سنة على هروب العاملة !!! دون وجود لها !!!

لقد امضيت الان عام كامل على اختفاء عاملتي المنزلية

دون اتصال او خبر من اي جهه حكومية !!!

من يعوضني خسارتي في ضل الجائحة وتسكير المطارات وصعوبه الاجراءات و ارتفاع سعر الاستقدام والشروط التعجيزية

وماذا بعد القبض عليها ؟ هل سينصفني القانون ويتم التحقيق فيه و تعويضي عما حل بي من ضرر عالصعيد النفسي و العملي و المادي ؟

و هل سوف يتم تعويضي من قبل المتستر عليها عن طريق القضاء !!

انتظرت كثيرا لكي احصل على عاملة جديدة بسعر يقارب الضعف وبا اجراءات اكثر تعقيدا بسبب الوضع الصحي الراهن مما دفعني انا وغيري الكثير لجلب عاملة بالنظام الشهري بما يعادل 4500 شهريا !! واستسلامنا لرغبات مكاتب التاجير وجشعهم .

القوانين فيها ثغرات و احيانا يكون العامل قادر على مغادرة البلاد بمعاونة سفارة بلاده .. الله يعينكم لكن ننتظر وياكم الانصاف.

الله يعينك هذي مشكله وايد ناس للاسف ..

ضريبة كأس العالم عطوا العمال فوق حقهم وحنا من يحمينا

اقتباس:

---

المشاركة الأصلية كتبت بواسطة Rider

ضريبة كأس العالم عطوا العمال فوق حقهم وحنا من يحمينا

---

كلمة اثني عليها !!

بعد ماجلدوني الي بالساعات
جبت لي هندية عن طريق هندي عرفه والحمدلله الامور اوكيه

المخالف مب مب مستفيد من ثغرة فقط، بل يتمشى ويتقلب في مجموعة من الثغرات، والدليل أن هذا الأخ (المتستر) اللي مشغلها الحين وضعه معها يا دهينة لا تنكتين. فالنظام بطريقة أو بأخرى مسؤول عن تأزيم الأمور حتى لو بشكل غير مقصود، واذا بقيس على نظام أشد واصعب من النظام القطري فالنتيجة نفس النتيجة (شوربه). شوربة لان هروب العمالة مستمر و لأنك انت وشغالتك (في الواقع) مالكم مرجع، جرب تتواصل مع الجهات اللي تراها بنظرك مرجعية لك وللعامل.. يتبرأون منك وما عندهم غير (بلغ، أخلي مسؤوليتك).

الآن بصراحة كم واحد منا نحن او ممن يقرأ هذا الموضوع متستر على عامل أو عاملة! ما في أحد زين الحمدلله.

كم واحدة هنا مستعدة لو حصلت شغاله هاربة تشتغل معها برمضان؟

اقتباس:

---

المشاركة الأصلية كتبت بواسطة Rider

ضريبة كأس العالم عطوا العمال فوق حقهم وحنا من يحمينا

---

غير صحيح.. كل دول الخليج سايرة في نفس الاتجاه وماعندهم كاس عالم .. البحرين والسعودية الغوا الكفالة.. اللي يصلح من اربعين سنة ماعاد يناسب هذا الزمن.. حقوق انسان وديمقراطية وحريات ضغط من الجميع على دول الخليج .. الدول المصدرة تضغط بزيادة الرواتب ويوم عطلة ونهاية خدمة واذا جيت للحق هذي ابسط حقوق العامل .. في حد منا يرضى يشتغل بدون يوم اجازة وبدون تحديد وقت للعمل وتوفير ادوات العمل .

سنة وحده هههههههه

يارجال شغالة أختي الله يرحمها شارده قبل ماتتوفى في 2009 مادري بكم سنة وحصلوها في 2017 ومناديني الظاهر عشان ادفع تذكرتها والله على ما اقول شهيد

اقتباس:

---

المشاركة الأصلية كتبت بواسطة وحيد-الشوق

سنة وحده هههههههه

يارجال شغالة أختي الله يرحمها شارده قبل ماتتوفى في 2009 مادري بكم سنة وحصلوها في 2017 ومناديني الظاهر عشان ادفع تذكرتها والله على ما اقول شهيد

---

الله يرحمها ويرحم جميع اموات المسلمين

سوال القانون وش يقول تدفع ولا ؟؟؟؟

اقتباس:

---

المشاركة الأصلية كتبت بواسطة مرتبش

غير صحيح.. كل دول الخليج سايرة في نفس الاتجاه وماعندهم كاس عالم .. البحرين والسعودية الغوا الكفالة.. اللي يصلح من اربعين سنة ماعاد يناسب هذا الزمن.. حقوق انسان وديمقراطية وحريات ضغط من الجميع على دول الخليج .. الدول المصدرة تضغط بزيادة الرواتب ويوم عطلة ونهاية خدمة واذا جيت للحق هذي ابسط حقوق العامل .. في حد منا يرضى يشتغل بدون يوم اجازة وبدون تحديد وقت للعمل وتوفير ادوات العمل .

---

صدقني لو كلنا نوقف وقفة وحدة وأقصد كل دول الخليج ونقول خلوا عمالتكم عندكم بيترجونا ناخذهم حتى بدون رواتب

إحنا نعيشهم عيشة صعب يحصلونها في بلادهم وغالبيتنا يعطونهم فوق ما يستحقون ويهيئون لهم ظروف حياة كريمة وأكل وشرب وحتى ترفيه وأعرف كثيرين خدمهم مدلعين .. أحد الأقارب الخادمة اللي ربته عاشت معاهم حول 40 سنة وتوفت وهو رجال كبير يقولون تأثر كثير وأعذره لأنها عشرة عمر

ما ادري ليش حكوماتنا ما تتكلم بإسمنا وتطالب بحقوقنا عند هذي الدول وهذي السفارات وما ادري ليش ما يبرزون الفائدة المشتركة والجانب الإنساني لتشغيل هذي العمالة المحتاجة للعمل

في أمريكا ممنوع استجلاب العمال ودخولهم لكنهم يدخلون تهريب من المكسيك ومن البحر من كوبا ومن غيرها من الدول واضطروا لعمل سور مرتفع وبعد يرمون حتى الأطفال من فوقه في الحدود الأمريكية .. وفي اوروبا الهجرة القسرية العربية والطوعية الافريقية ويشتغلون أعمال وضيعة وكثيرين يتم استغلالهم أبشع الإستغلال .. عندنا بقوانين واتفاقيات وعقود بس دوم المستقدم سواء مواطن أو مقيم هو الخسران واللي ضايع حقه .. المشكلة ناس راتب شهر أو شهرين يروح على تكلفة الاستقدام وهذيلا ناس يعورون قلب كل من له حس ويفهم .. بعضنا الله ميسر عليه وعادي لو يستقدم كل سنة لكن المحتاج واللي راتبه بسيط وغالبيتهم مقيمين رواتبهم حول العشر آلاف وحتى اللي راتبه 50000 في هذي الظروف المعيشية محتاج لكل ريال منه

عندنا عمالة في الفريج من فارس من بدينا ندرك وهم من نسيجنا الإجتماعي اللي خباز واللي في دكان ويخدم الكل بطيب نفس .. من أيام اكتشفت إن سايق خاص لأحد الإخوان ويلبس ثوب وغترة ويتكلم قطري ما تشك فيه إنه غريب .. ذكرني بأحد هؤلاء المشتغلين قديماً وهو شيب ورجع بلاده بعد ما يزيد عن 50 سنة ويحتاج مبالغ بسيطة .. على كلامه 300 ريال تكفي مؤونة شهر لبيت كامل

اقتباس:

---

المشاركة الأصلية كتبت بواسطة مرتبش

غير صحيح.. كل دول الخليج سايرة في نفس الاتجاه وماعندهم كاس عالم .. البحرين والسعودية الغوا الكفالة.. اللي يصلح من اربعين سنة ماعاد يناسب هذا الزمن.. حقوق انسان وديمقراطية وحريات ضغط من الجميع على دول الخليج .. الدول المصدرة تضغط بزيادة الرواتب ويوم عطلة ونهاية خدمة واذا جيت للحق هذي ابسط حقوق العامل .. في حد منا يرضى يشتغل بدون يوم اجازة وبدون تحديد وقت للعمل وتوفير ادوات العمل .

---

هذا رايك و خله لك .. مجتمعنا مختلف عن مجتمعات المحيطة بنا أدى هذا إلى ظهور قوانين تنصف العامل و تعطيه فوق حقه و هذا بسبب مماسرات افراد المجتمع.

لو ان صاحب العمل من البداية و بإلتزام شخصي يأدي الحق اللي عليه ما راح تلاقي ضغوط لا من الدول المصدرة للعماله و لا من غيرها مع العلم ان حتى الدول ذي تهدر حقوق العمالة بها لكن بشكل مستتر!

اقتباس:

---

المشاركة الأصلية كتبت بواسطة معماري قطري

صدقني لو كلنا نوقف وقفة وحدة وأقصد كل دول الخليج ونقول خلوا عمالتكم عندكم بيترجونا ناخذهم حتى بدون رواتب

إحنا نعيشهم عيشة صعب يحصلونها في بلادهم وغالبيتنا يعطونهم فوق ما يستحقون ويهيئون لهم ظروف حياة كريمة وأكل وشرب وحتى ترفيه وأعرف كثيرين خدمهم مدلعين .. أحد الأقارب الخادمة اللي ربته عاشت معاهم حول 40 سنة وتوفت وهو رجال كبير يقولون تأثر كثير وأعذره لأنها عشرة عمر

ما ادري ليش حكوماتنا ما تتكلم بإسمنا وتطالب بحقوقنا عند هذي الدول وهذي السفارات وما ادري ليش ما يبرزون الفائدة المشتركة والجانب الإنساني لتشغيل هذي العمالة المحتاجة للعمل

في أمريكا ممنوع استجلاب العمال ودخولهم لكنهم يدخلون تهريب من المكسيك ومن البحر من كوبا ومن غيرها من الدول واضطروا لعمل سور مرتفع وبعد يرمون حتى الأطفال من فوقه في الحدود الأمريكية .. وفي اوروبا الهجرة القسرية العربية والطوعية الافريقية ويشتغلون أعمال وضيعة وكثيرين يتم استغلالهم أبشع الإستغلال .. عندنا بقوانين واتفاقيات وعقود بس دوم المستقدم سواء مواطن أو مقيم هو الخسران واللي ضايع حقه .. المشكلة ناس راتب شهر أو شهرين يروح على تكلفة الاستقدام وهذيلا ناس يعورون قلب كل من له حس ويفهم .. بعضنا الله ميسر عليه وعادي لو يستقدم كل سنة لكن المحتاج واللي راتبه بسيط وغالبيتهم مقيمين رواتبهم حول العشر آلاف وحتى اللي راتبه 50000 في هذي الظروف المعيشية محتاج لكل ريال منه

---

قبل ما كانت هناك أي مشاكل مؤثرة على علاقة العامل بصاحب العمل لكن بسبب الافراط في حقوق شريحة من الفئة العاملة بالاضافة إلى ضغوط من عدة اطراف أدى إلى ظهور قوانين و تشريعات لحمايتهم مع التشديد على المخالفين من اصحاب العمل و سحب سلطاتهم و هذا أدى إلى نتائج سلبية منها تمرد الفئة العاملة و تسببها بخسائر منها المتعمد لجهة العمل و هذا راجع إلى معرفة و ادراك من طرفه بعدم وجود عقوبة عليه و صار صاحب العمل هو الطرف الاضعف.

في دول اوروبا و بشكل عام الغرب و أمريكا عندهم عمالة محلية و كوادر وطنية و تشريعات تحمي كل طرف مع وجود آليات قانونية صارمة تحكم علاقات العمال بصاحب العمل و بطبيعة الحال الالتزام الشخصي يساهم بشكل كبير في تجنب مشكلات بين اطراف العمل.

مجتمعنا يحتاج إلى تفعيل دور المهارات الوطنية و تعميم فكرة الاعتماد على الذات لتقليل الاعتماد على فئة العمالة من الخارج لكن هذا صعب جدا بالنظر لمستوى المعيشة و اسلوب حياة الافراد.

** وجهة نظر

اقتباس:

---

المشاركة الأصلية كتبت بواسطة SouthK

هذا رايك و خله لك .. مجتمعنا مختلف عن مجتمعات المحيطة بنا أدى هذا إلى ظهور قوانين تنصف العامل و تعطيه فوق حقه و هذا بسبب مماسرات افراد المجتمع.

لو ان صاحب العمل من البداية و بإلتزام شخصي يأدي الحق اللي عليه ما راح تلاقي ضغوط لا من الدول المصدرة للعماله و لا من غيرها مع العلم ان حتى الدول ذي تهدر حقوق العمالة بها لكن بشكل مستتر!

---

ماشوف اختلاف بين رايي ورايك.. والكل يقول رأيه

من مشاركات الاخوة فعلاََ كلام ساوث صحيح وكلام اخونا مرتبش بعد صحيح. أما كاس العالم فابتزوا به قطر وانا اقصد هالكلمة والمبتز هي كثير من المؤسسات الرسمية اللي تتبع هيئات رسمية مثل الأمم المتحدة وهيئات ثانية غير رسمية. بل حتى الصحفيين وأي مأجور ممكن يسوي زوبعة من لا شيء.

أما حقوق العامل والغاء الكفيل فهذا ماشي في الخليج كله ونا والله من المناصرين ولا ابغى أكون كفيل لأحد.. ونفس الدول اللي صارت تطالب بمستوى معين من الحقوق جالسين يصدرون لنا مجرمين وحرامية تحت غطاء عامل سايق شغالة مزارع.. الخ.
ونا ما ابغي اصير كفيل لهذه العينات.. وفي يوم من الأيام كنت متقاول مع اخوة عرب بعضهم عنده شهادة عليا وجاي مرافق مع زوجته.. هذا الاخ ينقل لي العيال لامدرسة وانا مرتاح من سالفة سايق كل يوم يشرد او يدعم لي واحد ويتلف سيارتنا.

الكفيل هو ضامن للعامل أمام السلطات.. يعني الجهة الرسمية ماخذتك كفيل غارم. واغلب العمال عارفين ومستفيدين ووين العامل اللي ما يساومك على حسن سلوكه!.. يوجد لكن نادر.

اقتباس:

---

المشاركة الأصلية كتبت بواسطة SouthK

قبل ما كانت هناك أي مشاكل مؤثرة على علاقة العامل بصاحب العمل لكن بسبب الافراط في حقوق شريحة من الفئة العاملة بالاضافة إلى ضغوط من عدة اطراف أدى إلى ظهور قوانين و تشريعات لحمايتهم مع التشديد على المخالفين من اصحاب العمل و سحب سلطاتهم و هذا أدى إلى نتائج سلبية منها تمرد الفئة العاملة و تسببها بخسائر منها المتعمد لجهة العمل و هذا راجع إلى معرفة و ادراك من طرفه بعدم وجود عقوبة عليه و صار صاحب العمل هو الطرف الاضعف.

في دول اوروبا و بشكل عام الغرب و أمريكا عندهم عمالة محلية و كوادر وطنية و تشريعات تحمي كل طرف مع وجود آليات قانونية صارمة تحكم علاقات العمال بصاحب العمل و بطبيعة الحال الالتزام الشخصي يساهم بشكل كبير في تجنب مشكلات بين اطراف العمل.

مجتمعنا يحتاج إلى تفعيل دور المهارات الوطنية و تعميم فكرة الاعتماد على الذات لتقليل الاعتماد على فئة العمالة من الخارج لكن هذا صعب جدا بالنظر لمستوى المعيشة و اسلوب حياة الافراد.

** وجهة نظر

---

شبه مستحيل تحصل في مجتمعاتنا فئة تتقبل تشتغل شغل بسيط وتعتمد على أفراد مجتمعها فيه .. قبل سائقين شاحنات الوقود لازم قطريين وبصعوبة يحصلون ناس طالعين من الدراسة وبيشتغلون هذي الشغلة وألحين أعتقد تغير الشرط هذا .. فما بالك بكثير من الوظائف ممكن تستفيد منها فئات لا تحصل على عمل في موطنها ولا دخل شهري ثابت ولا حياة كريمة

مثل ما ذكرت العقد والقوانين لازم يحمون الطرفين .. إذا انا بادفع 17000 رسوم استقدام لعقد سنتين معناها دافع ما قيمته 708.33333 شهرياً فوق المعاش + تكلفة الغذاء والماء والدواء والماء طبعاً بلاش بس في بعض دول الخليج غالي .. وإذا انتهى ضمان العقد وقررت الخادمة تروح دفعت تذكرة جديدة واستقدام جديد لو محتاج وقصة جديدة تطلع التكلفة الشهرية لسعادة الخادمة ممكن 3000 ريال

بيتنا قنبلة موقوتة من الفلبينيات يمكن 5 أو ست وسايق واحد مع إننا كلنا نسوق الا ثنتين وقليل اللي يحتاجونه ومع هذا طالبين ولده سايق اضافي .. أمس جاية وحدة جديدة مربية لبنت ولدي مع إنه عنده مربية لبنته الثانية

ما ودي أحطمك بس أتوقع اذا جات بتسافر او صار عليها شي مثلا دخلت المستشفى او راحت للداخليه و الجهات الحكوميه لأي سبب كان أو بتسافر و قتها بيطلبون الكفيل و بيتواصلون معك
هذا اللي صار معنا زمان يوم هربت الشغاله السيلانيه غطت مده ممكن شهرين وشي قريب الثلاث
بس اول ماهربت بلغنا الشرطه و لا عرفوا يجيبونها إلا يوم اضطرت تدخل المستشفى عشان جاتها الزايده
عاد اتصل عالبيت مسؤل قال أحنا تكفلنا بعلاجها من المصران الاعور انا تروعت من الاسم الله يكفينا الشر
عقب قالي الزايده الدوديه و أنتم الحين مسؤلين عن تسفيرها لان بتروح ابعاد شي زي كذا
المهم
قلت له : هي يوم هربت مع من؟!
سكت كأنه استغرب السؤال عقب قال مع واحد تقول صديقها عشان يخليها تشتغل بمكان ثاني
قلت تمام اتصلوا على صديقها يسفرها أو هي تتحمل تكاليف سفرها بعد مع تشتغل عند اي احد
إحنا أخلينا مسؤليتنا منها من يوم هربت بلغنا عنها بالداخليه
غير انها ماتمت المده الحمدلله فتواصلوا مع المكتب يسفرها
اسمح لي ماراح نسفرها*لأن هي المسؤله عن تصرفاتها مو إحنا
ضحك استغربت بصراحه بس أفضل من اي ردك فعل ثانيه

**ما أعرف عاد تذكرتها على حساب المكتب و إلا صديقها اللي هربها و إلا مركز الابعاد نفسه
بس أظن عالأغلب المكتب
و السلام ختام

اقتباس:

---

المشاركة الأصلية كتبت بواسطة معماري قطري

بيتنا قنبلة موقوتة من الفلبينيات يمكن 5 أو ست وسايق واحد مع إننا كلنا نسوق الا ثنتين وقليل اللي يحتاجونه ومع هذا طالبين ولده سايق اضافي .. أمس جاية وحدة جديدة مربية لبنت ولدي مع إنه عنده مربية لبنته الثانية

---

ماشاءالله عدد الخدم اكثر من افراد البيت .. :)
باجر ان غزوكم واحتلوا بيتك لاتلومهم :sneaky:

اقتباس:

---

المشاركة الأصلية كتبت بواسطة Dana’1

ما ودي أحطمك بس أتوقع اذا جات بتسافر او صار عليها شي مثلا دخلت المستشفى او راحت للداخليه و الجهات الحكوميه لأي سبب كان أو بتسافر و قتها بيطلبون الكفيل و بيتواصلون معك
هذا اللي صار معنا زمان يوم هربت الشغاله السيلانيه غطت مده ممكن شهرين وشي قريب الثلاث
بس اول ماهربت بلغنا الشرطه و لا عرفوا يجيبونها إلا يوم اضطرت تدخل المستشفى عشان جاتها الزايده
.
..
...

**ما أعرف عاد تذكرتها على حساب المكتب و إلا صديقها اللي هربها و إلا مركز الابعاد نفسه
بس أظن عالأغلب المكتب
و السلام ختام

---

محد فكر يعوضكم؟ ما بقول يحاسب السيلانية أو اللي موفر لها المأوى والشغل لان هذا شغل الحكومة واكيد ما نبغي نزعل أحد.. خصوصاََ هالجهات اللي يسمونها أمنية.

اقتباس:

---

المشاركة الأصلية كتبت بواسطة معماري قطري

بيتنا قنبلة موقوتة من الفلبينيات يمكن 5 أو ست وسايق واحد مع إننا كلنا نسوق الا ثنتين وقليل اللي يحتاجونه ومع هذا طالبين ولده سايق اضافي .. أمس جاية وحدة جديدة مربية لبنت ولدي مع إنه عنده مربية لبنته الثانية

---

مع أن الشرع محلل لك اربع بس انت تبغي تخسر رواتب هههههه

اقتباس:

---

المشاركة الأصلية كتبت بواسطة معماري قطري

شبه مستحيل تحصل في مجتمعاتنا فئة تتقبل تشتغل شغل بسيط وتعتمد على أفراد مجتمعها فيه .. قبل سائقين شاحنات الوقود لازم قطريين وبصعوبة يحصلون ناس طالعين من الدراسة وبيشتغلون هذي الشغلة وألحين أعتقد تغير الشرط هذا .. فما بالك بكثير من الوظائف ممكن تستفيد منها فئات لا تحصل على عمل في موطنها ولا دخل شهري ثابت ولا حياة كريمة

مثل ما ذكرت العقد والقوانين لازم يحمون الطرفين .. إذا انا بادفع 17000 رسوم استقدام لعقد سنتين معناها دافع ما قيمته 708.33333 شهرياً فوق المعاش + تكلفة الغذاء والماء والدواء والماء طبعاً بلاش بس في بعض دول الخليج غالي .. وإذا انتهى ضمان العقد وقررت الخادمة تروح دفعت تذكرة جديدة واستقدام جديد لو محتاج وقصة جديدة تطلع التكلفة الشهرية لسعادة الخادمة ممكن 3000 ريال

---

ما اختلف معاك اخوي معماري .. في احدي الدول اللي حوالينا تلاقي سايق التكسي مواطن و اغلبهم من المتقاعدين .. عندنا كفاءات مهمشة و هي في قمة عطاءها و اذا كانت المسألة مادية فهذي ما لها حل لأن المتحكمين في سوق العمل هم من يفرض هذي الظروف!

مرة صارت مشكلة في مطار الدوحة في مناسبة رياضية سنة 2011 و كان طرف منها موظف في الخطوط القطرية اللي كان سيء التعامل مع وفد رياضي .. عضو الوفد قال لي ليش ما في قطريين في الواجهة و انتوا معتمدين على هذول؟؟؟ .. ما كان عندي رد غير ان هذي شركة و لها سياستها و تأكد اني انا نفسي ما كنت مقتنع بردي!

بخصوص الوظائف اللي نعتبرها قليلة الشأن و عدم اقبال المواطنين عليها ممكن السبب عدم وجود الراتب و ممكن بيئة العمل .. اسباب كثيرة ممكن بحثها و حل أي عائق!

تغيير نظرة المجتمع ما يكون بتصرف شخصي لكن بدوافع قوية و ما ابغي افصل علشان محد يزعل من كلامي!

اقتباس:

---

المشاركة الأصلية كتبت بواسطة سالم الزهران

من مشاركات الاخوة فعلاََ كلام ساوث صحيح وكلام اخونا مرتبش بعد صحيح. أما كاس العالم فابتزوا به قطر وانا اقصد هالكلمة والمبتز هي كثير من المؤسسات الرسمية اللي تتبع هيئات رسمية مثل الأمم المتحدة وهيئات ثانية غير رسمية. بل حتى الصحفيين وأي مأجور ممكن يسوي زوبعة من لا شيء.

أما حقوق العامل والغاء الكفيل فهذا ماشي في الخليج كله ونا والله من المناصرين ولا ابغى أكون كفيل لأحد.. ونفس الدول اللي صارت تطالب بمستوى معين من الحقوق جالسين يصدرون لنا مجرمين وحرامية تحت غطاء عامل سايق شغالة مزارع.. الخ.
ونا ما ابغي اصير كفيل لهذه العينات.. وفي يوم من الأيام كنت متقاول مع اخوة عرب بعضهم عنده شهادة عليا وجاي مرافق مع زوجته.. هذا الاخ ينقل لي العيال لامدرسة وانا مرتاح من سالفة سايق كل يوم يشرد او يدعم لي واحد ويتلف سيارتنا.

الكفيل هو ضامن للعامل أمام السلطات.. يعني الجهة الرسمية ماخذتك كفيل غارم. واغلب العمال عارفين ومستفيدين ووين العامل اللي ما يساومك على حسن سلوكه!.. يوجد لكن نادر.

---

يفترض بالمشرع انه يصدر قوانين تضمن حقوق كافة الاطراف .. تم إلغاء قانون الكفالة و زادت معاها الجرائم و خسائر الشركات مع عدم وجود آلية للاقتصاص من المخالفين سواء الكفيل أو المكفول!

القوانين الحالية عطت مساحة غير محسوب لكل الفئات العاملة للنصرف بما يحلو لها و ضيقت على الشركات (عدا فئة معينة) و حجمت أي اجراء عقابي .. كان الاجدر فرض قوانين و تشريعات لحفظ حقزق كافة الاطراف بدل من تضييع حقوق اصحاب الشركات و ترك العمالة اللي اصلا ما لاغلبها ضابط سوى رغباتها!

مرة في دوامي عمال احد الشركات سوو مظاهرة و رافضين العمل لأن شركتهم ما تعطيهم ساعة للغداء .. لو في نظام يتيح للعمالة الراحة وقت الدوام (مع ني ما اشوفالراحة في وقت الدوام منطقية لكن لازم في وقت لوجبة الغداء) ما كان صار معانا هذا الموقف .. نفس الشركة سوو عمالها اضراب في سكنها و حسب ما تم نقله لي ان البعض منهم كان يمنع العمال من ركوب الباصات للتوجه لموقع العمل بالقوة .. مثل هذا الموقف وشو يعطيك؟؟؟؟

القوانين خربت سوق العمل عندنا و اذا استمر الوضع فما اظن بيكون هناك اي ضامن لحقوق اصحاب العمل!

** وجهة نظر

كلمة مواطن تعني أن الجهات الرسمية لها عليك سلطة مطلقة.. بالله على من تشتكيهم؟ لين تتعدل هذه النظرة ممكن تتغير الفكرة العامة ويُحترم القانون.. أما اذا بقى المواطن هو الحلقة الأضعف، فردد دعاء المكروب لين الله يصلح حال هالأمة.

انا قدمت على فيزا سائق في سنة 2017 وبلغت الهندي اني بحجز لة تذكرة علشان يجي خلال اسبوع وما وعيت الصبح نهار ثالث من مكالمتي الا الريال حجز تذكرة ودخل البلاد بدون لا اعرف والجوازات في المطار دخلوه ودش بالعادة يتصلون ع الكفيل يستلم المستقدم والى الان مختفي مع العلم اني قدمت عليه بلاغ هروب ولا حس ولا خبر الى الان

انا جبت خادمة فلبيبنية من سنة و شوي تقريبا و دفعت مبلغ 13500 ريال و بعد ما اتمت سنة و شهر هربت من البيت.... انا كنت عارف انها ما تبي تكمل علشان كانت تشوف زوجها بيخونها في بلدهم و تبي ترجع.... قولت لها انا يوم جبتك من الفلبين العقد اللي بينا انك تشتغلي سنتين و تروحين و ما لي خص بهالامور العائلية بينك و بينه طالما ادفع لكي الراتب قبل نهاية الشهر و مب مقصر معاكي بشي و انا ما اقدر كل سنة احط نفس المبلغ و لا راح ادفعلك تذكرة سفر الا بعد ما تكملي سنتين .....راحت على السفارة على طول علشان يضغطون علي اني ارجعها بشروطهم بس انا قولت لهم طالما طلعت من البيت ما لها رجعه عندي ولا ثقه بها بعد الان .... تمت اكثر من شهر ما اعرف عنها شي هل هي عندهم و الا عند الشرطه و بعدين جاتني مسج انه تم تسفيرها


ناس قذرة لا ذمة و لا ضمير.... مجتمع قذر ..... وحدة بتسافر و هي متزوجه و المفروض تغيب سنتين ايش تتوقع من زوجها النجس انه يسوي....يظل يبكي على الاطلال و الا يخونها علني على الفيس بوك؟؟؟!!!!

قررت اني ما ضيع فلوسي و كل شوي احط مبلغ و قدره على مثل هذه الاشكال النجسه اللي ما لها امان ولا تستحق الزرق اللي بيجي لعندها و بتقطعه بيدها و الله لا يسامحها و العوض على الله ..... لا للخدامات الفلبينيات خصوصا بعد اليوم

سمعت انهم مسويين تسهيلات للخدم الهاربين بحيث يسافرون ببلاش لانها ما كان معها مبلغ يغطي رسوم التذكرة لانها تحول فلوسها اول بأول على الفلبين

حسبي الله و نعم الوكيل

اقتباس:

---

المشاركة الأصلية كتبت بواسطة سعود.

الله يرحمها ويرحم جميع اموات المسلمين

سوال القانون وش يقول تدفع ولا ؟؟؟؟

---

اللهم آمين

جاتني مسجات وايد يمكن أكثر من أربع يطلبون قدومي للأهمية وأنا مارحت لهم بعد فتره سفروها

تذكر دائماََ أن الخادمة أو السائق في نظر الحكومة (وراهم من ينشد عنهم)، لكن أنت يا ابو سامح من وراك؟ من بينشد عنك وعن خسارتك؟

سؤال .. هل تستحق الخدامة مكافأة نهاية خدمة بعد سنتين ؟

اقتباس:

---

المشاركة الأصلية كتبت بواسطة الصفقة

سؤال .. هل تستحق الخدامة مكافأة نهاية خدمة بعد سنتين ؟

---

هاي ضمن العقد موجود ولا بس سؤال من عندك ؟
:

لو من عندك السؤال فاانت تحدد اذا هي تستحق ولا عله وتبي تفتك منها ..
غالباً مع خدمي اللي فيهم خير اوديهم اللولو واخليهم يشترون اللي بخاطرهم وانا ادفع اخر شي .. ( مكافاة وبالسعر اللي يطلع )

اقتباس:

---

المشاركة الأصلية كتبت بواسطة الصفقة

سؤال .. هل تستحق الخدامة مكافأة نهاية خدمة بعد سنتين ؟

---

نعم تستحق حسب القانون رقم 15 لسنة 2017
https://www.almeezan.qa/LawView.aspx...12&language=ar

اقتباس:

---

المشاركة الأصلية كتبت بواسطة sara jsm

هاي ضمن العقد موجود ولا بس سؤال من عندك ؟
:

لو من عندك السؤال فاانت تحدد اذا هي تستحق ولا عله وتبي تفتك منها ..
غالباً مع خدمي اللي فيهم خير اوديهم اللولو واخليهم يشترون اللي بخاطرهم وانا ادفع اخر شي .. ( مكافاة وبالسعر اللي يطلع )

---

الخدامة هي طلبتهم قبل السفر ... تقول المكافأة من مستحقاتي وبصراحة كانت شغالة ونظيفة وتستاهل الخير

اقتباس:

---

المشاركة الأصلية كتبت بواسطة مرتبش

نعم تستحق حسب القانون رقم 15 لسنة 2017
https://www.almeezan.qa/LawView.aspx...12&language=ar

---

يعني هذا القانون جديد ... لأن زمان ماكان في مكافأة ولاشي
شكرا على التوضيح