السلام عليكم
وين تنصحون بمحلات لبلاط الحمامات نفس مستوى كافود ونابينا
ومن وين اخذ بورسلان للبيت شي فاخر ومميز
عرض للطباعة
السلام عليكم
وين تنصحون بمحلات لبلاط الحمامات نفس مستوى كافود ونابينا
ومن وين اخذ بورسلان للبيت شي فاخر ومميز
عليكم السلام ورحمة الله وبركاته
المحلات كثرت وايد والله يعينك .. طريق سلوى يمين ويسار كل شوي محل وكل محل عنده شيء ما عند الباقيين
بعضهم الكبار تحصل عندهم صيدة عرض خاص شيء جيد ورخيص .. معليش فرصة اسوق لمحل ولد عمتي الغانم للسيراميك في سوق عين خالد عندهم اسباني وغيره وأكبر حجم 120 في 60 .. تدمر ونابينا وكثيرين غيرهم
ياهلا بوعبدالله
الغانم احتمال اخذ الاكسوارت من عنده*اسعارهم
معقوله
نصيحة مجرب ومفرفر السوق كامل وساكن من سنة
روح نابينا عندة كل شي
انصحك بالاسباني ونصيحه مجرب
تقريباً نابينا خذت منه اغلب الحمامات بس باقي الرئيسي والصاله
اغلب الي خذته اسباني من نابينا
البلاط موب مهم بالنسبة لي كثر اللي يركب البلاط لانك نشتري بلاط غالي والنهاية شغل التركيب أي كلام راح كل شي لامنظر ولافنش لاتسترخص بسعر التركيب نصيحة
صادقاقتباس:
المشاركة الأصلية كتبت بواسطة الكاسر007
مهم جدآ الدفان يكون ممتاز مرشوش بماي ومدكوك دك متوسط الشدة ونوعية مواد اللصق نوع قوي مش ابو 10 ريال الي دارج بين المبلطين حاليآ .
حاليا في مرحلة الحوائط
واللاصق اخذته من نابينا الكيس 20 كيلو بقيمة 35 ريال
لتحط دفان بيكون بيوت للنمل بإذن الله البيت الجديد حتى الحمامات بتكون سكريد بدون حبة رمل أو دفاناقتباس:
المشاركة الأصلية كتبت بواسطة سعود.
حتى الدور الاول !!!!اقتباس:
المشاركة الأصلية كتبت بواسطة معماري قطري
نعم .. انا حطيت في الحمامات بس وطلع فيها نمل شوي لكن اللي سوينا له قراوت جديد اختفى النمل .. بعضهم اعتمدنا الرش بالمبيد أما باقي البيت الحمد لله ما حصلوا مكان ينخشون فيه .. بعدين كم تكلفة السكريد؟اقتباس:
المشاركة الأصلية كتبت بواسطة سعود.
حق 400 متر بتحتاج ما يقارب ارتفاع 10 سم بالكثير يعني المتر المكعب يسوي لك 10 أمتار مربعة و 40 متر بيكفي للدور كله .. واحد من الإخوان معانا المقاول عطاه سعر غالي للدفان قلت له السكريد بيطلع لك ارخص وحسبها طلع صج يمكن نص القيمة اللي معطيه المقاول
حطيت في موضوع اليوتيوب عن الكويت يصبون خرسانة للحمام سكريد خرسانة خفيفة مع رغوة وسهلة لو يبي يكسر للصيانة هذا لو سوى صيانة بايبات التصريف في العادة لو معمولة صح تعيش طول العمر
انا بسوي نفس ماقلت معماري بس اخلص من الحمامات بصب البيت كامل بس بلغني الكهربائي لازم 15 سم ارتفاع الصبه بيكون للارضيات مع انه الحممات عندي في الدور الاول نازله
الكهربائي شدخله في مستوى ارتفاع الصبة أو التشطيب النهائي .. هذا شغل المبلط وشغل أساسي في التصميم حتى ينوزن الدرج مع الأرضيات كلها فما تحصل عتبة درج مبتدية مثلاً 10 سم وبعدها تنقز العتبة الثانية 16 وتستمر على هالحال .. ضروري موجود استشاري يرتب لك العمليةاقتباس:
المشاركة الأصلية كتبت بواسطة بـومحمد
الكهربائي دوم يبي له سعة أكبر حتى يقدر يمدد براحته لكن لازم تطلب من المبلط أو مقاول التبليط تحديد هذي المستويات كلها يرسم لك خطوط على الحائط لمستوى السكريد وبعده مستوى البلاط أو الرخام ونفس الشيء يرسم لك الدرج رسم بمستوياته على الحايط جنبه بعد أخذ المقاسات .. شغل الكهربائي يلتزم بالمستويات وما يفتي ويحدد على كيفه
نصيحة لأي شخص مقدم على عقد جديد يكتبها بوضوح في العقد نوع محتويات الارضيات والتشطيب وله الخيار بين دفان وهو أسوأ الخيارات ومشاكله المستقبلية كثيرة منها يمكن يجي الدفان ملوث بالأرضة وتبين بعدين ممكن بعد عشر سنوات بتآكل الخشب في البيت ولو انتشرت لها أضرار كبيرة حتى صحية .. بعض الدفان يجي فيه بيض نمل عادي ويفقس ويطلع في البيت .. الدفان تنتشر فيه أي رطوبة متسربة وتبقى وترشح على الجدران وتخرب الصبغ .. الدفان ممكن تستوي فيه هبوطات حتى لو بسيطة وكراكات يدخل من خلالها النمل الجديد ويترعرع في بيوت تحت البلاط مناسبة له
انا ما ابيع دفان ولا ابيع سكريد ولا لي فايدة والفايدة للي بيبني .. وبتحصلون مقاولين يحبون الدجل وبعضهم بيقولون الرمل خفيف والسكريد ثقيل حتى ممكن يسبب انهيار وبعضهم بيقولون مكلف وايد وايد
مهو مقاول الكهرباء هو البايب فيتر فهو يتكلم علشان دفان الحممامات مع البيت بيخلص على 17 cm مع البلاطاقتباس:
المشاركة الأصلية كتبت بواسطة معماري قطري
اللي ينطبق على مقاول الكهرباء ينطبق على البايب فيتر وزن البلاط شغلة مقاول التبليط ولازم يحدد المستويات قبل حتى ما تستوي خربطة والباقي لازم يلتزمون بمستوياته .. إذا تركت الموضوع للبايب فيتر هو ممكن يسوي بايباته مرتفعة بعدين يجيك مقاول التبليط ويقول لك لازم نرفع ونضطر نزيد الدرج ممكن عتبة أو عتبة نسويها أعلى من غيرها .. وأظن قصدي واضح خل مقاول التبليط يحدد خطوط مستويات التشطيب وخل البقية يلتزمون بها ولا تسمع فتاويهماقتباس:
المشاركة الأصلية كتبت بواسطة بـومحمد
وضحة الفكره شكراً على التنبيه وجاري التنفيذاقتباس:
المشاركة الأصلية كتبت بواسطة معماري قطري
المصمم دوم يحط احتياط للتمديدات بحدود 10 سم لجميع الأرضيات .. لأرضية الحمام البعض يسويها نازلة عن بقية الارضيات 35 سم للتمديدات والبعض يسويها أقل بشوي .. النازلة وايد تسبب لك مشكلة نزول الماي بقوة ويسوي صوت مزعج لكنها مريحة للبايبفيتر .. فيه حلول يعرفونها مهندسين الميكانيكل وبعض البايبفيترية الشاطرين لمشكلة الصوت وهي تركيب صفايات خاصة بنظام اغلاق بعد نزول الماي .. هذي اسأل عنها محلات الأدوات الصحية ممكن تحصلها وفرصة تبدلها قبل الشغل
بعد نصيحة لو تحاول تخلي مستوى بلاط أرضية الحمام نازل 1 سم عن الغرفة بيكون لو تسرب ماي أو انفتح بيب الماي يتصرف في الصفاية ولا يدخل الغرفة .. بعد تقدر تسوي قطعة رخام عند الباب بارتفاع 1 سم فوق مستوى أرضية البلاط وبزاوية لافة ( مبرومة - منحنية ) حتى ما تجرح أو تزعج الرجل .. وبنفس الوقت تمنع الماي من التسرب وبنفس الوقت يصك الباب معاها .. حطيت لها تفصيل في موضوع مراجعة المخططات المعمارية
نصايحك يابوعبدالله لازم نزل فيها كتاب يكون مرجع الله يجعله في ميزان حسناتك
آمين والله يرحم والديك وييسر بنيانكاقتباس:
المشاركة الأصلية كتبت بواسطة بـومحمد
هلا اخوي شوف سراميك الخليج بيعجبك ان شاء الله
ثلاث محلات عملاقه بالسوق غيرهم لا دور والا تضيع وقتك
( نابينا ) تنين السوق انا اسميه
( كافود ) بضاعة ممتازة
( المتحدة / بورسلنوسا ) وهو ارقى محل في البضاعة وفي التعامل
نصيحة مجرب بالسوق
المحلات الثانية زينه بس متعبين يوعدك ويايتاخر عليك او يايقول لك خلصت البضاعة تعال غير النوع
مؤيداقتباس:
المشاركة الأصلية كتبت بواسطة Azizuk
وضيف لهم العمودي وتدمر تدمر تدمر الأسعار تدميراً
يا حلو الجو يا بو سعود ما ودك نروح السينما
المتحده مريت النوعيات الي ابيه يامخلصه او موقف تصنيعهااقتباس:
المشاركة الأصلية كتبت بواسطة Azizuk
باقي تدمر نمر عليه والله المستعاناقتباس:
المشاركة الأصلية كتبت بواسطة معماري قطري
السينما مره وحده 😷اقتباس:
المشاركة الأصلية كتبت بواسطة معماري قطري
ههه عارف انها مسكرة خلاص وبوسعود رفيج آخر فلم حبيت اذكره بساقتباس:
المشاركة الأصلية كتبت بواسطة بـومحمد
اقتباس:
المشاركة الأصلية كتبت بواسطة معماري قطري
هلا بوعبدالله كان زين نقدر نروح اَي مكان انا ماقدر اشبر برا الحجر :rolleyes2: محجور على يابوعبدالله ادعي لنا بس نخلص على خير ماباقي الا كم يوم ان شاءالله ونفتك
كوفيد 19 ماخله حد في حاله دمر العالم سبحانك يارب
اجر ان شاء الله اخوي
الله يحفظك ويحفظ المسلمين من هالوباءاقتباس:
المشاركة الأصلية كتبت بواسطة Azizuk
عاد السينمات مسكرة هههه صج 14 يوم ملل احنا شوي نكسر الملل بطلعة بسيطة حتى لو بالسيارة .. ولدي جاء قبل الحجر بيوم والحمد لله اليوم محتفل باكماله 14 يوم وكان مريض شوي بس احتقان بسيط وشفى لكن ما تقربناه
الله يجزاك خيراقتباس:
المشاركة الأصلية كتبت بواسطة بـومحمد
اقتباس:
المشاركة الأصلية كتبت بواسطة معماري قطري
الحمدالله على سلامة الولد يابوعبدالله
الله يسلمك يا اخوياقتباس:
المشاركة الأصلية كتبت بواسطة Azizuk
صايع كله برا الخوف عليه من الخطر هنا أكثر