عرض للطباعة
السلام عليكم
حبيت افتح هالموضوع وابي رايكم هل من سليم البياعين يلحقون وراك ويخلونك تشم العطر منهم!!
لاحظت اغلب الكشكات يتبعون هذه طريقه يسبب لك مضايقات الا غصب تاخذ منهم الكرت الي فيه ريحه العطر. ايش الحل برايكم. معاهم يخلونك تكره تمر اي صوب بالجمع في كشكات للعطور
و عليكم السلام
لا تلتفت لهم و لا حتى بنظره أو قول و أنت ماشي لا شكرا إذا مروق ....مالك إلا هالحلين
و الثالث إذا ينزل قرار منع رسمي لطريقتهم.
و السلام ختام
صج انهم أزمه خاصة اذا الواحد رايح يفتر بدون مايشتري
اضطر اخذ منه الكرت بدون ما اشمه احيانا واحذفه بأقرب سلة مهملات
يعني مافي حد بالدنيا مايعرف من وين يشتري عطره المفضل
وانا افضل انهم يوقفون الكشك ويعتمدون نظام المحل وبدون مايطلع
البايع ويوقف عند الباب بعيدا عن التطفل ورؤية المارة
هي شكلها الظاهرة عالمية بكل بلدان العالم اذا كان النظام كشك!!
أصلاً طريقة خاطئة في الترويج للعطور خاصة بعد كورونا.
البائع هدفه الترويج للسلعة ... بالامكان رفض العينة بكل هدوء و اكمال المشي و شخصيا اتفق مع الجميع ان اسلوبهم غير مقبول
المشكله يدخل عليك عرض بالقوه ..
وبعضهم ايحط بخور وفيه ناس فيهم امراض مزمنه وحساسيه
يعني المفروض ممنوع حد ايشب فحم بالمول ..
لكن
من هم أصحاب تلك المحلات ؟ omen
حبيت اضيف ملاحظه على طلب الكوفي تيك آوي ..
يعني اطلبه تيك اوي يعني بشرب وانا اتمشى وبشيل الماسك .. شيء بديهي ..
وانا اشوف بعد المفروض ياتشرب الكوفي ولا برع المول ..
يعني ممنوع تشرب وانت اتمشى ...
الرسول نهى عن الشرب واقفا فما حال الشرب ماشيا؟اقتباس:
المشاركة الأصلية كتبت بواسطة حمد 2002
اتفق معاك!
ايه تصرفهم غير مقبول غير الحين الشرطة لي يدورون فالمولات مايسوى عليك تنزل الكمامه الا صايدينك
اشكركم علي رد جميعا فعلا نتمنى يكون في حل للمشكله الكشكات وطريقه التصرف الغير حسن انه يعطيك كرت غصب وتشم العطر خصوصا نحن في زمن الكورونا ومثل ماقالوا بعض الاخوان لو انا ابي اشتري عطر بروح وبشتري العطر مو بهذه طريقه وكتبت الموضوع لانه لاحظت تصرفهم الغير لائق في العرض
اول اذا مريت عليهم ااشر بيدي اسف واقول ( مزكم ) :ok:
الحين اخذهم واخليهم بالموتر تعطيره لين تنشف
واحد من الربع يضحكني يمر محلات الاسكريم كله يجرب وما يعجبه ويروح .. عرفوه ياكل اسكريم ببلاش
وانت اذا شربت ماي فالمجمع يجونك هذيله مع دفترهم شكبره تقول ورقه طلاق
يسجل مخالفه كمام
انزين وهذي الي يوزع ورقه العطر ماينقل الكرونا على قولتهم ؟؟
والله الواحد مايعرف شيقول
لكن نقول الحمدلله والشكر
بعضهم غثيثين ولا لين جاك يقول لك استاز
موجودين وايد كانوا في أمريكا بس بطريقة وايد ألطف وبابتسامة وما يتضايق كلش لو رفضت تجرب وما يجبرك تشتري ولا يلاحقك
اقتباس:
المشاركة الأصلية كتبت بواسطة بومحمد المطاوعه
بلفيت ان اللي يحط ورقة العطر مطابق للشروط الصحيه وتستحق الثقه
زين انا شدراني اذا يده مب وصخه (افتراض بدون دليل)
واللي يشرب ماي من غرشته هو اللي بينشر الجراثيم في المجمع (افتراض بدون دليل)
واللي يرفع كمامه وياكل في مطعم ما هذا نظيف وما ينشر الجراثيم ( افتراض بدون دليل)
عموما الوضع كله غلط والازدواجيه والdouble standards وصل لمرحله مب طبيعيه
عندنا
وصخه ومليووون وصاخه بعداقتباس:
المشاركة الأصلية كتبت بواسطة طلعة الروح
سلط عليه نظراتك يبو عبدالله، استخدم الكاريزما يثبت في مكانه، أما اذا مبتسم فاكيد بيرشك رشاقتباس:
المشاركة الأصلية كتبت بواسطة معماري قطري
فعلا عندنا أشياء تصير فيها تناقضات من حيث الإجراءات وكيف تطبق حتى الكمام بالله عليكم لي يمشي في المناطق المفتوحه ليش يلبس كمامه وخاصه مع الرطوبة كيف بيكون وضع الكمامه هل هو صحي وهي صارت مبلله ماعليه تلبس الكمامه في المناطق المزدحمه المغلقة لكن اي وقت لت تخلونا نقول الموضوع ماده بس نبغي نخالفاقتباس:
المشاركة الأصلية كتبت بواسطة طلعة الروح
قول له شكرا وانت ماشي ولا تلتفت له كانه ماهو موجود واللي مايستحي لاتستحي منه ولاتفتكر
بترتاح نفسيتك ذول طفيليات نفس القراد الله يعزكم
ههههههه إسكت في أمريكا كنا ننصاد بسهولة ونشتري عطورهم واسلوبهم يجذبونك وحتى الأسعار معقولة .. كنت من محبي العطور وأجمع كميات كبيرة وللحين بس قبل أكثر .. أوقات كنا نلزق في اللي تبيع العطر نسأل عن تفاصيل صناعته ههههههاقتباس:
المشاركة الأصلية كتبت بواسطة سالم الزهران
الطريقه مزعجه و ممكن تكون خطره في ناس عندهم ربوا و حساسيه صدر أو حتى تحسس من ريحة العود و العطر اللي دخل فيه العوداقتباس:
المشاركة الأصلية كتبت بواسطة ابوالعبد
أعرف مقربين لي إذا شمو دهن العود يتعبون من الجيوب الأنفيه و فيه اللي تتعب لثته و تتورم
وكلها أعراض تحسس من العود
المفروض فعلا يوقفون هالطريقه بالبيع و خلاص اللي خاطره يجرب بيدخل المحل و بيطلب يجرب الجديد
و السلام ختام
إنتهاك الخصوصية استوى عادي عندنا ولا فيه قوانين تمنعه .. المفروض يكون فيه قانون يحدد شاللي ممكن يسوونه اللي يعرضون أي شيء كان .. لوحة مكتوبة ممكن تجذبك للمنتج لكن بائع يوقف على باب محل ويستجدي الناس يدخلون بطريقة فجة هذا انتهاك خصوصية
من يومين وقفت عند محل بعيد عن مكان واحد يقعد يغسل السيارات الا مرتز واقف عند صدام سيارتي .. أول شيء الموقف واسع وبعيد عن مكان جلوسه اللي كله أشوفه فيه قرب مطعم .. ثاني شيء يوم شافني مب مهتم لإشاراته ومشغول مع المراية وشاشة السيارة وأوقف ابتعد شوي ووقف يطالعني مركز ما يشيل عيونه .. طبيعي بانزل معصب وباهزيء به رجال مع حرمة والا لوحده وكنت لوحدي يركزون فيه هشكل نظرة غريبة ومركزة .. تقول استجداء أو طلب مساعدة
أمثال ذيلا بدون قوانين واضحة تحفظ حق الناس في الهدوء وإبعاد النظرات المزعجة عنهم والتصرفات الطفولية الغبية كذلك .. مثل اللي يقولون مبروك فزت معانا وهذيلا إنقطعوا الله يردهم ومثل اللي يتصلون يزعجون العالم وبالغصب .. بدون هذي القوانين وحماية العامة منهم المشكلة بتكون مزعجة وغير حضارية
المحلات التجارية المفروض تحدد مواقفها، وفي بعض الحالات المستعجلة يجوز يكون بصفه صيدلية فاحياناََ صاحب المحل مفروض يقدر ان زبائن الصيدلية يحتاجون الموقف حوالي خمس دقائق فالمفروض يتأقلم.. والناس تصبر على الانسان الصبور واللي ما فيه صبر محد يصبر عليه.اقتباس:
المشاركة الأصلية كتبت بواسطة معماري قطري
في عربستان اذا استدعيت الدورية يسحبون العامل واحياناََ يضطر يصكر المحل اذا هو لحاله.. فانت تعرف انك قاعد تطور الموضوع بشكل ما يستاهل ولا يخدم أحد.
عامل ما يفهم وجهة امنية تطلع حق المشوار من ظهر المشتكى عليه.
نبغي بس شوية مجاملة يا اصحاب المحلات، اذا تضررتم فحطوا عمدان قدام محلاتكم ولا يوقف الا زباينكم.
عندنا الوضع يختلف يا اخوي هذيلا شغلهم قانوني ويعتبرونه قانوني يوقف ويركز عيونه فيك .. العامل لو كلم الدورية وقال قطري سبني القطري ينسجن والدورية تجي مثل البرق .. ولو القطري اشتكى على عامل بعد القطري ممكن ينسجن على حسب نوعه فخم والا غير ذلك والا واصل وربعه في الشرطةاقتباس:
المشاركة الأصلية كتبت بواسطة سالم الزهران
:happy: :happy: :happy:اقتباس:
المشاركة الأصلية كتبت بواسطة معماري قطري
:
وايد مكبرين الموضوع قول شكراً او خذ الورقه وحطها بمخباتك ..
ماراح يلحقك ولا يحلف عليك تشتري :) ..
:app2::app2::app2:اقتباس:
المشاركة الأصلية كتبت بواسطة sara jsm
كنا شباب في بداية حياتنا نروح المول هناك 1988 وفي قطر ما إكتشفوا المول للحين عادي نقعد طول يومنا هناك نتغدى ونتعشى ونعشش في السينما .. ألحين ما لنا نفس ندخل سرعة ونطلع سرعة .. إستانس النهار لأنه عايش الدور ذاك الوقتاقتباس:
المشاركة الأصلية كتبت بواسطة sara jsm
اقتباس:
المشاركة الأصلية كتبت بواسطة معماري قطري
اي شوفه قام يصفق من الوناسه ..
تهيضت مشاعره وتذكر الايام الخوالي :funny:
الله يحفظه ويحفظ الجميعاقتباس:
المشاركة الأصلية كتبت بواسطة sara jsm
بنشوف بنرتب هالمرة طلعة لشياب المنتدى أي واحد بين ال 55 و100 وبنروح قطر مول ونشوف من يطلع أول عليه تكاليف الرحلة
واذا كان متكرون !!!اقتباس:
المشاركة الأصلية كتبت بواسطة sara jsm
اكرون مخباي ليش هههههههه
من البدايه اقوله شكرآ واسحب على مندوبه ابرك لي
اقتباس:
المشاركة الأصلية كتبت بواسطة بومحمد المطاوعه
بومحمد وايد دراما :happy:
ترى العطر نسبه الكحول فيه يمكن 90%
يعني تتطيب وتتعقم في نفس الوقت ههههههههه
ههههههههاقتباس:
المشاركة الأصلية كتبت بواسطة sara jsm
ايي لازم نسوي دراما مع موضوع الكرونا خخخ
صدقتي بس استعبط قليلآ
انا عن نفسي اخذ واحط ف مخباي
على حسب المود حزات ارد السلام واعطيهم نظره
وحزات لو ماسلم اعطيه نظره مارد
حزات اضحك معاه
يعني على حسب المود
ذكرتيني بأخوي الصغير
ف فستفال في مغربيه رشت له عطر
يقول لها نتطيب ف عرسج ان شاءالله
هههههههه
عمي يا بياع العطر قلي العطر بايش قلي
روحوا السينما لان كل اللي بهالعمر يرقدون بنص الفلم:thumbup:اقتباس:
المشاركة الأصلية كتبت بواسطة معماري قطري
شكله ناوي عليها هههههههاقتباس:
المشاركة الأصلية كتبت بواسطة بومحمد المطاوعه
صحيح ..احيانا يبالغون في عملية الترويج ويلحقونك بطريقة غريبة !
انا دايما احاول امشي بعيد عن الكشك وماحط عيني بعينه .
والله من الاساس هالاكشاك تشكل خطر وجودها بنص الممر بالمجمعات والا في تقاطعات المجمعات والمولات
لا قدر الله صارت عملية أخلاء للمجمع بسبب حريق لا قدر الله راح نكرر خطاء حريق فلاجيو
المشكله مهب بس يضايقك ويحرجك قدام الماره البعض منهم يلاحقك قصب تاخذ منه والا يرمي عليك كلامات غزل على البنات البعض منهم قليل ادب
انا اشوف ان المفروض الجهات المختصه تراجع توزيع هالاكشاش بالمجمعات البعض منها حجمها كبير يسبب عايق للماره ولو قدر الله حصل عملية أخلاء بسبب نشوب حريق او اي عمل اخر راح تسبب عائقًا للجمهور ورجال الامن لعملية الأخلاء
مشكلة ادارة المجمعات يهتمون في الربح ويتجاهلون شروط الامن والسلامة للجمهور وعتبي على الجهات المختصه هي المسؤولية عن هذا المفروض مايسمحون للمجمع بالسماح لهم بفتح اكشاك بنص الممرات او بالتقاطعات
لو تلاحظون اي مجمع اول مايفتح مافي اكشاك بعد فترة شوي شوي تزيد الاكشاك وانا اتوقع ان قبل فتح المجمع الاشتراطات من الجهات المختصه ماتسمح بفتح اكشاك ومن شروط الامن والسلامة بعد مايفتح المجمع ادارة المجمع مايهمها تسمح لاصحاب الاكشاك بالفتح واكيد يرجعون للجهات المختصه ياخذون اذن وتصاريح عتبي على هالجزئية لما يرجع ياخذ اذن مره ثانيه الموظف المختص راجع شروط الامن والسلامة ونقاط عمليه الاخلاء بالمجمع
كل مجمع له خريطه لعمليه الاخلاء ونقاط تجمع وتحسب سرعة التجمع حتى عمليه الاخلاء لها حسبه
واسمحولي على اني خرجت عن الموضوع الاساسي للموضوع بس وجب التنبية
اقتباس:
المشاركة الأصلية كتبت بواسطة Azizuk
صادق يابو سعود
والله شوف عيني في مجمع فستيفال الكشك الي بين مطعم شك شاك وشيز اند فكتوري صار موقف بين البياعين وبنات كنت بتدخل بس اتضح لي بان قلة الادب متبادله من الطرفين