جسر غير ثابت ( فيه إهتزاز )

السلام عليكم ..

أنا بدايةً لا مهندس ولا عندي إلمام بالأمور الهندسية وأمور تخطيط الشوارع وتصميمها ..ونترك التعليق للمختصين وذوي الخبرة أمثال مهندسنا معماري قطري...

يوجد جسر جديد عليه إشارة ضوئية وكل ما أوقف عليه السيارة تهتز بقوة .. وكل مرة كنت أقول من السيارة يمكن رغم غرابة الموضوع والسيارة واقفة .. حتى تذكرت كلمة قالها لي صديق مهندس من أشهر أنه فيه جسر يهتز وغير ثابت ويومها حتى ما ركزت معه ولا دققت بموقعه أو تفاصيل الموضوع حسيت الموضوع غير منطقي ..

مكان الجسر .. وانت متجه صوب الشمال وبعد ما تعدّي إيكيا ..تاخذ الشارع الداخلي وهو شبه حلزوني متجه لاشارات جسر أم صلال الأولى .. تاخذ الاشارة يسار وانت نازل على جسر ماكدونالد باتجاه دوار أم صلال ، بتقابلك اشارة قبل الدوار..بيكون تحت ماكدونالدز وحلويات العكر على يمينك وسوق برزان وصدى صوت ووكالة المناعي على يسارك.. لو وقفت على الإشارة بتلاحظ هالشي ..

يمكن أكون مخطيء .. بس الموضوع محتاج تفسير ..

والله ياخوي ماظن بعض الناس اذا كان في اماكان مرتفعه يحس بالدنيا تلف من حوله يتخيل له امور غربيه بمعنى اخر فوبيه من الارتفاعات خاصه تقول واقف عند الاشاره
مستحيل جسر يتحرك

كلامك صحيح ،، هذا الجسر من الحديد وليس صبيه مثل جسور أخرى ، طبيعي تحس بالاهتزازات ،،،

الشيخ أنا ساكن في أم صلال محمد واستخدم هذا الجسر بشكل يومي وفعلا الاهتزاز موجود لما تكون السيارة واقفة عند الاشارة.

اقتباس:

---

المشاركة الأصلية كتبت بواسطة jajassim

كلامك صحيح ،، هذا الجسر من الحديد وليس صبيه مثل جسور أخرى ، طبيعي تحس بالاهتزازات ،،،

---

هذا السبب والحديد فيه شوي مرونة ويسوونه بوصلات تمتص شوي الحركة والوزن والضغوط الجانبية .. صج الحديد صلب بس تستوي فيه حتى استطالة بمقدار بسيط لكن مقارنة مع الخرسانة المقدار أكبر بكثير

الجسور المعلقة بكيابل كلها فيها مقدار اهتزاز .. بس لو زاد الاهتزاز عن حده يتسبب في سقوط مثل ما صار في جسر تاكوما

https://www.youtube.com/watch?v=Bwqy40l64lM

اقتباس:

---

المشاركة الأصلية كتبت بواسطة Rider

والله ياخوي ماظن بعض الناس اذا كان في اماكان مرتفعه يحس بالدنيا تلف من حوله يتخيل له امور غربيه بمعنى اخر فوبيه من الارتفاعات خاصه تقول واقف عند الاشاره
مستحيل جسر يتحرك

---

لا يا خوي ما عندي فوبيا من المرتفعات ترى جسر مب قمة ايفرست .. أنا متأكد مما تكلمت عنه بس ايش السبب أو الخلل وين الله أعلم .

اقتباس:

---

المشاركة الأصلية كتبت بواسطة jajassim

كلامك صحيح ،، هذا الجسر من الحديد وليس صبيه مثل جسور أخرى ، طبيعي تحس بالاهتزازات ،،،

---

بس هل الموضوع طبيعي ؟ الله أعلم.

طيب فيه خطر ولا عادي !!؟

اقتباس:

---

المشاركة الأصلية كتبت بواسطة بوطلحة

الشيخ أنا ساكن في أم صلال محمد واستخدم هذا الجسر بشكل يومي وفعلا الاهتزاز موجود لما تكون السيارة واقفة عند الاشارة.

---

وشهد شاهد من أهلها .. حياك الله أخوي

اقتباس:

---

المشاركة الأصلية كتبت بواسطة معماري قطري

هذا السبب والحديد فيه شوي مرونة ويسوونه بوصلات تمتص شوي الحركة والوزن والضغوط الجانبية .. صج الحديد صلب بس تستوي فيه حتى استطالة بمقدار بسيط لكن مقارنة مع الخرسانة المقدار أكبر بكثير

الجسور المعلقة بكيابل كلها فيها مقدار اهتزاز .. بس لو زاد الاهتزاز عن حده يتسبب في سقوط مثل ما صار في جسر تاكوما

https://www.youtube.com/watch?v=Bwqy40l64lM

---

نشكرك على التوضيح مهندسنا ..

اتصل على اشغال

اقتباس:

---

المشاركة الأصلية كتبت بواسطة اللوز

اتصل على اشغال

---

حبيت أتأكد من صحة المعلومة أولاً

اقتباس:

---

المشاركة الأصلية كتبت بواسطة السكين

لا يا خوي ما عندي فوبيا من المرتفعات ترى جسر مب قمة ايفرست .. أنا متأكد مما تكلمت عنه بس ايش السبب أو الخلل وين الله أعلم .

---

اسف اخوي اعتذر منك توني اعرف انه الجسر حديد مب صبيه

اقتباس:

---

المشاركة الأصلية كتبت بواسطة السكين

حبيت أتأكد من صحة المعلومة أولاً

---

لا تهتم أكيد صحيحة وما له حل لأنه مصمم كذا

يمكن بعضنا لاحظ صوت التواير تضرب فاصل تمدد في كل الجسور الخرسانية .. هذي وصلات تدخل في بعض وتسمح بالتمدد والانكماش بحدود معينة حسب تغيرات درجة الحرارة

اقتباس:

---

المشاركة الأصلية كتبت بواسطة معماري قطري

لا تهتم أكيد صحيحة وما له حل لأنه مصمم كذا

يمكن بعضنا لاحظ صوت التواير تضرب فاصل تمدد في كل الجسور الخرسانية .. هذي وصلات تدخل في بعض وتسمح بالتمدد والانكماش بحدود معينة حسب تغيرات درجة الحرارة

---

ًصراحة أول مرة أعرف وكنت متوقع محد بيصدق .. أشكرك مرة ثانية.

اقتباس:

---

المشاركة الأصلية كتبت بواسطة Rider

اسف اخوي اعتذر منك توني اعرف انه الجسر حديد مب صبيه

---

حياك الله أخوي مافي داعي

اقتباس:

---

المشاركة الأصلية كتبت بواسطة السكين

ًصراحة أول مرة أعرف وكنت متوقع محد بيصدق .. أشكرك مرة ثانية.

---

الجسور أنواع كثيرة منها الطافية على البحر وهذي اقتصادية وارخص وأسرع بس تعتمد على التكنولوجيا في تصنيعها وتهتز مع الموج ومنها المعلقة مثل اللي بيسوونها على طريق سلوى وهذي أخطرها وأكثرها انهياراً لأسباب عديدة من ضمنها خطأ التصميم .. أكبر عدو للجسور الزلازل وثاني أكبر عدو الحريق والثالث الرياح والأمطار

جسر ام صلال محمد ( صبية ) خرسانة وليس حديد

اقتباس:

---

المشاركة الأصلية كتبت بواسطة معماري قطري

الجسور أنواع كثيرة منها الطافية على البحر وهذي اقتصادية وارخص وأسرع بس تعتمد على التكنولوجيا في تصنيعها وتهتز مع الموج ومنها المعلقة مثل اللي بيسوونها على طريق سلوى وهذي أخطرها وأكثرها انهياراً لأسباب عديدة من ضمنها خطأ التصميم .. أكبر عدو للجسور الزلازل وثاني أكبر عدو الحريق والثالث الرياح والأمطار

---

طيب يوم إنها أخطر نوع و أكثر إنهيار ليش يسونها ؟!
يعني بعض الجسور العاديه صار فيها مشاكل وسكروها فتره مثل الجسر الي عند سوق العلي..فما بالك بالجسر الي وصفته بالخطر؟!!!
الله يستر والله

حتى جسر ام العمد

اقتباس:

---

المشاركة الأصلية كتبت بواسطة Dana’1

طيب يوم إنها أخطر نوع و أكثر إنهيار ليش يسونها ؟!
يعني بعض الجسور العاديه صار فيها مشاكل وسكروها فتره مثل الجسر الي عند سوق العلي..فما بالك بالجسر الي وصفته بالخطر؟!!!
الله يستر والله

---

مضطرين الله يسلمج .. طريق سلوى في نقطة التقاءه مع محور صباح الأحمد فيه وايد خدمات من ضمنها خزان صرف للمياه اللي تتجمع في النقطة النازلة بعد المطر .. ولازم يسوون أعمدة كبار قبل وبعد التقاطع ويعلقون الجسر مسافة طويلة بدون أعمدة .. وبإذن الله بيكون أجمل وبيدوم بدون مشاكل لأن المنطقة بعيدة عن الزلازل وما لها تاريخ بتيارات الهواء القوية جداً والأعاصير ومؤكد ماخذين احتياطات التصميم .. أكيد التكلفة أعلى في هذي الجزئية بس ما شاء الله اللي اشوفه شغل احترافي جيد بنفتخر به كلنا كقطريين وهذا اللي نتمناه لقطر من زمان

يمكن العيب الوحيد بيكون نقطة الدخول للمحور والخروج منه جهة طريق الوعب وليست جهة طريق سلوى كما يبدو من الشغل وممكن اكون غلطان

قصدي بدرجة الخطورة أكبر وما شفناه من انهيار جسر تايوان من ايام قليلة دليل بس جسر تايوان جسر طويل وكبير ومعمول أكيد بتصميم خفيف مراعي للجانب الاقتصادي أما هذا التقاطع وصلة قصيرة مقارنة بذاك الجسر الطويل والمرتفع فوق البحر

خذلان الجيران الضارين لنا ما نفعهم ولا ضرنا مثل ما كانوا يتوقعون وهذي هي قطر آمنة ومطمئنة وتبنى غصب عليهم بفضل رب العالمين ومجهودات أبناءها والعالم فيه بدائل كثيرة يشتريها المال وبارخص مما كان يأتينا من جهتهم

اقتباس:

---

المشاركة الأصلية كتبت بواسطة سعود.

جسر ام صلال محمد ( صبية ) خرسانة وليس حديد

---

أوقات يسوون الجسر قطع خرسانية تمر من خلالها كيابل حديد وكلها وصلات والاهتزاز شيء طبيعي .. كأن السيارات واقفة على حبل مشدود

لا عادي مر عليه كذا جسر في أوروبا يهتز شيء طبيعي في تصميم بعض الجسور وبشكل خاص في سويسرا

اقتباس:

---

المشاركة الأصلية كتبت بواسطة الحاقول

لا عادي مر عليه كذا جسر في أوروبا يهتز شيء طبيعي في تصميم بعض الجسور وبشكل خاص في سويسرا

---

صحيح في كل الدول ومدارس التصميم والبناء وحدة تقريباً

أذكر في حسابات الجسور الانشائية كنا نحط أصعب الإحتمالات كتكدس شاحنات ثقيلة فوق الجسر ووقوفها واهتزازها بفعل ما يسمى الوزن الحركي Dynamic Load وحتى البريك له قوة سحب ووزن تأثيره أُفقي مع تركيبات للوزن مثل تأثير رياح شديدة وهذي مؤثرة في الجسور المعلقة لكن الخرسانية تأثيرها أوقات نلغيه

كذلك لو المنطقة تنزل فيها ثلوج للثلوج وزن لا يستهان فيه خصوصاً لو تجمعت .. 2 متر مكعب من الثلج تعادل سيارة وزنها يفوق 1800 كجم .. يعني ثلج بارتفاع متر منتشر على الجسر كله لو وزن كبير جداً يفوق السيارات على الجسر حتى لو كانت متكدسة ولاصقة في بعض .. وفي الأخير أي تأثيرات زلزالية وهذي كذلك حسب النشاطات الزلزالية لكنها ضرورية لكل الجسور وشغلها بسيط جداً .. أي خرسانة راكبة على خرسانة قصدي عنصر خرساني على عنصر خرساني أوقات يحطون قطعة ربر تحت تسمح بشوية حركة جانبية وبشوية اهتزاز .. إضافة لذي يسوون ربط ميكانيكي يسمح بحركة معينة لكن لو زادت بفعل زلزال يمنع القطع من التحرك والسقوط .. هذي حتى للجسور الجاهزة والمواقف متعددة الأدوار ممكنة ولاحظتها يربطون بها أجزاء المواقف في أمريكا بعد حادثة سقوط لعارضات وارضيات مواقف تركيب

شي طبيعي كل الجسور الحديد يصير فيها كذا

اقتباس:

---

المشاركة الأصلية كتبت بواسطة السكين

بس هل الموضوع طبيعي ؟ الله أعلم.

---

نعم أخوي الموضوع طبيعي ، وإذا حضر الماء بطل التيمم . ( معماري قطري ).:secret:

اقتباس:

---

المشاركة الأصلية كتبت بواسطة jajassim

نعم أخوي الموضوع طبيعي ، وإذا حضر الماء بطل التيمم . ( معماري قطري ).:secret:

---

خلاص بنحطها بذمة معماري ههههههه

بصراحة أمس العصر كنت على نفس الجسر بس بالاتجاه الثاني والله الإهتزاز كان مب طبيعي بس طالما هذا نظامه الله يحفظ الجميع .

لا هنت يا معماري على المداخلات الطيبة ..زادك الله عطاء وتفاني وصحة

اقتباس:

---

المشاركة الأصلية كتبت بواسطة السكين

خلاص بنحطها بذمة معماري ههههههه

بصراحة أمس العصر كنت على نفس الجسر بس بالاتجاه الثاني والله الإهتزاز كان مب طبيعي بس طالما هذا نظامه الله يحفظ الجميع .

---

موافق وعارف ربعنا كل تصاميمهم مبالغ فيها

بس شوقتوني لهذا الجسر وشكلي باحاول اصيده

اقتباس:

---

المشاركة الأصلية كتبت بواسطة سالم الزهران

لا هنت يا معماري على المداخلات الطيبة ..زادك الله عطاء وتفاني وصحة

---

الله يجزاك خير اخوي سالم

تبي الصج أكثر شيء يخوف سوء التقديرات الهندسية لو تم التصميم على حسابات معينة لقوة الأرض والتربة وبعد فترة ارتفعت المياه الجوفية وتغيرت ظروف التربة وضعفت الأساسات هنا تكون المشكلة .. صار في بعض الدفان والحائط الاستنادي المرتفع مال شوي واستوت شقوق في الشارع فوق في بعض الجسور عندنا وهذي يمكن تحتاج تدعيم وحلولها سهلة .. والحفر اللي صارت من فترة بسيطة وتم اغلاق الجسر للصيانة وتمت صيانته بكميات خرسانة كبيرة والظاهر تدعيم للأساسات

أكيد الإخوان في أشغال وفي المقاولات اللي ياخذون هذي الأعمال يبذلون جهد كبير لتنفيذ المطلوب والله يعينهم

اقتباس:

---

المشاركة الأصلية كتبت بواسطة jajassim

نعم أخوي الموضوع طبيعي ، وإذا حضر الماء بطل التيمم . ( معماري قطري ).:secret:

---

البركة فيك اخوي جاسم وفي الجميع

اقتباس:

---

المشاركة الأصلية كتبت بواسطة معماري قطري

مضطرين الله يسلمج .. طريق سلوى في نقطة التقاءه مع محور صباح الأحمد فيه وايد خدمات من ضمنها خزان صرف للمياه اللي تتجمع في النقطة النازلة بعد المطر .. ولازم يسوون أعمدة كبار قبل وبعد التقاطع ويعلقون الجسر مسافة طويلة بدون أعمدة .. وبإذن الله بيكون أجمل وبيدوم بدون مشاكل لأن المنطقة بعيدة عن الزلازل وما لها تاريخ بتيارات الهواء القوية جداً والأعاصير ومؤكد ماخذين احتياطات التصميم .. أكيد التكلفة أعلى في هذي الجزئية بس ما شاء الله اللي اشوفه شغل احترافي جيد بنفتخر به كلنا كقطريين وهذا اللي نتمناه لقطر من زمان

يمكن العيب الوحيد بيكون نقطة الدخول للمحور والخروج منه جهة طريق الوعب وليست جهة طريق سلوى كما يبدو من الشغل وممكن اكون غلطان

قصدي بدرجة الخطورة أكبر وما شفناه من انهيار جسر تايوان من ايام قليلة دليل بس جسر تايوان جسر طويل وكبير ومعمول أكيد بتصميم خفيف مراعي للجانب الاقتصادي أما هذا التقاطع وصلة قصيرة مقارنة بذاك الجسر الطويل والمرتفع فوق البحر

---

الله يكتب الي فيه الخير و تتم هالمشاريع بكل يسر وسلاسة

اقتباس:

---

المشاركة الأصلية كتبت بواسطة معماري قطري

موافق وعارف ربعنا كل تصاميمهم مبالغ فيها

بس شوقتوني لهذا الجسر وشكلي باحاول اصيده

---

الاهتزاز أخوي معماري بالضبط كأن واحد يضغط على سقف السيارة بتكرار تحس السيارة قاعدة ترك لثواني وبعدين يوقف ويرجع مرة ثانية كأنها جيتي ( عارفك تحب سوالف السيارات اليابانية :ok: )

اقتباس:

---

المشاركة الأصلية كتبت بواسطة السكين

الاهتزاز أخوي معماري بالضبط كأن واحد يضغط على سقف السيارة بتكرار تحس السيارة قاعدة ترك لثواني وبعدين يوقف ويرجع مرة ثانية كأنها جيتي ( عارفك تحب سوالف السيارات اليابانية :ok: )

---

حلاتها لين ركت لحست القار

اختربت سيارات نيسان يوم جاهم كارلوس غصن اللبناني وغير سياراتهم الزد اكس والجي تي والا هالحركة كانت مسوية جو .. فهمت قصدك ومرت علي هالقصة في كم جسر وكم بلاد في قطر للحين وشأسبابها بالضبط ما اعرف لكن مثل ما ذكرت الجسر مكون من قطع بعضها هذي القطع تكون ثابتة مع بعض وبعضها لا .. لكن مستحيل جسر وبحجم كبير ما يكون مقسم وتكون فيه قابلية للاهتزاز والحركة .. نوعية الوصلات بين قطعة وقطعة دوم تكون أما صلبة أو مرنة وأكيد المرنة تسمح بشوية حركة والصلبة لا .. التصميم المرن اقتصادي أكثر ومدروس في الغالب لأوزان خفيفة وعادي تحصل جسر طويل في قسم بفواصل صلبة وقسم بفواصل مرنة

اقتباس:

---

المشاركة الأصلية كتبت بواسطة Dana’1

الله يكتب الي فيه الخير و تتم هالمشاريع بكل يسر وسلاسة

---

آمين

واضح المجهود الجبار من أشغال ومن المقاولين وجميع أجهزة الدولة

اليوم مريت شارع المرقاب وما شاء الله انجاز سريع فيه ومقارب يخلص والحلو كانوا يشتغلون الساعة 8 الليل