السلام عليكم
شباب افتوني بخصوص الدرون
هل مسموح تطييرها في قطر او استيرادها من الخارج او ما هي الرخص المطلوبة
مع العلم انها تحتوي على كاميرا
عرض للطباعة
السلام عليكم
شباب افتوني بخصوص الدرون
هل مسموح تطييرها في قطر او استيرادها من الخارج او ما هي الرخص المطلوبة
مع العلم انها تحتوي على كاميرا
عليكم السلام
ممنوع استيرادها وممنوع استعمالها
اللي اعرفه عادي تجيبها بس ممنوع تطيرها ومافي عليها تصاريح حتى ..
لهدرجه انا مستهدف تبغون تراقبوني بطيارات بدون طيار
جبت وحدة من زمان ولا عرفت لها بس فيه سهلين وانا همي لتصوير البنيان من فوق خصوصاً وقت الصب
تعرفون ليش سموها درون؟
لأنها تطير بدون ما يدرون
على ما قالوا
كلٍ على همه سرى
انت تبي الدرون حق تصوير البنيان، والشباب في سيلين كانوا يستخدمون الدرون في الحداق، يشيرون الخيط فيها وتوديه بعيد عن السيف.
فاصل:
قبل ما اعتمد المشاركة قلت خلني اتأكد من المثل "كل على همه سره، وانا على همي سريت"
لقيت في قوقل المثل مسوينه اغنية حق رابح صقر!!!!
كلن على همه سرى وأنا على همي سريت
يابو عيون تسحره أوصاف مثلك ما لقيت
أفعل بحالي ما ترى خذيت مني ما عطيت
الحب يباع ويشترى قد بعت في الحب وشريت
جرح المحبة ما برى وأن غبت عني ما سليت
والدمع من عيني جرى كأنك على القلب افتريت
ما ظن ترجع للوراء مدام للقمه رقيت
وهذا مثل قبل جرى وأنا على نهجه مشيت
دمتم سالمين
ههههههه التعليقات :tease:
لازم تسوي عدم ممانعة باستيرادها من النظم الامنية اللي في بوهامور جنب ارامكس واذا وافقوا لازم تعطي الموافقة لشركة الشحن مثل ارامكس او غيرهم وبعد يبيلك تصريح وعليه رسوم عالية
ممكن تتصل على النظم الامنية وبيفيدونك أكثر وطبعا يعتمد على نوعية وحجم الطيارة
خذها من بره لين سافرت
وتدخل معاك عادي
ممنوع تطيرها داخل قطر لكن مب ممنوع امتلاكها
مادري والله عن المركز
شريتها مرتين من برا وحطيتها في شنطه السفر ودخلت عادي
وكذا مرة سافرت اخذها معاي في شنطه اليد ( الطيارة مع بطارياتها )
اسافر وارجع فيها وهي في يدي ولا مره حد كلمني
بحثت عن قانون يمنع امتلاكها مالقيت
لكن لقيت ان ممنوع اطيرها في المجال الجوي القطري كامل الا بتصريح
وبما ان الموضوع يحتاج تصريح عشان اطيرها يعني طبيعي مب ممنوع حيازتها
نفس الشي أول كان الدش، وبعدها كاميرا الجوالات كانت مسببة رعب للناس والحين صارت عادية، الدرون والله فيه ناس تسوي فيها مونتاج وفيديوهات خرافية .. للاسف كل ( مرغوب ) ممنوع !