عرض للطباعة
اقترح بفتح خيم مكيف علشان حماية المواد الغذائيه وظلال ونظيفه وتقدر السياره تدخلها ويقدر السائق وهو بالسياره ياخذ احتياجاته ويختارها ويسجل العامل الكود للسعر ولرقم السياره ويوضعها بالسياره على طول
ونهاية الخيمه تدفع وتمشي
وبهالطريقه السائق محمي بالسياره والتعامل اقتصر على الدفع
وممكن الفكره تتطور على ارض الواقع
فكرة جيدة يعطيك العافية .. ممكن نطورها شوي يكون الطلب والدفع اونلاين أو بالتلفون والجمعية تجهز لك الأغراض وترتبها في الأكياس وأنت تروح تستلمها جاهزة وفي الوقت المحدد ... بهالطريقة قللت عدد الناس المتواجدين في الجمعية لأقل نسبة ممكنة.. سهل تتحكم في موظفين وعمال الجمعية بالاشتراطات الصحية المناسبة... قضيت على الزحمة عند المحاسبين.. اسرع من خدمة التوصيل
اظن في الشراء اون لاين عن طريق اللولو وكارفور مع التوصيل ..
لكن هل تضمن تاخذ خضرتك بعنايه ولا بيحطون لك اللي موجود ومشي حالك وهم يدرون ان محد بيتعنى ويبدل الغرض ..
اوحتى المجمدات هل بتدري من كم ساعه طلعوها من البراد لين وصلك !؟
في امور او اغراض صعب الواحد يشتريها اون لاين ..
لكن فكرتك تدخل وبالسيارة تاخذ هم نفس الشي وزحمة سيارات لاتتوقع كل الناس نفسك ..
في ناس في الجمعيه يصلي استخارة عشان ياخذ غرض فما بالك وهو بالسيارة :no:
مانوصل هالدرجة اذا الواحد خايف قبل لايدخل يسمي بالله ويتوكل عليه ولن يضره شي باذن الله
الحمدلله لا خايفين ولا شي لكن اخوي رايدر تضمن لأي شخص صاحي وشباب ومايهمه ومتوكل على الله انه ان ما ينقل العدوى لشيبة؟ أو لشخص تعبان من السكر أو حد من ربعه مريض ومايستحمل هالمرض؟ فكر في غيرك قبل لاتفكر في نفسك.
الأخت سارة أنا ممكن في مثل هالظروف أضحي شوي بجودة مشترياتي مراعاة للناس واحتياجاتها.
وسلامتكم
اشوف الموضوع سهل كمام وقفاز
وتدخل الجمعيه
تتعامل مع كل الموجودين على انهم مصابين
تبتعد بعيد عن اي شخص مسافه لا تقل عن مترين
تختار وقت يكون الزحام قليل سواء اول الصباح او حزة الغدا او اخر الليل قبل الاغلاق بساعه
تخلص مشترياتك وتحاول تشتري ما يكفيك لاسبوعين او اكثر
حتى لا تكون زيارتك للجمعيه بشكل شبه يومي
(الحليب الفرش تقدر تعوضه بحليب طويل الاجل هالفتره
الزبادي اللبن الروتي تاخذه بشكل اسبوعي من اقرب سوبر ماركت للبيت)
ترجع البيت تاخذ شاور تعقم السياره وتعقم الاغراض وهنا تكون اخذت بالاسباب
والله يرفع البلاء عن المسلمين
السواق هو ثغرة البيت في كل عائله
اعترف اني شبه حابس سواق البيت واقوم انا بوظائف روحة الدكان وشراء اي اغراض حتى اغراضه الشخصيه
وامنعه من الخروج او الاختلاط مع اي شخص وهو متقبل هالشي جدا
وهذي اهم نقطه (تجي لما تشرح له ان اللي تسويه من دافع حمايته لا اكثر)
وظيفته فالبيت اصبحت عباره عن غسيل الحوش والسيارات كل 3 ايام مره
ويرجع غرفته ياكل ويشرب وينام
جميع الجمعيات ببريطانيا توصيل وفي حاله الرغبة للتوصيل بنفس اليوم لها رسوم اضافية
قفازات وكمام واذا رجعت تخلص من الاكياس وعقم الاغراض والحافظ الله
انت فنان,,,,:victory:,,,,,,ربي يحفظ الجميعاقتباس:
المشاركة الأصلية كتبت بواسطة مضارب دوسري
ويعجل بزوال الغمه,,,,,,,,,,,,اللهم امين
صحيح اخوي وانا طبعا مع الاحتياطات كمام قفاز قبل الدخول والتعقيم انا اقصد مانوصل لحد نعمل خيام والاغراض ناخذها وحنا بسيارةاقتباس:
المشاركة الأصلية كتبت بواسطة مرتبش