السلام عليكم ورحمة الله وبركاته
لفت إنتباهي وقوف الكثير من السيارات بمنتصف الطريق بالفرجان والشوارع الداخلية خاصة بمناطق مشيرب والمنصورة ونجمة وغيرها من بعض المناطق المكتظة بالسكان
مما يعيق حركة السير وخلق زحام وعرقلة السيرخاصة بوجود تحويلات الشوارع و اللي أعرفه المفروض العمارات السكنية فيها بيسمنت أو مواقف خاصة بكل شقة بس لما يكون كل شقة فيها أكثر من سيارة
ويوقفون بهالطريقة المخالفة للقانون ويتسببون بالزحام والاختناقات ونتمنى من إدارة المرور اتخاذ الاجراءات القانونية بحق هالفئة المخالفة .
بسبب انه كل بيت فيه اكثر من سيارة و المناطق السكنية مكتظه بالشقق و الفلل و السكان فاللي صاير انك تقدر توقف سيارتك ع الرصيف اللي هو للمشاة و ساعتها يمشون بالشارع لانه ما في مكان ع الرصيف.... انا كنت اشوف سيارات تصف صف ثاني بالشارع يعني تحصلها في منتصف الطريق و لا هي متخالفه .... يعني في تساهل كثير بالاماكن السكنية خاصة و ما تقدر تسوي هالشي في الأماكن العامة الأخرى خصوصا الاسواق و المولات
وعليكم السلام ورحمة الله وبركاته
الحل طال عمرك بإعادة تخطيط المناطق المذكورة وتوسعة شوارعها.
اللي موقف غلط صور سيارته ورقمه وطرشه على مطراش 2 وهذا أسهل وأسرع اجراء
انا اشوف استهتار في الوقوف وأوقات الموقف لسيارة بالطول يجي يوقف بزاوية ويخلي نص سيارته اللي ما تهمه وايد في الشارع .. وأوقات تخطيط الشارع غلط وكله أرصفة كبار للمشاة من كثرهم وللسيارات مواقف محدودة كلش .. لو كملوا الشارع من طوفة لطوفة وخططوا مكان الوقوف كان أسهل لهم وأكثر مواقف واللي يمشي لو يبون ينطمون له ممر خاص به ممكن وللسياكل حتى
فعلا صارت السيارات على الرصيف وبنص الشارع والمشاة بالشارع شوي ويطيروناقتباس:
المشاركة الأصلية كتبت بواسطة khaldoon
اعادة تخطيط معاك بس لازم يحترمون قانون المرور بعدم خلق ازمات مروريةاقتباس:
المشاركة الأصلية كتبت بواسطة khalid Qtr
يبيلهم بس بصير مشهور عند مطراش ......... وكلامك سليم اخوي معماري فالبعض يوقف سيارته ونصها بالشارع كانه مافي غيره بالشارع ويضيق الشوارع اكثر مما هي ضيقةاقتباس:
المشاركة الأصلية كتبت بواسطة معماري قطري
واحد من ربع المنتدى عجبني في يوم مصور كم سيارةاقتباس:
المشاركة الأصلية كتبت بواسطة @north_star@
للاسف اللي اشوفه الان تضييق الشوارع بعكس السابق حتى اللفات باقي شوي ويسونها على مقاس السيارةاقتباس:
المشاركة الأصلية كتبت بواسطة khalid Qtr
وين تبونهم يوقفون ؟
مخالفة الناس مش حل للمشكله المشكله في ان كل واحد مسوي عمارة ولا فكر يسوي مواقف وتظطر الى الوقوف على الرصيف الي هو حق للمشاه
تم الإرسال من SM-N950F باستخدام Tapatalk
حيالله اخوي رحال ،،،، وبالنسبة لوين يوقفون فهذا سؤال نوجهه لوزارة التخطيط بإعادة النظر لتخطيط وتنظيم مثل تلك المناطق المزدحمةاقتباس:
المشاركة الأصلية كتبت بواسطة R 7 A L
حاليا من اشتراطات بناء العمارات السكنية والخدمية توفير مواقف كافية للسيارات بس المشكلة وجود عدد مضاعف من سيارات السكان ومخالفتهم بالوقوف بالشارع تقلل من مشكلة الاختناقات المرورية بتلك المناطقاقتباس:
المشاركة الأصلية كتبت بواسطة ماجد البدر
في غالبية مدن اوروبا فيه مواقف جانبية قليلة في الطرق الضيقة وهذي بغالي ولفترة مؤقتة بعض المدن كل نص ساعة تحط مبلغ ما تلحق تخلص مشوار .. سووا حل بحيث يبنون مجمع مواقف متعددة أدوار وفي الغالب خاص وبسعر ارخص لفترات أطول .. هذي مشاريع مربحة وحتى شركات التأجير تستأجر كم دور بالكامل وتدار بجهاز خاص للدفع قبل الخروج وكاميرات وأحياناً يتواجد شخص واحد يحاسب اللي بيطلعاقتباس:
المشاركة الأصلية كتبت بواسطة @north_star@
البنايات الحديثة الزامي يوفرون مواقف كافية تحت الأرض أو جانبها
بعد الجهات التخطيطية والمرخصة للسيارات تعطي عائلات الأجانب الحرية في شراء اي عدد من السيارات والمفروض يشترطون وجود مواقف عندهماقتباس:
المشاركة الأصلية كتبت بواسطة @north_star@
تكفون مروا العزيزيه وشوفوا العالم وين توقف في نص الشارع بالليل بين البيوت
مساء الخيراقتباس:
المشاركة الأصلية كتبت بواسطة معماري قطري
استخدام مطراش يحتاج توعيه
محد يعرف ان اذا نقصت معلومه واحده ما تسجل المخالفه
الوقت
التاريخ
اسم الشارع
رقم المنطقه
نوع المخالفه
اذا موقف بجانب الطريق غير الي موقف بجانب الطريق و مغلق مواقف السيارات
هذه مخالفتين و سحب سياره لمده اسبوع و ثلاث نقاط مروريه. لاغلاق مدخل المواقف و منع خروجها حتى المواقف الي بالشارع
لكن ان ارسلت اسم مخالفه تعطيل حركه السير فقط تسجل مخالفه واحده
اغلب المخالفين ما يبون يمشون كم متر
يعني يوقف اسيوي بشارع صغير و يعطل السير عشان ياخذ كرك من مطعم هندي و تقول له حرك يقول انطر الشاي
و تحصل ست سيارات واقفه بسببه بس صور تشوفه يصيح
مع ان عشرين متر او ثلاثين في مكان يوقف فيه لكن ما يبي يتعب رجله
حتى لو مئه متر. امش شوي ولا تخالف
مشكلتنا التنظيم
تعطي موافقه لسوبر ماركت و تاخذ الفين ريال رسوم مروريه كل سنه وانت ما وفرت جدام المحل مواقف
بالمقابل ما منعت محلات تحط حواجز جدام ابوابها مع انها غير موافق عليها مروريا
في فندق في راس بوعبود حاط سلاسل جدام مواقف العماره حق الزبائن و الشارع مزدحم حده لما سألتهم عندكم موافقه من المرور قالوا لا
قلت شلوا سلسله بوقف ولا بتصل بالمرور و تتخالفون
كل مره اوقف في مواقفهم و كل السيارات تخالف و توقف ع جانب الشارع الضيق اصلا
وين التنظيم
غير هذا
مواقف كل موقف ثلاثه متر ليش قلل المسافه و زيد عدد المواقف
بعض الشوارع تستحمل وقوف السيارات بشكل 45 درجه سو المواقف مائله و زيد عددها
غير هذا
بعض الارصفه مساحتها كبيره بشكل مبالغ فيه و ممكن تتحول لمواقف حتى لو كم موقف بعد مفيد
الاهم من هذا كله
بعض الجهات الرسميه تحط حواجز بلاستيك غير موافق عليها مروريا و صار اني حكيت وحده من شده قربها من الشارع و طلع لي سكيورتي من هالجهه و يصارخ بعد
بس نزلت وكنت لابس رياضه و لمسني ان ليش نازل
المهم فنشوه و اعترفوا بعدم قانونيه الحواجز لكن خلوها وما شالوها
ثقافه المرور معدومه للافراد و بعض الجهات وهذا في نظري مسؤوليه المرور في توعيه المجتمع
وين مسؤولي العلاقات العامه و تواصل المرور مع الجهات و دليل تعريفي عن التبليغ و احترام المرور و معلومات حجز المواقف و استخدام الحواجز المتحركه الي هي اصلا ممنوعه
لابد من تنظيم هالامور ولا شلون نوصل لاستراتيجيه مروريه نافعه
معلومه مهمه الكللازم يعرفها
لا تعطى موافقه لحجز موقف الا لسياره واحده
يعني ما يصير محل يحط سلسله اوذا شفتها اسأل اذا في وافقه مروريه
اغلب الحواجز الي تشوفونها غير مرخصه حتى في بعض الجهات
استخدام حواجز متحركه ممنوع واذا صدمت اي حاجز متحرك حتى لو بجهه رسميه لك حق تطالب بتصليح الاضرار و توثق الحادثه بأتصالك بالمرور عشان ما يشيلونها و ينكرون وضعها
الي يذكر في تعليقي بموضوع اخر ان كثير من الامور غير قانونيه ولو المجتمع عرف عنها كثير من الجهات بتتعب مع الجمهور
منها هذه النقطه وهي حجز المواقف للموظفين بغير موافقه المرور لازم كل موقف لسياره و رقم واحد واذا وقف موظف ثاني فيها تعتبر مخالفه للموافقه
و الحواجز المتحركه ايضا غير مرخصه و ممكن تتسبب في حادث او ضرر مادي للسيارات
و غير هالامور بعد في نقاط لكن ما بذكرها :)
تجاره المواقف جايه بالطريق. مسأله وقتاقتباس:
المشاركة الأصلية كتبت بواسطة معماري قطري
كل سنه تنزل مئه الف سياره جديده للشوارع و الضغط يزيد
بنوصل لمرحله ان الملاك يحولون اراضيهم او عقاراتهم الى مواقف متعدده الادوار و بتنحجز كامل من جهات مثل البنوك و الجهات الرسميه بحسب موقع المواقف و قربها من الجهات
اعرف شركه استأجرت مواقف محدده في مبنى بالنجمه عنده مواقف كثيره بمبلغ شهري و اصحاب المبنى فتحوا على الفكره و اجروا مواقف على جهه ثانيه بعد
نتكلم عن ايجار بضعه مواقف يوصل 30 الف شهريا لكل جهه يناهز مدخول عماره ست او ثمان شقق
الله يعطيك الف عافيه.... ردي بالاحمراقتباس:
المشاركة الأصلية كتبت بواسطة ابو عبدالله.
مرحبا
نعم لازم يحط الموافقه او رقمها بمكان واضح و الموقف ما يعطى من المرور الا لسياره واحده فما يقدر يحجز موقف للزبائن. فقط لسيارته هو
التوعيه المروريه انا ذكرت نواقصها في تعليقي السابق
معظم الجهات لا تعي و لا تتواصل مع المرور بطريقه سليمه لمعرفه حدودها في حجز المواقف او وضع حواجز
لا يوجد دليل استرشادي صادر من المرور بأحكام هذه الامور للجهات
بعض الجهات تعلم انها مخالفه مثل الي دخلت عليهم و قرروا تفنيش الحارس لاني قلت لهم ببلغ المرور عن اعطاب صدام سيارتي بحواجزكم الغير مرخصه و صراخ الحارس علي بأني ما احترمت حواجزهم و حكيت سيارتي بها
اعتقد ان تنظيم هالامور لازم ينحط بأستراتيجيه المرور ومنها التوعيه باحترام القانون
ما نحتاج ننتظر قضيه ضد جهه عشان تنفتح سالفه مخالفات الجهات و المحلات للمرور عشان نبدأ تنظيمها و توعيه بها
شي رائع انك تسجل مخالفه على سيارة اخرى ،، ونتمنى من المرور ان يزيد مخالفة المرور الى ثلاثة اضعاف على الي يشتغلون بالشرطه والمرور في حالة مخالفتهم للقوانين المرورية،!!اقتباس:
المشاركة الأصلية كتبت بواسطة ابو عبدالله.
يا ليت تشدد العقوبه
لانهم مطبقي النظام
انا لو مسؤول بحط قرار بتحويل اسم اي مخالف يعمل بجهه من هالجهات و نصكه انذار
اطلاعهم ع القوانين و تطبيقها ينفي الجهاله بها
و كونهم مثال يحتذى به فنحتاجهم مثال جيد مش مثال سيء