الإخوه بغيت رقم تليفون شركه تسوي فحص الأرض لمعرفه عمق المياه الجوفية وتحليلها ولو بعد مقاول هدم وحفر
عرض للطباعة
الإخوه بغيت رقم تليفون شركه تسوي فحص الأرض لمعرفه عمق المياه الجوفية وتحليلها ولو بعد مقاول هدم وحفر
أذكر مختبرات الخليج ومختبر التيسير حاول تشوفهم في الدليل أو اسئل في التخطيط أكيد عندهم لستة وقبل تعاونت مع مكتب إنجليزي فيه رجال شيبة بس اعتقد سكر كان قريب محطة عزيز
بالنسبة للمياه الجوفية لا تصدق أي مكتب ولازم تسوي تصريف احتياطي يسمى بالفرنش درينيج سيستم يعرفونه الاستشاريين الجيدين .. تكلمت عنه اليوم مع استشاري وسيده عرفه وقال ضروري وقال فيه مواد جديدة بنوصفها لعزل الجدران تعيش بعمر البنيان
فيه مناطق معروفه بقرب المياة الجوفيه والعكس صحيح
وحلو بعد لو تشوف مكتب .
بس وين المنطقة خن نشوف :app2:
مشكور اخ معماري الاستشاري أموري معه تمام لانه مكتبنا وهو الي بيشرف وهو الي طلب قياس مستوي الماي مع التحليل البسمنت عندي مساحته بتكون 315 متراقتباس:
المشاركة الأصلية كتبت بواسطة معماري قطري
اخ سعود الأرض بالمناصير وقبل ماخدها من سنه تواصلت مع مهندس بالبلديه وعلمني ان فيه شبكه سحب مياه جوفيه للمناصير وحولها شغالين عليها وبتخلص خلال سنتين معناه سنه وتشتغل وهاي السبب اني خدت بالمناصيراقتباس:
المشاركة الأصلية كتبت بواسطة سعود.
حلو شغلك عدل . ركز على العزل الخارجي للجدران واسفل ارضية القبو*.اقتباس:
المشاركة الأصلية كتبت بواسطة ابراهيم 2012
تفضل اخوي التيسير م. محمود 55531913/55352914 مختبرات قطر الصناعية م. اتول 55279618 تعاملت معاهم من خلال موضوعين مختلفين وتعاملهم طيب جدا ... فالك التوفيق ياخوي
كنت بقول التيسير .. لكن الشباب اسبقوني جزاهم الله خير .
بالنسبة للحفر ؛ خذ اسعار عدة مقاولين وكلمني على الخاص وان شاء الله اجيبلك اقل سعر في السوق
ان شاءاللهاقتباس:
المشاركة الأصلية كتبت بواسطة سعود.
مشكور اخوي ماقصرتاقتباس:
المشاركة الأصلية كتبت بواسطة $الملياردير$
اقتباس:
المشاركة الأصلية كتبت بواسطة بن غيث
ان شاءالله ناطر المخطط ياخد موافقه اتوقع خلال اسبوع ان شاءالله بتواصل معك اول ماستلمه
الصراحه الدوله في بعض الاموار مقصره ما ادري هل هذا جهل في الاموار هذي او لا.
المفروض ان دور البلدية هنا هي من تقوم في دراسة الارض ولاتخلي مثلا المكاتب هي الي قاعدة تشتغل علينا بيزنس في الاموار هذي.
تحط مثلا في موقعها ويكون ابديت اول باول عن المناطق ومقسمة بلديات يا اخي الناس والعالم تطورت وحنا مكانك سر.
قبل يمكن معروفه مناطق بالاسم انه فيه مياه جوفيه لكن حاليا من بدا حفر الريل في قطر والبنية التحتيه اختلفت كليا في قطر الاماكن الي مافيها تجمع مياه وصلبه وحصا وبعيدة حتى من البحر طلع فيها ماء والعكس صحيح.
الله يوفقك .. قال لي استشاري فيه مواد جديدة في السوق لعزل البيسمنت تعمر طول العمر .. ولقياس مستوى المياه الجوفية والمصطلح خطأ هي المياه الضحلة أي استشاري شغال يعرف أرقامهم ويتفق بكل سهولة أو يسهل لك الاتفاق وحتى هو يطلب كم حفرة مخبرية يحتاج ولأي عمق لأن على أساسها يسعر لك المختبر .. ولو تبي قوة التربة يحددها لك حسب كل عمقاقتباس:
المشاركة الأصلية كتبت بواسطة ابراهيم 2012
والشيء الأهم لا تامن للمياه الضحلة الجوفية هذي ترتفع وتنزل حسب عوامل كثيرة ومب ثابتة .. أحد الإخوان بنى عمارة وهو دوم يوثق في نفسه وهو المقاول والمهندس والمالك .. يقول يوم حفر ما طلع ماي ألحين البيسمنت يطلع منه ماي بغزارة وهذي الأيام
ثاني قال بيبني في معيذر قرب نادي معيذر وكنت دوم امر هناك في طريقي للسيلية أيام الشغل .. قلت له أرضك على حزم وما منها خوف لو سويت بيسمنت .. المشكلة باني ست فلل كبار مقسمة لشقق واعتقد 4 طلع في البيسمنت ماي بعد ما خلص بنيان
أرض وراء أول سوق قرب تقاطع الغانم الجديد محفورة ومستوية بركة ماء أي حد يبي يمر يشوفها يقدر يشوف بعينه .. كانت النية بناء مول مكانها وسنين وهم يشفطون مياه كثيرة وتطلع غيرها .. الأرض في مدخل عين خالد والواحد بيطلع متجه شمال تكون على يمينه مسورة بحواجز حديد للبناء بس يبين من وراها الماي وحطيت لها صورة جوية قبل
القصد أي حد بيسوي بيسمنت لازم ياخذ احتياطه للمياه بما يسمى الفرنش درينيج والعزل الجيد حتى لو الأرض ناشفة .. ذكر لي أحد الإخوان إنه بعد الحفر يخف الضغط وترتفع المياه تلقائياً والظاهر كلامه صحيح
صادق .. أقلها معلومات محدثة ومنشورة يسترشد بها أي واحد .. لأن أرض قطر تقريباً وحدة .. بس الحفر أوقات يطلع لك فجوات أو تربة ضعيفة أو طينية والحفر يكون بمثل الدريل الدوار يوصل أعماق كبيرة بسرعة ويشيل عينات مخبرية .. المشكلة التكلفة للمعدات كبيرة والتقنيين اللي يشتغلون عليها ويسوون الحسابات رواتبهم عاليةاقتباس:
المشاركة الأصلية كتبت بواسطة ALJokar
معرفة قوة التربة أهم ونوعيتها .. إذا كانت مثلاً قوتها فوق 6 كيلونيوتن في المتر المربع نقدر نصمم أساساتنا على 5.5 وتكون كافية .. اللي يصير عندنا هم يفترضون 3 كرقم تصميمي ويحتدون يسوون القواعد ضعف المساحة وتستوي تكلفة القواعد الضعف .. أعتقد الجامعة عندها مختبر وناس خبرة في هذي الأُمور
لتصدق مهندسين البلدية ولا أشغال تصريحاتهم شيء ووقت الصج غيراقتباس:
المشاركة الأصلية كتبت بواسطة ابراهيم 2012
من 2009 كانوا يقولون فيه مشروع ضخم لتصريف المياه الضحلة مع مياه الأمطار والحفار يشتغل فيه على عمق من 15 متر ويزيد مع الطول لأن مسوين ميلان حتى يمشي الماي بالجاذبية ويوصل العمق لفوق 30 متر وهذا النفق عرضه ست أمتار من عين خالد مار بمناطق كثيرة ونازله فيه قنوات تصريف لين يوصل جنوبي مطار حمد الدولي ويصب هناك ومتوقعين يخلص 2013
صارت مشاكل مياه كثيرة للمنطقة في سنوات كثيرة بعد هذا التاريخ ولا شفنا شيء وما عندهم الا الدناكر
انا أذكر المشروع هذا لأن كنت انسق بخصوص ارض تابعة لجهة عملي والمشروع بيمر تحت طرفها وهم بس يعطونا خبر بهذا الخصوص
اتوقع صادقين هاي المره لان فيه ارض كبيررره خلف محطه بترول المناصير كانت مزرعه قبل الماي يبين قريب من سطح الأرض وراعيها اتوقع هو السبب ان المشروع تنفذ وقرب ينتهي