في هذا الموضوع بحاول احط تمارين رياضيه
كارديو لتخفيف الوزن ( تخسيس )
حديد لبناء العضل وزيادة الوزن
اي اسئله يمكن اقدر اجاوب او اي حد من الاخوان يجاوب
وراح احط مقاطع من اشهر المدربين العرب .
عرض للطباعة
في هذا الموضوع بحاول احط تمارين رياضيه
كارديو لتخفيف الوزن ( تخسيس )
حديد لبناء العضل وزيادة الوزن
اي اسئله يمكن اقدر اجاوب او اي حد من الاخوان يجاوب
وراح احط مقاطع من اشهر المدربين العرب .
.
.
.
سلامي على الموضوع الجميل :thumbup1:
يعطيك العافية اخوي سعود.. ما قصرت فكرتك جميلة ومفيدة تستحق المتابعة
نبي نبني العضل بدون مايزيد الوزن شلون؟
الكارديو ( تخسيس ) حرق الدهون بتكلم بالعامي
هو اي تمرين يزيد من دقات القلب . يعني تتعب وتعرق بالتمرين هذا هو حرق الدهون الدهون تخرج عن طريق التنفس الزفير ونسبه بسيطه اعزكم الله من ( البول )
الكاريو نوعين : سريع وبطي
سريع : مثلا تهرول بسرعه لمده قصيرة
بطي : الهروله البطيئه لمده ومسافه طويله .
غير التمارين الاخري الهوائيه الكثيره : الدراجه والسباحه ونط الحبل التمارين السويديه والكثير
الدهون
رجال او نساء في الغالب تقريبا تتركز الدهون في البطن و الخواصر والارداف . وعلميا لايوجد تمرين يحرق دهون منطقه معينه . ازالتها اما عمليات جراحيه او تمارين كارديو مع ضرورة تنظيم الاكل
المدرب المصري سام ساموي من اشهر المدربين
( كارديو )
https://youtube.com/playlist?list=PL...pXEyoJf52DtJPy
د. (حازم طارق) له قناه في اليوتيوب فوق 2 مليون متابع
د. تغذية وعلاج طبيعي وتمارين حديد ( انصح ) بمتابعته وبقوه .
https://youtube.com/playlist?list=PL...3OtJdPwUa6Q0_r
مثال اوضح :
السريع : مثلا على جهاز الجري تهرول على سرعه 8 وتزيد الى سرعه 12 لمده قصيرة وترجع لنفس السرعه السابقه 8
البطي : تثبت على سرعه الي تقدر عليها للمده الي تقدر عليها
الكابتن ( مؤمن ماهر ) بطل اولمبيا اليابان لكمام الاجسام وحديث عن الغده الدرقية.
مهم جدآ الاستماع للاخر البعض يسوي رجيم ورياضه وما يحصل النتائج المطلوبه بسبب الغده .
https://youtu.be/livjZ4XyiCo
طلعت رياضي اخوي سعود وهذا شيء جيد
انا بديت بعض التمارين السريعة مثل الملاكمة لو السكر مرتفع ياخذ الأرض أوقات وما اكثر يهمني قلبي تزيد دقاته استوى ما يدق كلش
الله يرحم إخوي غانم توفى وهو يركض ضغط على نفسه وما خذ التدريب بالتدريج وهذا مهم وهذا وقت مناسب احذر من هذا الوضع وأذكر واحد عنده سكر توفى وهو يلعب كورة .. عارف ربعنا هنا شياب وعيايز بس ما يعلمون
ميزة الكارديو السريع يساعد على انفتاح الرئة والتنفس وهو تدريب تنفس بعد
موضوع جيد
الله :thumbup: عجيب الموضوع اخوي سعود ..
اول مرة تتكلم عن شي غير البورسلان والطابوق :strong
:
حبيت الموضوع وايد ومتابعه له باذن الله ..
اكثر رياضه احبها المشي والدراجة الهوائيه .. احسها متنفس لي ..
يومياً احاول احرق فوق ال 500 سعره بمختلف الرياضات ..
وان شاءالله نوصل للوزن المثالي قريب :strong
ايه والله كله من ( ابا عبدالله و ابا سعود :anger2: )
ولا انا رياضي منذ نعومه اضافري . رياضة شي ضروي لصحه الانسان وعندنا يا العرب والخليج خاصه قلة اهتمام فيها . استغليت البنت هاوس عندي غرفه 7x7 سويتها بالكامل صاله رياضية شامله جميع اجهزة الجسم . اول عندي معلومات خفيفه ومن 3 سنوات تعمقت في المعلومات من تمارين وتغذية وباذن الله مستمر :fight:
المدرب ( أحمد عمر )
مدرب قوي جدآ قناتة في اليوتيوب فيها كميه كبيرة جدا للمعلومات عن التمارين والمكملات الغذائية ونصائح عامه في الرياضه
https://youtu.be/S__kb5oVXQ4
رابط لعدد من تمارين الحديد من المدرب العالمي ( تشارلز جلاس )
https://youtube.com/playlist?list=PL...Sc22cbTxVaD79Q
تشارلز بطل عالمي سابق ومدرب حالي سعر حصة التمرين عنده 200 دولار
مرحبا اخوي سعود اشكرك على الموضوع القيم
جربت جميع انواع الكارديو بجميع الاجهزة يختلف شخص عن اخر في اي جهاز يستفيد منه
جربت كارديو بدون حديد اي تمارين كاريدو بدون تمارين مقاومه
جربت تقريباً جميع الانظمة والبرامج
لقيت افضل شي
تمارين كارديو + تمارين مقاومه ( حديد ) مش شرط الوزن الثقيل + تنظيم الاكل
صار لي تقريباً 10 سنوات في التغيير من برنامج الى اخر لقيت افضل شي الجمع بين الكارديو والمقاومه وتنظيم الاكل
شكراََ لمشاركاتكم الطيبة.. آخر رياضة سويتها البارحة قصيت حطبة قطرها حول ثلاثين سم بالمنشار.
https://i.top4top.io/p_1873iw2b11.jpeg
هالجهاز فنان X_body
ينلبس فوق ملابس الرياضه وموصل فيه شحنات وذبذبات تضرب في العضلات ومناطق الدهون ..
تساعد في عمليه الحرق .. ( عشرين دقيقه ) مع هاللبس يعادل ( تسعين دقيقه ) رياضه ..
طبعا تسوي تمارين خفيفه كارديو او مقاومة وحديد لكن يخليك تعرق وايد ..
وثاني يوم ماتقدر تمشي من الم العضلات :tooth:
اللي اهم من الرياضه الاستمرار في رياضه تكون انت تحبها
وهاي اللي بيضبظ لك شكل جسمك مع الوقت والاستمراريه
واللي يدخل الفم مهم مايكون اكل دسم او اكثر من المعدل المطلوب
.
.
اهم شيء التغيير . . لان اذا بتتم على نفس الجدول بتزهق
بالنسبة للاجهزة مثل السير الكهربائي لو تركناه في الحوش في مكان مظلل. هل بيخرب من الغبار او ما يتأثر!
السير نفسة فيه مادة لزجة تتأثر بالحرارة المادة نفس الاسبريه ترش تحت السير كل شهر مره تقريبا
يمكن في اجهزة خارجية .. لان في الكورنيش حاطين بعض وحدات الرياضه ..
لكن ماادري شنوعها مامريت عليها من قريب ..
لكن يمكن في اجهزة مصنوعه من مواد معينه تستحمل تنحط برع ..
https://youtu.be/V9wj8ePfelI
لشباب وشيبان المنتدى :ok:
سبحان الله .. صج الرياضة مثل السحر لجسم الانسان ..
صباح الخير يا كبتن سعود
بغيتك تسوي لي برنامج مدته اسبوع
الغرض منه اعادة منقطع عن الرياضة الى ممارسة الرياضة. ولا عليك أمر يا الشيخ. :thumbup1: