شركة الخليج للمخازن : الإفصاح عن البيانات المالية 2023

أعلن / أعلنت شركة الخليج للمخازن عن البيانات المالية السنوية للفتره المنتهية في ‏31 ديسمبر‎ 2023حيث بلغ صافي الربح 215,042,813 ريال قطري مقابل صافي الربح 239,583,456 ريال قطري لنفس الفترة من العام الذي سبقه.

كما بلغت ربحية السهم 0.37 ريال قطري في السنوية من العام ‏31 ديسمبر‎ 2023 مقابل ربحية السهم 0.41 ريال قطري لنفس الفترة من العام الذي سبقه.

وافق مجلس الإدارة على توزيع ارباح بقيمة 0.11 ريال قطري بنسبة 11% لكل سهم للعام 2023 ورفع التوصية للجمعية العمومية للموافقة عليها.


انخفاض 10%



https://www.qe.com.qa/ar/displaynews...s?InfoID=39168

اعلان هربان من يوم الخميس

الشركة عندها توسع ومشاريع جديده توها فاتحتها طبيعي يكون في تكاليف وتتاثر الارباح

اقتباس:

---

المشاركة الأصلية كتبت بواسطة ahmed saleh

اعلان هربان من يوم الخميس

---

:nice:

:shy:

اقتباس:

---

المشاركة الأصلية كتبت بواسطة Abjalsulaiti

الشركة عندها توسع ومشاريع جديده توها فاتحتها طبيعي يكون في تكاليف وتتاثر الارباح

---

نعم من الشركات القوية في الدولة محد ينكر هالشي ابدا

التوسع مطلوب

لكن مقياس التوزيع لازم يتوسع شوي بعد ولا شرايك

مب غلط اذا في سنوات استثنائية للتوزيع


لجذب السيولة و المستثمرين

لو موزعين .20 افضل للسهم و المستثمرين

توقعك يالقيصر فاز .. كنت حلمان انهم بيكونون عادلين شوي .. العام موزعين 10 من 41 والسنة 11 من 37 نسبة التوزيع من الربح للعام 24.39% أعتقد كانت الأقل وأكيد أقل منها اللي ما وزعوا كلش يعتبر 0 .. والسنة النسبة 29.73%

نشوف الريان والإسمنت شمسوين

اقتباس:

---

المشاركة الأصلية كتبت بواسطة Abjalsulaiti

الشركة عندها توسع ومشاريع جديده توها فاتحتها طبيعي يكون في تكاليف وتتاثر الارباح

---

هذا صافي ربح يا اخوي بعد استبعاد كل التكاليف المفروض يتوزع غالبه .. إذا يعتبرونه تكاليف بناء المفروض ما يدخل في الربح رابحين 37 وبيوزعون 11 بتبقى 26 درهم هذي شبيسوون فيها كان المفروض العكس يوزعون 26 ويوفرون 11 للنثريات

وبعدين

اقتباس:

---

المشاركة الأصلية كتبت بواسطة معماري قطري

هذا صافي ربح يا اخوي بعد استبعاد كل التكاليف المفروض يتوزع غالبه .. إذا يعتبرونه تكاليف بناء المفروض ما يدخل في الربح رابحين 37 وبيوزعون 11 بتبقى 26 درهم هذي شبيسوون فيها كان المفروض العكس يوزعون 26 ويوفرون 11 للنثريات

---

اقول لك صامل

حتى لو اشوفه 2.8 بعد بزيد فيه

:whistling:

اقتباس:

---

المشاركة الأصلية كتبت بواسطة .:: القيصر ::.

اقول لك صامل

حتى لو اشوفه 2.8 بعد بزيد فيه

:whistling:

---

المخازن سهم العمر و ان شاء الله على المدى المتوسط راح تشوفونه غير ، التوسعات في قطر و السعودية و عمان و هناك كلام على شغل يتم للتوسعه باللوجستكس في امريكا.



اجيليتي تملك بالسهم مع بن جبر و الأثنين مو سهلين بالاستثمار ، أجيليتي حاليا شركة عالمية ماخذة مناقصات ببريطانيا و نص اوروبا بالإضافة إلى استثمارها بأكبر شركة لوجستكس بالعالم !


اللي ماسكين أجيليتي ناس تشتغل صح بس عيبهم يخنقونك خنق بسعر السهم بالسوق ولكن اذا ارتفع ترتفع اسهمهم بجنون لان يكون مضغوط.


بالنهاية الاسهم استثمار ، شنو أفضل من شركة تعطيك سنويا ربح معقول بنسبة تقريبا 4٪ و بعد هالارباح المضمونه راح يرتفع سهمك بيوم من الايام بنسبة مو أقل من 80٪ على مدى 4 سنوات او غيرة يعني بالعربي ربحك السنوي ممكن يتعدى ال 25٪ كمجموع ارباح بعد بيع السهم و لك في العديد من الأسهم أمثله و أولها الأسمنت و الريان !



اللي باله مو طويل لا يدخل السهم نصيحه ، انا عن نفسي اذا عندي فلوس مب محتاجها و اذا بغيت اوزعها على استثمار قليل المخاطر احط نصها وديعة و النص الثاني مخازن من حول ال 3 ريالات على دفعات و انساها مع التحويلية طبعا 😀

توزيع سيء جدا جدا

هل تم التوزيع ؟

اقتباس:

---

المشاركة الأصلية كتبت بواسطة رشودي

هل تم التوزيع ؟

---

نعم اخوتي تم التوزيع واليوم تم ايداع الارباح في حسابات المساهمين

مشكور .. نعم صحيح وصلتني

السلام عليكم ورحمة الله وبركاته. الارباح على اي بنك لو تكرمتوا

اقتباس:

---

المشاركة الأصلية كتبت بواسطة ابومحمد 123

السلام عليكم ورحمة الله وبركاته. الارباح على اي بنك لو تكرمتوا

---

وعليكم السلام الأرباح أخوي تنزل دايركت في حسابك وما أعتقد في حد للحين جالس يراجع البنوك لاستلام الارباح