السلام عليكم
اخواني اصحاب الخبره وشركات الوسيط العقاري
افيدوني الله يخليكم عندي مبلغ قريب ال مليونين ونصف
اقدر احصل ارض في لوسيل بهالمبلغ مساحته ماتقل عن 1200متر؟؟؟
اتمنى تفيدون اختكم شكرا لكم
السلام عليكم
اخواني اصحاب الخبره وشركات الوسيط العقاري
افيدوني الله يخليكم عندي مبلغ قريب ال مليونين ونصف
اقدر احصل ارض في لوسيل بهالمبلغ مساحته ماتقل عن 1200متر؟؟؟
اتمنى تفيدون اختكم شكرا لكم
حاليا ، للاسف لا ،
1200 في الوسيل سعرها حوالي 5 مليون وطالع حسب الاسعار اللي اشوفها
شكرا اخوي واقع ..
يعني ماقدر احصل على ظ£ظ*ظ* عالاقل للفوت؟؟
300 للفوت مافي ��؟؟
بسأل الشباب اليوم وبردلك خبر أن شاء الله
اتوقع ممكن تحصل ...
هناك ارض كبيرة جدا في الوسيل وهي تتبع بروة وتقع مباشرة غرب أراضي الإجارة.... وسبق أن شاركت بها بروة في معرض ستي سكيب
اتوقع ان يكون لها تأثير كبير على اسعار الأراضي في تلك المنطقة عند طرحها للبيع
بن غيث بانتظارك ..ربي يعطيك على قد نياتك :telephone::telephone:
شكرا اخوي العزيز ((مستثمر رشيد)) على ردك الايجابي..الكل حبطني
بصراحه ريلي عنده مليونين وانا خذت قرض مليون ونبي نشتري ارض بلوسيل
وكل ما سالنا حد قالوا لنا الفوت 480 و 420 ريال!!
مع ان بخاطري نشتري ارض في هالمنطقه الراقيه..
مادري شنو يعني اراضي الاجاره؟هل يعني نقدر نشتريها من شركه الاجاره مباشره؟
واما بخصوص الاراضي الي قلت لي عنها مالت بروه هل اقدر اشتريها منهم؟
بالنسبة لارض الوسيل التابعة لبروة ... هي عبارة عن ارض كبيرة جدا وتقع شمال منطقة الوسيل وتحدها من الشرق اراضي الاجارة الي تم بيعها في السابق من قبل شركة الاجارة ومن الغرب يحدها طريق الخور الساحلي وملعب كأس العالم وسبق أن عرضت بروة مجسم لفلل لارض الوسيل في معرض سيتي سكيب ... وبحسب ما سمعت مؤخرا أن الشركة بصدد وضع استراتيجية لتطوير الارض ومنثما طرحها في السوق أما بيعها كفلل جاهزة أو اراضي فضاء ..... واتوقع أن يتم الاعلان الرسمي عنها خلال الشهور القادمة بحسب إفادة أحد مسؤلي بروة ....
أنا كنت من المهتمين بشراء ارض بمنطقة الوسيل ولكن بسبب زيادة الاسعار بصورة مبالغ فيها حيث وصل سعر الفوت من 300 ريال إلى 430 ريال في اقل من سنة لذلك غيرة فكرتي عن الشراء وانتظر طرح اراضي بروة أن شاء الله ....
فنصيحة اذا مو مستعجلين انتظروا شوي كم شهر وبتحصلون اراضي بسعر ارخص أن شاء الله تعالى
وهذا وصف لارض بروة الوسيل :
مشروع مدينة لوسيل
يقع المشروع في الجزء الشمالي من مدينة لوسيل، ويعد من ضمن أضخم المشاريع السكنية في قطر .
وترتكز فكرة التصميم للمخطط العام للمشروع على دمج المناطق المحيطة بمدينة لوسيل من خلال إنشاء منطقة سكنية حديثة ونابضة بالحياة والتي تمزج بين الأنواع المختلفة من الفلل بالإضافة إلى الشقق السكنية والفنادق و الشقق الفندقية والمباني التجارية ومحلات البيع بالتجزئة والمرافق المجتمعية مثل المدارس والمساجد ورياض الأطفال على أرض تبلغ مساحتها 3,475,863 متر مربع
ويطمح الابتكار في التصميم إلى إضفاء التناغم بين التقليد والحداثة. وقد تم العمل عليه لتحقيق التوازن في التوزيع بين المباني من خلال توفير مساحات خضراء مترابطة. وسوف يتمتع المقيمون في هذه المنطقة الجديدة بالعيش في واحدة من أفضل المناطق اتصالاً بالعاصمة والتي تقدم جميع الاحتياجات المحلية للسكان.
https://www.barwa.com.qa/PhotoGaller...AL-LUSAIL1.jpg
شكرا اخوي مستثمررشيد ...بصراحه ابهرتني بالشرح ..اقتباس:
المشاركة الأصلية كتبت بواسطة مستثمر رشيد
والله اخوي انا مب مستعجلين كلش بس كنت اخاف الاسعار تضرب اكثر...
مثل ماتفضلت اخوي الكريم ..اسعار الفوت عاليه وااايد وتفوق امكانياتي..يعني لو باخذ لي ارض 1000 متر بيطلع لي 4 مليون وشي ... ماقدر...
لكن مثل ماتفضلت شكلي بنتظر اراضي بروه ...
يعطيك الف عافيه
الله يرزقك من حيث لاتحتسب
كانت عندي ارض في لوسيل بوجهها شارع وبظهرها شارع 1200 وبعتها الفوت 320 من سنة تقريبا
والان انعرضت علي ارض بـ 430 ويقول لي أقل سعر الآن :omg:
الدلالين هم اللذين يرفعون الأسعار
انعرضت علي ارض جنب الجامعه بـ 420 ريال طبعا غاليه جدا حيث ان المنطقة قديمة
الدلالين مستغلين وضع 2022 ورافعين الأسعار لو تلاحظ في برنامج مزاد نفس الفلل للبيع وكل يوم يحطون نفس الأعلان وبسعر مرتفع جدا معناه ان الناس ماتشتري بسبب ارتفاع الأسعار
حنا لو نقدر نسوي لنا موقع للعقار من المالك الى المشتري فقط دون دخول الدلال بالموضوع حنا بخير والكل بيستفيد من البيع والشراء
وربي يرزق الجميع
اقتباس:
المشاركة الأصلية كتبت بواسطة swairah
عفوا اختي كلامك في غير محله الدلال او اي مكتب عقارات يبغي يبيع ! ولا يبغي يرفع الاسعار لانه ف الاخير مستفيد عمولة سواء من البائع او المشتري
الارتفاع سبب جشع بعض الملاك … من واقع نعيشه
يعطيكم العافيه على التفاعل
والله اخوي الوسيط العقاري ماعرف هل الارتفاع له علاقه بالدلالين والا ببعض الملاك الجشعين ...
بس اخوي كخبرتك كوسيط شنو تنصحنا فيه؟؟
اقتباس:
المشاركة الأصلية كتبت بواسطة swairah
اولا اخوي الله يبارك لك في بيعتك للارضزز
والله اخوي انا فوق ال300 للفوت احسها صعبه علي ..
بس احس لرتفاع بعض اسعار الفوت يرجع لجشع بعض الملاك وصل الفوت الى 420 رق احسه اوووفر..
مساك بالخير اخوي وسيطاقتباس:
المشاركة الأصلية كتبت بواسطة الوسيط العقاري
اتمنى يتسع صدرك لتعليقي
ايضا ما نعمم ان الملاك هم السبب
في ناس مثلك و شرواك تعاملهم نظيف
لكن ايضا في وسطاء يلعبون بالسعر. و ايضا في منهم يشتري باسم قطري و يبيعه بربح اذا عرف ان الصفقه جيده له
و ايضا في مشترين فيهم نحاسه نفس الملاك و الوسطاء ولو نزلوا لسعره كنسل و قال لا بينزل اكثر و يرسل حد ثاني يعرض سعر اقل و يشوف البائع مضطر ولا لا
بالنهايه بنتفق ان هذا سوق و كل العقليات موجوده سواء بايع او مشتري او وسيط
مافي اي خبر باراضي جديده انطرحت ؟؟!!
الاسعااااار نااااااااار
صج الاراضي لوسيل عليها ضريبه رسوم خدمات ؟!!
شرواك الطيب ❤اقتباس:
المشاركة الأصلية كتبت بواسطة ابو عبدالله.
مرحبا ليس دفاعا عن الوسطاء ويشهد الله .. علىً ذلك
لكن الوسيط من مصلحته ف السعر ينزل عشان يبيع وتتم الصفقه وياخذ عمولته ..
والوسيط لازم يحط سعر مرتفع قليلا عشان يبيع للبايع ..
مثلا انت عندك ارض عرضتها للبيع الفوت ب 250 نهائي ع طلبك
اذا عرضناها بهذا السعر مستحيل مافي اي مشترري مابساوم ووبيحط اسعار اقل من طلبك ف السعر عشان كذا لازم المكتب يرفع سعر الفوت 10 ريال للتفاوض
وفيه دلالين ايضا خربو السوق .. يتصل عميل في مكتب لا يعرف سعر ولا شي ويساله عن الفوت في منطقه ع اساس عنده ارض يحط سعر خيالي المكتب والمالك يرجع يقتنع بسعر المكتب اللي قاله .. ولو تقول له الحقيقه بعضهم يزعل وبعضهم يقول هذا نصب
فيه اللي يفهم ويستوعب وفيه اللي مايستوعب
اقتباس:
المشاركة الأصلية كتبت بواسطة دايموند
اقتباس:
المشاركة الأصلية كتبت بواسطة دايموند
اختاه …..
الكل يتمنى المناطق الراقية بس ( لضرورة احكام ) . هل تحتاجون فعلا لمساحة 1200 م . عقب شراء الارض وراكم بناءً وتشطيب وهذا يحتاج مبالغ ايضا . مدري عن وضعكم المادي والعائلي بس اشوف تاخذون في ( روضة الحمام ) نفس المساحة يطلع اوفر لكم .
اختي
انا شخصياً مب مقتنع بشكل كامل بااراضي منطقة لوسيل، ليش بسبب موقع الارض ولكن بسبب اسعارها المرتفعه الغير مبرره والاشتراطات والرسوم السنويه. صحيح مدينة لوسيل في توسع والكل يرغب فيها ولا هناك مناطق سعر الفوت فيها ارخص بكثير جدا وقريبه جدا من منطقة لوسيل وتوجد فيها خدمات تضاهي الخدمات المقدمه بمدينة لوسيل. مناطق شرق الخيسه وروضة الحمامة الاراضي اسعارها معقوله اكثر. وانا لو عندي مبلغ وتعبان عليه وابغي اشتري ارض، راح افضل اشتري اوض تمون ملكيتها بيدي ومحد يفرض علي اشتراطات ورسوم سنويه.
اذا الواحد بيفكر ياخذ بلوسيل، ياخذ قريب البحر او قريب جدا من المناطق التجاريه والخدميه، اما سعر فوت يتراوح مابين 400 وً 450 في لوسيل بعيده جدا عن العوامل الجاذبه، راح افضل اني اطلع شوي برع لوسيل واشتري بالاماكن القريبه وباسعار معقوله اكثر.
كلام سليم ومنطقى جدآاقتباس:
المشاركة الأصلية كتبت بواسطة blueZircon
كرهتوني بالارض هههههه اخاف اقتنع بكلامكم
انزين سؤال تتوقعون راح تنزل اسعار الاراضي في هالمنطقه؟
اقتباس:
المشاركة الأصلية كتبت بواسطة دايموند
صعب جدا تنزل الاسعار لانه شركة الديار يوم نزلت اراضي القرعه الاخيره، حددتها ب 400 ريال فصار هو السعر المعياري،
مااتوقع ينزل الفوت عن هالسعر حتى بعد كأس العالم بسبب الطلب المتزايد على الاراضي السكنيه خاصه بالمناطق الشماليه اللي من ضمنها لوسيل ، شرق الخيسه، روضة الحمامه. هذي المناطق الطلب عليها متزايد.
بعد سنتين او ثلاث منطقة سميسمه راح تدخل وتصير قريبة جدا من مدينة لوسيل .
بالتوفيق
السلام عليكم ورحمة الله وبركاته
في اراضي صغيرة انعرضت علي 550م عن طريق ديار مليونين ونص وأقساط
اذا تحبين روحي الى شركة ديار عندهم في المنطقة الجديدة بالوسيل
يا جماعه مافي اي اخبار بخصوص طرح اراضي جديده في لوسيل؟؟؟ حد يفيدنا الله يخليكم
مافي حد يبي يبيع ارضه فالوسيل الفوت ب 320 او 340 رق ؟؟
السلام عليكم
كل الاراضي بالوسائل تمليك. يعني عليها رسوم سنويه واذا ملك كامل بعد فيها رسوم اداريه وحتى فواتير الكهرب و الماي تندفع. ولو كانت ببلاش في رسوم لتوصيل الغاز للمنازل
هذا شي
بعض الاراضي موقعها سيء برايي. ممكن ما في عندها مواقف برع البيت او بزاويه او دخله البيت فيها لفات وايد لين الواحد يوصل بيته
في مناطق زينه و قريبه من الوسيل
روضه الحمام من اروع المناطق حاليا
الخيسه و الدفنه الخ. ولا فيها رسوم ولا خدمات يندفع لها
بالتوفيق
حاليا معروضه اراضي في لوسيل على 370 الفوت
وعليكم السلام اخوي بوعبدالله
يعني الي بياخذ ارض اهناك حتى مايقدر يقلبها ارض اسكان ؟
والاهم يعني المواطن بيدفع كهربا وماي وورسوم توصيل الغاز وضريبه سنويه للخدمات ؟؟
مافي ع 340 :strongاقتباس:
المشاركة الأصلية كتبت بواسطة Abjalsulaiti
اقتباس:
المشاركة الأصلية كتبت بواسطة دايموند
موجود على 360 بعد
اذا جاد وجاهز تواصل 55359559