كتبت بواسطة شمس المغيب
انا مركب للمطبخ الخارجي من قطر للمطابخ بطريق سلوى
المنيوم قوي فخم لونه حلو وسعره ممتاز طلع لي اقل من محلات سوق الحراج حتى
اعتقد يسمونه المنيوم بحريني و وقتها كان افضل شي فالسوق
مري عليهم وشوفي الاشكال والالوان وعالتصميم انتي وشطارتج لاتعتمدين على رايهم
وخذت مغسله نوع Teka هديه بعد
المطابخ الخشب افخم وارقى .
بس الانواع الاخرى أمان اكثر بعيد عنكم من ( الحرائق )