السلام عليكم
شباب حبيت اخذ رايكم كافضل بيك اب اتشوفونه في السوق من ناحيه شكل وفخامه وقوة وراحه وضمان وخدمه مابعد البيع:
1) فورد رابتر (موديل 2017 - 2019)
2) دودج رام 2019 (الشكل اليديد)
3) الجمس السييرا 2019 (الشكل اليديد)
عرض للطباعة
السلام عليكم
شباب حبيت اخذ رايكم كافضل بيك اب اتشوفونه في السوق من ناحيه شكل وفخامه وقوة وراحه وضمان وخدمه مابعد البيع:
1) فورد رابتر (موديل 2017 - 2019)
2) دودج رام 2019 (الشكل اليديد)
3) الجمس السييرا 2019 (الشكل اليديد)
عليكم السلام،،من تجربه شخصيه مادري عن باقي الأعضاء ،،،ابعد كل البعد عن رقم 1 ورقم 2
هذا بكل اختصار
شكرًا
تاندرا ( تويوتا )
وعليكم السلام ورحمة الله وبركاته
من وجهة نظري الشخصية أنا أشوف الجمس الجديد أفضلهم بعد التعديلات الأخيرة وخاصة من ناحية خدمة ما بعد البيع والله أعلم ومن واقع تجربة شركة المناعي من أفضل وأرقى الشركات اللي تعاملت معاها لدرجة اني اضبط عندهم سياراتي مثل الشفر والجيب
إذا قارنت (خدمة ما بعد البيع) في الأنواع الثلاثة
فالفائز هو gmc بلا شك ، من شركة المناعي
الأنواع الأخرى اللي ذكرتَها ، ممتازة ممتازة ..
لكن ورشها تعبانة تعبانة:nono:
اذا لازم بيك اب
الجمس افضلهم للسيارات الامريكيه
التندرا وعر. يابس صراحه
الدوج ضيق من داخل. من ناحيه الكراسي الا اذا غيروه. هذا شي ثاني
خدمه الجمس سريعه و قطع متوفره لكن احشم الموتر عشان ما يبهدلك في امور الربلات و كراسي المكينه و المقصات الاماميه
بالتوفيق اخوي
اكيد الجمس افضلهم خصوصا 2019 عدلو اشياء كثيرة فية موفق ان شاء الله
هل الجموس الباب المعروضين في قطر سيل وارد المناعي،،لان اللي اعرفه ان الباب بيكون موجود فالشركة شهر يناير أو فبراير 2020
وارد وين هالجموس ؟
http://www.qatarsale.com/mycar_e.aspx?carid=296997
جرب السيارة قبل تشتريها
الجمس الباب .. موجود في الشركة فعلاً ،اقتباس:
المشاركة الأصلية كتبت بواسطة style
أمس زرت الوكالة ، وشفته على الطبيعة
الجمس الباب .. موجود في الشركة فعلاً ،اقتباس:
المشاركة الأصلية كتبت بواسطة style
أمس زرت الوكالة ، وشفته على الطبيعة ..
مادري عن قطر سيل
هلا اخوي ،،هل جربت السياره ،،هل عندك اَي ملاحظات عنهااقتباس:
المشاركة الأصلية كتبت بواسطة حمدالهاجري
شكرًا
هل عندك فكره عن أسعارهم ،،وكم نوع يجوناقتباس:
المشاركة الأصلية كتبت بواسطة جاسم الدوحة
إذا مب ناسي
172 ألف (فل أوبشن)
وفيه نوع أقل (ستاندرد)
وفيه نوع أعلى (اكسسوارات كاملة)
موفق.
إذا مب ناسي
172 ألف (فل أوبشن)
وأيضاً :
= نوع 124 ألف (ستاندرد 6 سلندر) 4x2
= نوع 134 ألف (ستاندرد 6 سلندر) 4x4
= نوع أعلى (فل أوبشن أساسي) 8 سلندر 158 ألف
= نوع أعلى (فل أوبشن كامل) 8 سلندر 172 ألف
= نوع أعلى (مع الاكسسوارات الكاملة) 197 ألف
رجعت سألت لكم أمس
(بناء على استفسار الأخ ستايل)
وحاضرين للطيبين أمثالكم جميعاً
يعطيكم العافيه شباب على ردودكم وتفاعلكم فالموضوع
انا قبل كم يوم سويت تست درايف على الثلاث مواتر الرابتر والجمس اليديد والدوج رام اللمتد اليديد.
بغض النظر عن خدمه مابعد البيع، افضل بيكم جربته من هالثلاث مواتر الدوج الرام اللمتد اليديد الموتر من داخل فخم ومواصفات ما كانك راكب بيكم وغير الراحه فالسواقه ونعومته فالشارع حسيت اني راكب صالون للامانه بدون مبالغه. الجمس ابد ماعجبني من ناحيه السواقه والريافه ماحسيت انه في تغيير كبير عن الجيل القبلي من ناحيه داخليه وريافته فالشارع بس الشكل الخارجي حلووانا حكمت عليه لانه عندي قبل دينالي 2017 وقلت رايي. والرابتر حسيت جمبيناته شوي يابسه عالشارع بما انه توايره حجريه بيكون اكثر نعومه فالبر.
في جماسي سييرا 8 سلندر ينباعون على 145 الف في قطر سيلاقتباس:
المشاركة الأصلية كتبت بواسطة جاسم الدوحة
اذا نويت على الرام الغالي اللي ما اشوف في مبرر لسعره ربع مليون عليك باللمتد لا تاخذ اقل و زين انهم حاطينه تست درايف.اقتباس:
المشاركة الأصلية كتبت بواسطة rvd
كلم عمر جلال و قوله انك تعرف يعقوب و يعقوب دلني عليك يعرفني عدل و اهو اصلن الحلو فيه يعطيك اقل سعر من الأخر مقارنه بباقي البياعين اللي فالوكالة.
اختيار موفق عندنا 2017 و من احسن ما يكون تغير ايل و فلتر و بس فالوكالة ليلحين ما اشتكينا منه من شي و سبحان الله اذا عدت هالأزمة اخذه خط سفر عيبه قفلته اتوقع 170 بس ما تحتاج هالسرعه كلها الوالد و الوالدة راقدين و علبالهم امشي مية من ريافته و عزل الهوا و الهدوء.
الرام مظلون عندنا وايد وايد و انا شخصيا كنت ناوي عالجديد لين صعقت بالسعر واااايد غالي بصراحة بس كموتر ما بتشتكي من اي شي و نصيحه لا تاخذه الا مع الـــram box الفتحات اللى على جوانب البدي لأنه الله يهداهم اول دفعتين جو البدي سيدا مصفح ميزت الرام فهالصناديق اللي فالجوانب اهي ثلاجة اهي ستور اهي اللي تبيه تحط فيهم ما يخترب و تقفل مع السيارة محد يقدر يفتحهم و تفتح مع قفل السيارة.
احنا نعبيهم ثلج و عصاير لما انروح البر او نسافر و لي وصلنا في فتحه علشان الماي كله ينزل. غير اماكن التخزين تحت الكراسي و تحت الأرضية و ورى الرام كبت متحرك لما تجي لماكن التخزين
أتوقع يكون 4 أبواباقتباس:
المشاركة الأصلية كتبت بواسطة بوخميس
الأسعار اللي ذكرتها فوق ، كانت للباب ، طال عمرك
نسيت أوضّح .. كل الشكر
عليكم السلاماقتباس:
المشاركة الأصلية كتبت بواسطة RVD
اذا للرملة الرابتر بدون منازع .
اذا بس تحميل وخطوط وبر الدودج تسوقه تقول راكب صالون .
بالنسبة للسييرا ،، افضل خدمة وكلاء لكن كبيك اب ما تقارن بالبقية ..
اتوقع السييرا الجديدة خاصة at4 مسوين لها نظام تعليق مثل الرابتراقتباس:
المشاركة الأصلية كتبت بواسطة expert*
اتفق معاك لكن بدي الموتر مب انسيابياقتباس:
المشاركة الأصلية كتبت بواسطة بوخميس
الدوووووووج وبسسسس
بيكم تبيه انسيابي ،،ليش سبورت هو ،،البيكم عمره ماكان انسيابي وين جايب هالمعلومه الخطيره ههههههاقتباس:
المشاركة الأصلية كتبت بواسطة eXpert*
تويوتا تاندرا وخدمات مابعد البيع كراجات الغرافة ووقود وسلوى والتيسير ماتقصر
غير ايل وسفايف وامش لا عبالة وكالة ولا زحمة ولا خرابيط ههههههههههه
اقول عليك بالجمس 2500 وبس