مرحبا ..
اخواني وخواتي حبيت تجاربكم في مصاعد الفلل من حيث السعر والجوده والصيانه ..
عرض للطباعة
مرحبا ..
اخواني وخواتي حبيت تجاربكم في مصاعد الفلل من حيث السعر والجوده والصيانه ..
للفلل مصاعد سوديماس محلهم في طريق سلوى صناعه فرنسيه
فوجي للمصاعد
السلام عليكم
نصيحة
لا تسترخص في المصاعد .. شوف شركة قديمه في السوق اذا مهتم في الضمان والصيانه
لان مثل مانشوف طريق سلوى فتحت فيه 100 شركه صغيره ويغرونك بالسعر وبعد فتره تسكر وتكون ماستفدت من الضمان والصيانه
والفرق في السعر مايقارب 20 الى 25 الف مع الشركات المعروفه
الدرويش مثلاً كان وكيل اوتيس والحين ماقاموا يجيبونه لان صار يصنع في الصين
والحين عندهم شركه المانيه اسمها كليمان ..
تقدر تمر وتاخذ عروض اسعار وتقارن
و بالتوفيق
,
,
مرحبا
جربت اثنين
متسوبيشي
هيونداي
طبعا متسوبيشي معروف بالسوق وما عليه كلام جربناه قبل 5 سنوات والصيانه ممتازه ومتجاوبين
وسعر الصيانه السنوي معقول مو غالي يجون كل شهر مره
وجربت هيونداي
الحين صار له سنه لسه جديد ومعاه صيانه لسنه مع التركيب
وايضا سعر عقد الصيانه للسنوات القادمه تقريبا مقارب لصيانه المتسوبيشي
ديكور الهيونداي ( اجمل ) من المتسوبيشي من الداخل
وطبعا في السوق ماركات كثيره
على سبيل المثال ( فوجي ) جيد جدا ايضا
ولكني ما جربته
بالنسبه للاسعار تتفاوت من 80 الف الى 120 الف
حسب الحموله عدد الاشخاص والديكور من الداخل
خلك على عدد 4 اشخاص
ما تحتاج اكثر للفيلا السكنيه
,
,
من أيام مريت بيت ينبني حق ولد عمي .. مصمم الدرج بنفس طريقة تصميمي للبيت الجديد بس هو مسوي دريشة كبيرة تغطي وراء المصعد وجوانب الدرج .. بيته للحين باقي عليه شغل كثير بس ما شاء الله ملامح الدرج والمصعد تبين بتطلع وايد حلوة وتعطي إنفتاح على الحوش وعلى الخارج .. فوق هذا فجأة كسر جدران بيت المصعد بس خلى الحفرة وركب حديد قال بيسويه بانوراما بالكامل من 4 جهات .. عرضه حول مترين وعمقه حول متر من فوجي المفتاح وكلفه المصعد بالحديد 145000 ويمدح في شغلهم ويبين لي إختياره زين كميزة جمالية ويعطي شراحة
أكيد إستوت فتحة خلف الدرج فاضية هذي بتتسكر بدرابزين من جهة الدرج وهذا بيزيد التكلفة عليه في النهاية
كنت مستبعد خيار البانوراما كل الجهات بس السعر مشجع ولا توقعته
بالنسبة للمصاعد لتركزون على العدد المعلن بعضهم يفترض مساحة الوقوف صغيرة يعني يكدس الناس .. حدود 60 سم في 60 سم مساحة وقوف مناسبة للانسان العادي فمصعد مساحته 120 في 120 يكفي ل 4 أشخاص ولو خذنا شوي أكبر 140 مثلاً في 120 بيكون أريح شوي
أوقات المتوفر في السوق مقاسات معينة وتكون أرخص من مقاس خاص نبغيه إحنا طلبية لمساحة معينة لذلك مسح الشركات ورؤية عروضها قبل الانتهاء من التصميم ضروري
,
,
مرحبا
تذكرت نقطه مهمه
لما شرينا من متسوبيشي ووصلوه الموقع وهو في الصندوق ما انفتح
كان البيت ما زال تحت التشطيب واخذ تقريبا 7 شهور لين دخلت الكهرباء و
لين ركبوا الاصنصير
للاسف تفاجئنا ان ( فتره الضمان انتهت ) محسوبه قبل التركيب وحجتهم انه وصل للموقع
معقوله ينتهي الضمان وهو في الصندوق ما ركب بالبيت
:)
هذا شركه متسوبيشي
لذلك لا تطلب الاصنصير يوصل الموقع الا البيت جاهز
او ( تكتب بالعقد ) فتره الضمان تبتدي من اشتغال الاصنصير بالبيت
شركه هيونداي ما كان عندهم مشكله والضمان ينحسب من اشتغال الاصنصير بالبيت
,
,
اخوي شموخ
مالي خبرة بشركات الاخرى بس شركة ( اطلس )
سابقا ( سوديماس ) حاليا تعطيك ضمان مدى الحياه على المصعد من المكينه الى السبوت لايت .