المحلات الي تسوي تان تنشر اعلانات كاذبه !

السلام عليكم

واحد من مشاهير السوشل ميديا القطريين مسوي اعلان حق محل تان ، المشكلة بالموضوع بان راعي المحل طلع وتكلم وقعد يكذب ويقول بان هذي الاجهزه مفيده وفيتامينات وعلاج ومن هالكلام !!

وكل الدراسات اثبتت بان هذي الاجهزه تسبب melanoma وهو اخطر نوع من سرطان الجلد ، والاشعة الي تطلع منها اقوى من اشعة الشمس ب١٢ ضعف !

وقبل كم سنه كنت في امريكا ورحت اسوي تان (للاسف) والعجيب بانهم حاطين لافته بالمحل وكاتبين بان استخدام هذي الاجهزه يرفع من نسبة اصابتك بالسرطان ( مثل الزقاير يعني ) يعني القانون عندهم يلزمهم بانهم يذكرون هذا الشي ! المصيبه ان عندنا القانون مخليهم على راحتهم وفوق هذا يكذبون على الناس !

وللاسف الشخص المشهور الي مسوي لهم الاعلان ماتهمه صحة الناس ؟ يعني ادفع لي وبمدح فيك لين باجر ؟!

والله فيه يهال اعمارهم ماوصلت ١٨ مايفهمون بهالسوالف ويصدقون الي يشوفونه ويمشون مع موضة التان ولا يدرون عن مخاطرها ، اتمنى وضع عقوبات صارمة واقتراح بان كل من يبغي يسوي تان لازم المحل يخليه يوقع على ورقه ويكون مكتوب فيها بان الشخص واعي بان هذي الاجهزه ممكن تكون سبب في اصابته بالسرطان .

يسبب سرطان الجلد ويضرب جهاز المناعه ،،

المفروض اي اعلان من هالنوع ما يسوونه الا بعد أخذ موافقة الجهات المختصة لأنه صحة وأرواح الناس مب لعبة

المعلن ماله ذنب ..
وزارة التجارة والاقتصاد وينهم !!!؟ اشلون يعطون تراخيص لمحلات مثل ذي !!؟
وين وزارة الصحة !!؟
اقل شي يكتبون ان هالاجهزة او المنتج ممكن انه يسبب سرطان للجلد .. حالة حال الزقاير ..

الفلوس عمت النفووووووس

معروف ان الاستخدام على المدى الطويل يسبب سرطان الجلد
المعلن ماله ذنب لكن كان بأمكانه رفض الاعلان لكن الفلوس عمت نفوسهم

والله ما أخطر من هالسرطان إلا هالمشاهير ، أغلبهم ماديين وكاذبين، تعاملت مع الكثير شغل تصاميم وفلاتر أغلبهم كذابين ونصابين .

فالتلفزيون زمان كانو يحطون اعلان سجاير موروبورو
هل الخطا من التلفزيون ؟؟ المعلن ماله ذنب دام المكان موجود والدوله مرخصه له فالموضوع عادي

الي يقولون بآن المعلن ماله ذنب ، تخيل معاي لو مثلاً اغلب الشعب ماسمع عن الزقاير من قبل وطلع هالمعلن وسوا لهم اعلان وطلع راعي شركة الزقاير فالاعلان وقعد يقول والله الزقاير تريح الاعصاب و و و وقعد يمدح ويمدح (والمعلن) داري بان الزقاير تسبب السرطان ومع هذا ماسك جواله ويصور راعي الشركة وهو يمدح فالمنتج ولا قال بانها تسبب السرطان !

وفوق هذا اغلب متابعينه مراهقين ونقدر نعتبرهم معجبين ويشوفونه على انه قدوه وواثقين فيه ، فهل بيصدقوني انا الي قاعد اقولهم بانه يسبب السرطان ولا بيصدقون " قدوتهم " والمقاطع الي نشرها ؟

الجهات المختصه تراقب و تخالف لكن دائما هناك طرق قانونيه لتسيير الاعلانات او مدح منتج

ما اعتقد ان صاحب المنتج ما عنده اوراق من المصنع تقول انه مفيد

الضرر بحسب الاستخدام. يعني مره بالسنه ممكن يكون مفيد مثلا
لكن كل يوم فهو خطأ العميل و المحل مش مسؤول انه يحسب كم مره جاه العميل و استخدم المنتج

مثل المشروبات الغازيه او مشروبات الطاقه

كلنا نسمع عن اضرارها لكنها مسموحه
سوء الاستخدام لا يقع على البائع

العميل لازم يعرف حدود الاستخدام

فقانونا البائع ماشي سليم

اخلاقيا و شرعيا. بيقول لك البائع او المعلن في السوشل ميديا. عندنا اوراق تثبت ان المنتج مفيد وانا مريح ضميري و اي حد يتهمهم بالغش او الضرر ممكن يلجأون عليه بالتعويض يعني القانون معاهم

حتى لو شكينا بنواياهم فأحنا مجبرين ان ما نتهمهم

الي بيدنا هو التوعيه او المطالبه بتقنين الدوله لاستخدام منتج و وضع لائحه توعويه بالمحلات عن ضرر سوء الاستخدام

عن سلبيات السوشل ميديا

نعم هناك سوء اعلان و حروب اعلانيه توصل ان المعلن اذا الغوا عقد الاعلان يرجع ينتقد المنتج الي مدحه

عيني عينك

كمعلومه

كل ما زادت خبره الشخص المشهور في السوشل. صارت عنده طرق متطوره في جذب المتابعين و طرق الاعلان

حتى بدخوله امور مجتمعيه يطرحها او يسوي صجه اعلاميه تجذب المنتفق و المعارض و يشتهر اكثر

ما يهم مبادئ المجتمع او تحفظاته او قبوله و رفضه. المهم انشهار اسمه و زياده متابعيه لتنهل عليه الاعلانات و يزيد الدخل

لو نعرف كم يربح بنفهم ليش يسوي امور حتى لو ضد المجتمع او لا تنفعه

البعض مش الكل

بوعبدالله ، انت تقول بان الاستخدام المتكرر والزايد عن حده هو الي يسبب السرطان حاله حال المشروبات الغازيه ومشروبات الطاقة

وهذا دليل من الاكاديمية الامريكية للامراض الجلدية بان استخدامه مره وحده يرفع نسبة السرطان بشكل كبير :

Just one indoor tanning session can increase the risk of developing skin cancer (melanoma by 20%, squamous cell carcinoma by 67%, and basal cell carcinoma by 29%)

The evidence that indoor tanning dramatically increases your risk of getting skin cancer is so strong that the U.S. Food and Drug Administration (FDA) requires warning labels on all indoor tanning equipment.


الرابط :
https://www.aad.org/public/spot-skin...indoor-tanning

صباح الخير

اخوي انا حطيت مثال فقط ولا ادري اذا مفيد او مضر ولا اعرف الكثير عن هالاجهزه

قصدت ان اذا رخصلمحل او جهاز فلابد ان له اوراق تقول انه سليم و غير مضر

اذا انت متأكد ان من اول مره استخدام بيضر فالافضل ان تبلغ وزاره الصحه بشكوى او اقتراح لبحث موضوع الجهاز

اذ ثبت انه مضر بيمنعونه و لا يدخل الدوله اصلا

طبعا لازم توصيه هيئه الدواء الامريكيه تحدد الجهاز نفسه مش توصيع عامه فقط

لاحظ ان الخبر يقول. ممكن يرفع فرصه الاصابه. ما قال هذا المنتج بالذات

كلامي مش رأيي شخصي انا اذكر الطريقه القانونيه في التصرف اذا حد حب يبلغ او يشتكي ضد منتج

ولا انصح ينذكر المحل او الجهاز اذا له وكيل بقطر

دام ترخص فهو بالسليم قانونا

فقط اثبات انه خطر من مصدر معتمد ممكن يتوقف و يمنع. مثبت بالاسم مش كلام مرسل او عام عن ضرر التان

اتمنى وضحت الصوره اخوي

فتحت رابط الهيئه و كلامهم مرسل عن عموم اجهزه التان

التوصيه كانت بوضع ملصق يحذر من المخاطر فقط مش منع الاجهزه

و انا مع تعميم اللاصق التحذيري بكل الاجهزه بقطر

استغرب من اللي يقول المعلن ما له ذنب...... المعلن طالما انه بشر و عنده عقل يفكر لازم يستفسر عن المنتج او يسوي بحث بسيط و يعرف وضعه لانه المعلن و خاصة لو كان مشهور فصاحب المحل او المنتج استخدم هذا المعلن لحب الناس له و ثقتهم فيه و هو ببساطه خان هذه الثقه و غرر بالناس و مدح شي كذب هو نفسه يمكن ما يقبل يستعمله ابدا

(لا يؤمن احدكم حتى يحب لاخيه ما يحبه لنفسه)..... لو الناس طبقت هالحديث النبوي الشريف بس بنكون بألف خير

أيضا لو المعلن كان تليفزيون الدوله فنفس الشي....اما لو فضائيه فواضح انه الموضوع مادي بحت

أيضا المعلن لو كان شركة اتصالات ما لازم نعفيه من مسؤوليته انه سمح بنشر إعلانات كذابه و مضللة و يمكن تؤدي لسرقة و احتيال....هل شركة الاتصالات فاتحة الخدمة وما تقدر تحميها؟؟!! .... يعني الفيس بوك مثلا و بسببه تم نشر الاباطيل و الكذب و القذارات و الدعوه للفتنه و الفساد و استخدم للنصب و الاحتيال مب من الأولى اغلاقه لانه احد منافذ الفساد او وضع ضوابط عليه مثلا

لهالسبب هذا المنتدى عليه قائمين رائعين يرفضون نشر الرذيله و الفساد و الاخبار الكاذبه من خلاله

اما لو المعلن عباره عن اله طابعه فما عليه ذنب..... حتى الكمبيوتر اللي هو مب بشر لو وضعنا فيه ضوابط معينه للتحقق من أي معلن قبل الإعلان عنه فراح يبحث في كلمات مفتاحية معينه تشير الى خطر المنتج و ساعتها راح يقول لا يمكن عمل اعلان لهذا المنتج

المعلن المشهور او ذو ثقه مثل فكرت انه يمدح بشي و يقول انا استخدمه و انصح فيه و استعملوه و فادني بكذا و كذا و هو أصلا كذاب ولا عمره استعمله و الناس صدقت

في فنانات مشهورات بجمالهم و جمال شعرهم و سووا دعايات لشامبو معين انهم يستخدمونه .... وحده منهم سوت دعاية لشامبو معين تقول انا ما استعمل غيره و بعد فترة شوفت لقاء لها صدفة بالجريدة يسألونها عن سر جمال شعرها تقول انا لازم اغير الشامبو كل ست شهور هههههه....مب هذا دليل على انها أصلا كذابه

اقتباس:

---

المشاركة الأصلية كتبت بواسطة khaldoon

استغرب من اللي يقول المعلن ما له ذنب...... المعلن طالما انه بشر و عنده عقل يفكر لازم يستفسر عن المنتج او يسوي بحث بسيط و يعرف وضعه لانه المعلن و خاصة لو كان مشهور فصاحب المحل او المنتج استخدم هذا المعلن لحب الناس له و ثقتهم فيه و هو ببساطه خان هذه الثقه و غرر بالناس و مدح شي كذب هو نفسه يمكن ما يقبل يستعمله ابدا

(لا يؤمن احدكم حتى يحب لاخيه ما يحبه لنفسه)..... لو الناس طبقت هالحديث النبوي الشريف بس بنكون بألف خير

أيضا لو المعلن كان تليفزيون الدوله فنفس الشي....اما لو فضائيه فواضح انه الموضوع مادي بحت

أيضا المعلن لو كان شركة اتصالات ما لازم نعفيه من مسؤوليته انه سمح بنشر إعلانات كذابه و مضللة و يمكن تؤدي لسرقة و احتيال....هل شركة الاتصالات فاتحة الخدمة وما تقدر تحميها؟؟!! .... يعني الفيس بوك مثلا و بسببه تم نشر الاباطيل و الكذب و القذارات و الدعوه للفتنه و الفساد و استخدم للنصب و الاحتيال مب من الأولى اغلاقه لانه احد منافذ الفساد او وضع ضوابط عليه مثلا

لهالسبب هذا المنتدى عليه قائمين رائعين يرفضون نشر الرذيله و الفساد و الاخبار الكاذبه من خلاله

اما لو المعلن عباره عن اله طابعه فما عليه ذنب..... حتى الكمبيوتر اللي هو مب بشر لو وضعنا فيه ضوابط معينه للتحقق من أي معلن قبل الإعلان عنه فراح يبحث في كلمات مفتاحية معينه تشير الى خطر المنتج و ساعتها راح يقول لا يمكن عمل اعلان لهذا المنتج

المعلن المشهور او ذو ثقه مثل فكرت انه يمدح بشي و يقول انا استخدمه و انصح فيه و استعملوه و فادني بكذا و كذا و هو أصلا كذاب ولا عمره استعمله و الناس صدقت

في فنانات مشهورات بجمالهم و جمال شعرهم و سووا دعايات لشامبو معين انهم يستخدمونه .... وحده منهم سوت دعاية لشامبو معين تقول انا ما استعمل غيره و بعد فترة شوفت لقاء لها صدفة بالجريدة يسألونها عن سر جمال شعرها تقول انا لازم اغير الشامبو كل ست شهور هههههه....مب هذا دليل على انها أصلا كذابه

---

:thumbup1:

اخوي بوعبدالله ، انا ما اطالب بمنع المنتج لان فيه الف منتج بالسوق يسبب لنا الضرر ، الي اطالب فيه بان يكون حاله كحال الزقاير يعني على كل باكيت تحصلهم كاتبين " بانها تسبب السرطان " وايضاً اطالب بمنع الاعلانات الكاذبه الي ماتظهر لك الحقيقه كاملة عن المنتج وبس تعطيك الجانب المُشرق (ومحاسبة الي انشروا هذا الاعلان الكاذب) ، وهذا على فكره من الممكن اعتباره نوع من انواع ال"غش التجاري"

وبخصوص اختلاف اجهزة التان ، ابشرك كلهم يستخدمون نفس الطريقه الي هي اشعة uva و uvb . واختلاف الاجهزة يكون فالامور الجانبية ولكن نوع الاشعة مثل ماهو (يمكن بعد ظ،ظ*ظ*ظ* سنه يكتشفون طريقة جديده ولكن حاليا هذي الطريقة الوحيده الموجوده)

وبخصوص مخاطبة الجهات المعنية ، ابشرك انا غاسل يدي منهم (سالفة طويله)

ويعطيك العافيه .

التان وضع لصحاب البشره البيضا بمعنى الاروبين
بس اللي بشرتهم عاديه ما يصلح له تان نهائيأ
يس العرب يحبون يقلدون ولو حتى الشي غير مناسب لهم او لبشرتهم

ونصيحه مشاهير السوشيل مديا اهل الاعلانات كذبون 100% يسوي اعلان ل 100 مطعم ويمدح فيهم تروح تنصدم
اي مواد علاجيه لا توافق عليها الصحه مضره الله عطاكم عقول وعندكم وزاره صحه تهتم بكم والعلاج المناسب تروح تستخدم اشياء لا تعرف مدى ضرراها وياما ناس كثير تضررو

تان :nop:


تانا منا وفينا طبيعي مايحتاج :eek2:




مش مستغرب ان هالمنتج موجود
بس مستغرب انه فيه ناس مقبلين عليه

استغرب من الي يروح ويدفع فلوس عشان بشرته تتغير

ياخي ما راح يكلف الموضوع غير كرسي فوق السطح وغرشتين ماي تبرد فيهم على نفسك إذا مالك خاطر تروح البحر او تروح برجه

وفيتامين d مجاني وفي مواد طبيعية تنحط على البشره زيوت معاها وبعد ما تخلص من التان رش على نفسك ماي ودهن عمرك بكريم لانه بشرتك بعد التان بتكون جافه ..

وبس
والسلام عليكم ورحمة الله وبركاته ،،

اقتباس:

---

المشاركة الأصلية كتبت بواسطة السكين

والله ما أخطر من هالسرطان إلا هالمشاهير ، أغلبهم ماديين وكاذبين، تعاملت مع الكثير شغل تصاميم وفلاتر أغلبهم كذابين ونصابين .

---

والله صادق

شلون المعلن ما يتحمل مسؤلية الإعلان ؟! أي شي تسويه وتظهره على الملاء أنت تتحمل جزء من المسؤليه
من كذا كثير مقاطع مرات يسونها أصحابها ويكتبون تحذير لا تتطبق هذا العمل بالبيت أو لوحدك بدون تدريب أو مختص يكتبها كإبراء ذمه من الموضوع لو أحد قلده و صار عليه شي.
هذا يعني المعلن مسؤل عن الأمور الي يعلن لها
لكن المعلن للجهاز ما يتحمل مسؤلية وجود مثل هالمراكز والأجهزه
هذي مسؤلية الجهات المختصة إن كان بوزارة البيئة أو بوزارة الصحة أو أي جهة رسميه كيف تسمح بدخول مثل هالأجهزه
طبعا ما أظن بالأساس ممنوع أو يهمهم إنه يمنع لأن السيجار مثلا.. أكثر خطوره و أكثر استخدام و سهولة وصول له كبار وصغار من الجنسين ..مقارنه بالعدد الي بيستخدم جهاز التان ومع ذالك يباع مع الاكتفاء بوضع التحذيرات و إنه المسبب الرئيسي لسرطان الرئة.

شفت مره برنامج عن معاناة سنغافورة مع العلك ويوم حاولت منع العلك.. تخيل علك!
هي تقول يضر الفك ويكلف الدولة بتنظيف الشوارع و لأسباب أخرى لكن المنظمات الدولية ناسيه بصراحه اي الجهات بالضبط ممكن الغذاء والدواء ممكن غيرها نشبوا لهم ليين وقعت مع أمريكا تبيع علك بالصيدليات!
فأتوقع منع مثل هالأمور مش بالسهولة الي نتخيلها

يبقى الدور الكبير على الوالدين والأسرة و الله الحافظ