السلام عليكم
شباب شرايكم بسيارة الاودي a8 او a6 الشكل اليديد موديل 2019 ؟؟
بغيت تعطوني انطباعكم عن السياره بشكل عام بغض النظر انه فالبيع سعرها يطيح وايد لانه فخاطري صالون.
الله لايهينكم
عرض للطباعة
السلام عليكم
شباب شرايكم بسيارة الاودي a8 او a6 الشكل اليديد موديل 2019 ؟؟
بغيت تعطوني انطباعكم عن السياره بشكل عام بغض النظر انه فالبيع سعرها يطيح وايد لانه فخاطري صالون.
الله لايهينكم
شوف ياخوي الاودي سيارة ماعليها كلام ولها اسمها قويه طبعا الناس تخاف لانه قطع الغيار غاليه ومثل ماقلت بيعتها صعبه لكن اذا بخاطرك وهالامور عاديه توكل على الله
ماعندك أي مشكله 2019 سياره جديده وعليها ضمان،،لو انك قلت سياره مستعمله أكيد بنقولك لا
سياره بتكون استعمالك وبتعرف كل صغيره وكبيره اذا في خرابات فالموتر وفوق هذا ضمان ساري
توكل على الله ولا تخلي شي فالخاطر،،ومثل مايقولون الربع اديلوه واحد اودي
شكرًا
خذ لك مرسيدس افضل ككوالتي ويمكن بنفس السعر
او لكزس، نفس الفخامة وشغل ياباني تمام
مساء الخير
ما بذكر سعرها عند البيع او انتهاء الضمان او. او
بس اسأل عن توفر قطع الغيار اخوي. حتى لو غاليه. هل هي متوفره اصلا
زيت و فلتر و بلكات هذولا انساهم. اسأل عن الامور الثانيه الي اذا اختربت او تبي تبديل باب او رفرف او رنق او شبك امامي او اسطاب خلفي . هل هالامور متوفره ولا تنطر يطلبونها ثلاث شهور و اكثر
نصيحتي لك .. ابتعد
عندنا فولكسواجن (وهو نفس وكيل أودي)
وديناها لخلل بسيط (لمبة جك إنجن) ما عرفوا له ..
بس خذوا رسوم الفحص ، وقالوا ما بيّن لنا السبب بالضبط
رجعت اللمبة من جديد خلال 5 أيام
وديناها وفحصوها ، وقالوا تحتاج تغيير قطعتين ، مب متوفرة ، ونطلبها من ألمانيا
خذت 3 أيام للفحص ، و20 يوم لوصول القطعة ، ويومين للتركيب
رجع الخلل مرة ثانية خلال 5 أيام
وديناها ، خذوا وقت للفحص الدقيق 11 يوماً والله ..
ثم قالوا تحتاج (قطعة ثالثة .. فيول بمب) ، وللأسف أيضاً مب متوفرة
تحتاج 20 يوم لطلب القطعة من ألمانيا
وما زالت سيارتنا عندهم ، ومتوهقين !!!
كلمناهم عن سيارة بديلة
قالوا حاضرين ، بس تدفع 3500 ريال مقدماً
ولما ترجّعها ، نردّ المبلغ بعد 10 أيام
من إرجاع السيارة (كضمان وتأمين) ..
هذا ، وسيارتنا رايحة جاية للورشة لنفس الخلل
ومحبوسة عندهم من شهر .. وما زالت .
هذا تعامل الشركة يا طويل العمر
ورشة فولكسواجن والأودي في آخر الصناعية
سيارتنا موديل 2014 وكل صيانتها في الوكالة
وأبسط قطعها مب متوافرة ، فما بالك بالسيارات الجديدة ؟
ابتعد عنها .. والحرّ تكفيه الإشارة .
أما عن سيارات أودي كصناعة ألمانية ، ركوب وقيادة واستعمال
فاحب أقول إنها (القمة .. في متعة القيادة)
لقب تستاهله فعلاً سيارات أودي ، وليس بي إم دبليو ..
لكن .. شالفايدة ؟ مع عدم توافر القطع ، والأسعار الخيالية ، وتعقيدات خدمة العميل
عند أقل خلل في السيارة !!
طبعاً
وقت الشراء .. أسعار خيالية
وبعد استعمال بسيط .. أسعار في الحضيض
للعلم فقط
^^^^^^ اتفق فيما ذكر فوق لو بس يشوفون الجيران تبديل بلكات كل 100 ألف كيلو كانت تتبدل على الــ40 الف وقت الصيف و على حساب الوكيل و بدون اي رسوم
السيارة من احسن الشركات بس للأسف عندنا سمعتها سيئة لأنه التعامل سيء جدا جدا جدا بالرغم من عروضهم للبيع بس خدمة ما بعد البيع سيئة
هذا الي اقصده من السؤال عن قطع الغيار
من 2007 وانا اسمع عن قطع الغيار لبعض السيارات الاوروبيه
يا ريال العلامه في شبك الموتر الامامي غير متوفره
و واحد حك رصيف و طلب رنق جديد خلوا سيارته بالورشه ثلاث شهور عشان يجيبون له من المانيا و اخرتها جابوها من دبي
و سياره فخمه جدا. جدا. جلست سنه او اقل بشوي عشان الستاره الخلفيه دينمتها خربانه و غير متوفره
يعني موتر قريب المليون سعره جلس قريب سنه بالورشه و راعيها منقهر ما يبيها الا مصلحه
تعال لشي ثاني
التواير لبعض هالسيارات توصل 14000 و واحد يبي تواير قالوا انتظر ثلاث شهور نطلبها
جابها من السعوديه ب 8000 هذا قبل الحصار طبعا
مع احترامي لهالمواتر. ما ابي موتر اسوقه و يدي على قلبي كل يوم اخاف يوقف او ما احصل له غيار حتى او فيول بمب او دينمه مساحات اماميه او كشاف للصدام
تبون معلومه مهمه
محل بسوق بروه الوكره عنده قطع غيار ما تلقاها بالوكالات
هايدوليك للبورش ب 3500 ريال. بكم يعرها بالوكاله
رودات للطوارق فيول بمب
تبي مكينه بدل مكينتك المخبطه بتلقى
بلكات و وايراتها موجود بسعر افضل بكثير من الوكالات
انا اقول لو يتعاقدون معاه و يحولون العملاء له اسرع و ارخص بدل الانتظار لشهور عشان قطع غيار
لا تلومونا اذا لصقنا بالياباني
مانصحك في الاودي وبنهاية لك القرار.
بل لهالدرجة الوكالة جدا تعبانه،،لا اخوي اهم شي خدمه مابعد البيع.
اذا الوكالة سيئه ابعد عنهم
تسلمون شباب على ردودكم وتفاعلكم وانا تقريبا هونت عن الموتر اذا خدمه بعد البيع تعبانه شلنا في عوار القلب
الاخوان ما قصروا.. يا زين وقفتج يالأودي قدام البيت وياشينها في الوكالة..
كنت باتورط في الكيو 8 الجديدة وجربتها وعجبتني بس ترددت وبعد ما قريت مشاركاتكم أحمد الله
بعد تجربتي حق a4 في المانيا حبيت الأُودي بس عندنا صج الوكيل ما همته الشركة ومثل ما نقل لي شخص عنه قوله بأنه غير محتاج للوكالة وماخذها كبرستيج
لو خاطرك في صالون عندك اللكزس بأنواع الصالون سيارة متطورة ومسكتة وخصوصاً الال اس .. لين وقفت ترتفع حتى نزولك يستوي منها سهل .. سيارة تدليع وعليها اشراف من المصنع فيه مراقبين موجودين في وكالة التيوتا واللكزس وموفرين خدمة وقطع غياراقتباس:
المشاركة الأصلية كتبت بواسطة RVD
خذلك BMW X7 موتر جديد توة نازل وفخم وبحجم 3 اسيات نفس الكروزر
وخدمات مابعد البيع ممتازة بالنسبة لشركة الفردان
خذ فكرة عن السيارة
https://youtu.be/m1fNZSYXNaw
أنا عندي اودي والصراحة ماشتكيت منها وغير انه السيرفس يجون لين عندك وياخذون السيارة ويجبونها لك
اهم شي انها تحت الضمان وهم عندهم الضمان خمس سنوات مع السيرفس وسعرها اقل من ألبي ام
ابو عبدالله ماعليك امر ممكن رقم المحل او اسمهاقتباس:
المشاركة الأصلية كتبت بواسطة ابو عبدالله.
صباح الخير
محل نيوتن سوق بروه الوكره
ع طريق الوكره اخر لفه بعد السوق تاخذين يمين
بعد رامز في لفه. المحلبعد اللفه لكن لفي و ارجعي عشان تدخلين مواقف محل نيوتن
يمكن في جوجل يطلع لك موقعه
زين تذكرت. لقيت رقمه مخزن عندي من زمان
44607615
الاودي ماعليها كلام طول ما هي تحت الضمان واذا انتهى انصح بتجديده . لكن البعض يستكثر المبلغ .
فكر في bmw
مووووفق
الاودي كسيارة ماعليها كلام
لكن بعض الاعطال البسيطة تعطلك اشهر لان المواد تجلب من المانيا ويتم شحنها من دوسلدروف إلى فرانكفورت وكل طلبية تكون يوم أربعاء
يعني سيارتك حتى لو على الضمان تتأخر قطع الغيار لاسابيع
تم تغيير الضوء الامامي بعد 3 اسابيع
تم تبديل حافظ سائل التبريد بعد شهر
تم تصليح تسريب في خزان الوقود بعد شهر
تم تصليح تسريب في منظومة المقود بعد شهر
واخيرا بعد عطل مغير السرعة تم طلب مبلغ عالي لتبديله رغم أن السيارة موديل 2012 q5
فتناقشت معهم بشكل مطول حول اسعار قطع الغيار مع عمر السيارة والافضل ان تكون هناك نسب اقل مع تقدم السيارة بالعمر
مثلا بعد 3 سنوات تقل قطع الغيار بمقدار 10% وهكذا
لكنهم لم يقتنعوا
فاضطررت بيع السيارة بسعر بخس لأنها ظلت واقفة لأكثر من 4 أشهر
لعدم توفر قطع الغيار إلا في الوكالة
والمعلومة التي عرفتها بعد ذلك ان شركة اودي سحبت موديل سيارتي عام 2012 لاصلاح خلل مصنعي في مغير السرعة
وطبعا لم يتم استدعاء سيارتي في وقتها لانني اشتريتها من وكالة بو زوير وبعدها انتقلت الى المالك الجديد
فلا القديم استدعى السيارة
ولا الجديد طلب استدعائها
هذا اللي نقولهاقتباس:
المشاركة الأصلية كتبت بواسطة مقيم
كلامك منطقي جداً بناءً على ما جرى لي شخصياً
ولم أجد أي نقطة غريبة في شرحك ..
مع هذا الوكيل !!!
ا السلام عليكم ورحمة الله وبركاته :
خير الكلام ما قل ودل ..............( لكزس سعي الى الكمال لايعرف الكلل )