من منكم جرب هذه السيارة؟
هل فيها عيوب؟
عرض للطباعة
من منكم جرب هذه السيارة؟
هل فيها عيوب؟
هذه السيارة غير منتشرة الصراحة ،، فصعب معرفة تقييم استخدامها ،،
اعرف واحد من الشباب كان عنده موديل 2011 ويشتكي من عيوب في المسائل الإلكترونية للماكينة ،،
ولا اعلم هل تم حل المشاكل هذه في الموديلات الجديدة أم لا ،،
الصراحة انا عاجبني شكل الموتر ،، لكن محتاج معرفة رأي مجربينها ،،
عن تجربة شخصية كان عندي موديل 2015 ، الصراحة الموتر روعة فالاستخدام و الريافة و بصراحة سواقته اركد من اللكزس الجديد عن تجربة لن جربت الشكل الجديد 2019 عند واحد من الشباب تو ماخذه من شهرين صراحة فعلا ما خبت يوم قلت انه اريف من اللكزس فورويل وسيته جدا مريح ووسيع ، العيب الوحيد اللي واجهني قبل وخلاني ابيعة خزان الوقود صغير نوعا ما مقارنه باليوكن و الكروزر واللكزس و ذاك الوقت يوم لحدود مفتوحة كنت كثير السفر بالبر وكان يتعبني صغر الخزان ، اما عيوب لاوالله ماوجهتني و للعلم سفايفة ابرك حتى من اللكزس فورويل وسريعة الاستجابة .
وايد حلو لكن سعره غالي لو قارنته بالنسيان على اخر زيارة للوكالة .. الشركة وايد تعدلت عن قبل و اسعار قطع الغيار تنافس التويوتا!
اذا ناوي خذ أعلى فئة و الله يبارك لك!
هلا اخوي سهم فضة .. اللي اعرفه أن مكينة الانفنيتي وهيكله نفس النيسان 400 .. وصرفية البترول في السفر للنيسان وايد مريحة وموفرة .. أنا سافرت كذا مرة في النيسان 400 قبل الحصار .. كنت أعبي فل في دبي .. أوصل الدوحة البترول الربع !!اقتباس:
المشاركة الأصلية كتبت بواسطة سهم فضة
لكن ما أدري يمكن الانفينتي خزانه أصغر .. يمكن ..
كلامك عن الموتر يبشر بالخير ..
اخوي سهم الموديل 2015 كم سنة استخدمته؟
مرحبا ياغالي الموتر خذته اخر 2014 موديل 2015 وتم عندي 3 سنين تقريبا الا شوياقتباس:
المشاركة الأصلية كتبت بواسطة asulaiti
بس ماقصرت فيه مشى معاي يمكن حدود 88-90 الف .
النيسان 400 ماعندي علم فيه ماجربته صراحة لكن من ناحية المكينه والعزم والداخلية تقريبا نفس الشي مافي فرق الا شعارات و شكل ، اما الخزان فعلا صغير .
بارك الله فيك على الإفادة اخوي سهم فضة
حسب معلوماتي هو مافي إلا فئة واحدة .. ما أدري إذا غيروا في الفترة الأخيرة !اقتباس:
المشاركة الأصلية كتبت بواسطة SouthK
تأكد الشيخ .. الله يبارك لك مقدما.اقتباس:
المشاركة الأصلية كتبت بواسطة asulaiti
نصيحة لو تبي تشتري انطر آخر السنة و خاصة عرض ضمان 5 سنوات عداد مفتوح!
اشوفه نفس النيسان ولن مزركش ..
نفس الفكسار واللكزس تقريبا..
يعني اللي بياخذه يحط في باله فرق السعر مية الف وفرق الصيانة وقطع الغيار نقريبا كل شي دبل..
موتر عجيب و من الأخر نصيحتي انطر لين شهر اكتوبر لأنه احتمال ينزل سعره نفس ما سوو فالجيل السابق او قبل الفيس لفت نزل سعره من الوكالة نزله جامدة كانت من نصيب المعارض قبل اللناس.
موتر اذا بتقاره قارنه باللكسز بس الناس ما تحب هالمقارنه لأنه عبارة عن النسخة الراقية و اللي فيها رفاهية من النيسان بترول.
حاله حال اللكسز و الكروزر.
بس فرق فالبريكات مثل ما اذكرو الشباب فوق الجيل السابق كان في مشاكل الكترونية تم معالجتها بهالجيل يبقى سعره غالي بس يسوى و ارخص من اللكسز بـــ100 ألف.
خزان البترول اصغر من النيسان
لانه خزان واحد مب خزانين نفس الباترولاقتباس:
المشاركة الأصلية كتبت بواسطة mar1
صح كلامك
انصح تنتظر نيسان ظ¢ظ*ظ¢ظ* افضل منه وبيكون اجمل من داخل ومتطور اكثر اعتقد بينزل شهر ظ،ظ*