عرض للطباعة
تحية طيبة الأخوة والأخوات أعضاء المنتدى
أود الاستفسار من أصحاب الخبرة والتجارب .. فيما يخص مكيفات الكاسيت .. وخصوصا من الأعضاء الذين جربوا هذا النوع بشكل فعلي .. أو يعرفون أحد ركبهم وأخذ نصيحته.
ما رأيكم بهذا النوع؟
أيضاً الماركات الجيدة .. ماهي؟
وهل يوجد منه واحد طن، وطن ونصف؟
أفكر بتركيبه في بعض الأماكن في الفيلا .. مثل غرف ملابس مغلقة .. المطبخ لحرية توزيع العناصر .. وبعض الغرف مجبراً نظراً لمكان السرير.
مع الشكر مقدماً لكل من يدلو بدلوه.
من أيام شفت واحد في مجلس ومريح والله نسيت أي شركة كأنه متسوبيشي أو غري .. معاي بالصدفة صاحب شركة تكييف ومدح لي فيه يقول هذا وايد جيد .. شوفه في بندروزا الدفنة صار لهم عمر معتمدين هالنوع
أنا بعد شفت كذا مكان .. مجمعات مركبين منه .. يعني أنا دايماً أشوفه في الأماكن العامة ..
في الفلل ما شفته إلا في مجلس واحد من الربع من زمان (قبل 20 سنة تقريباً) وما يمدحهم .. على ما أذكر مشاكل في الصيانة .. ما أدري تسريب الماي .. المهم يقول إنه ندم .. بس هذا من زمان .. اكيد الحين تغير الوضع .. علشان جذي بغيت أسأل حد مجربهم يعطينا انطباعه ..
المجمعات والشركات اتوقع هناك تعاقد دوري مع شركة صيانة ... الخ.
لكن في المنازل الخاصة ما اعرف .. هل في حد جرب يعطينا رأيه مع الشكر الجزيل مقدماً.
وقت البناء قبل خمس سنوات تعمقت كثير في المكيفات . الكاسيت اذكر يجي فقط اطنان كبيره تقريبا من 3 وطالع ولا ينصح فيه في غرف انوم لانه يدفع الهواء في اربع جهات . وله مشاكل من اشهرها تسريب الماي
ركب قطعة تحت حديد مناسبة قصدي معدنية أو حتى بلاستيكية وركب بايب أوسع شوي حتى ما ينسد وامنع الغبار يدخل بغطاء جيد
اعتذر عن المعلومه الخاطئة . بخصوص حجم الاطنان خربطت بين الكاسيت والاستاند :this:اقتباس:
المشاركة الأصلية كتبت بواسطة سعود.
من فترة سألت وكيل مكيفات جري عن الكاسيت .. أذكر إنه قال لي أقل حجم طن للكاسيت هو 3 طن وطالع .. مافي أقل.
أخبر من زمان كان فيه ماركات ثانية لقيت 1.5 طن و 2 طن .. بس الحين ما أدري .. لازم نسأل
بالنسبة لهذه المشكلة .. حسب كلام شركة مكيفات جري .. إن الموديلات اللي عندهم تدفع الماي، ولما تنسد المواسير يطفي المكيف بشكل آلي ولا يعمل حتى يتم صرف الماي .. بمعنى فيه حساس داخل المكيف، من يلامس الماي يوقف التشغيل، ولا يتم التشغيل إلا بعد الضغط على زر معين داخل المكيف نفسه .. يعني مش من الريموت.اقتباس:
المشاركة الأصلية كتبت بواسطة سعود.
هذه النقطة اللي تخلي الواحد يفكر أكثر من مرة قبل لا يشتري هذا النوع .. خصوصاً أن الأطنان من 3 وطالع .. يعني دفع الهواء بيكون قوي طبعاً .. أنا لما فكرت في هذا النوع كان بسبب خطأ في التأسيس بموقع المكيف في غرفة النوم، وللأسف لم ألحظ هذا الشيء إلا متأخراً، الحل أمامي هو وضع السرير بجهة الشباك، وبهذه الطريقة ابتعد عن مواجهة هواء المكيف، لكن الشباك سيكون غير مفيد، باعتبار الوصول له صعب إلا من خلال الوقوف على السرير.اقتباس:
المشاركة الأصلية كتبت بواسطة سعود.
لهذا فكرت في الكاسيت، لأنه يمكن وضعه فوق السرير مباشرة، وبما أنه في السقف، ما راح يهفني هواء المكيف بشكل مباشر ..
لكن في صعوبة في تنظيف الفلاتر .. باعتبار المكيف فوق السرير مباشرة .. لكن يمكن حل الموضوع من خلال وضعه في موقع قريب من السرير .. وليس فوقه مباشرة ..
لكن النقطة المتخوف منها هو تسريب الماي .. يعني تخيل وأنا نايم ينقط المكيف ماي عليك !!!
لو إني نايم وأنا أحلم بمطر .. ممتاز .. راح يمشي الحلم بشكل واقعي .. مع الإحساس الحقيقي !! :tease:
لهذا وضعت السؤال في المنتدى أشوف في حد جرب ماي المكيف .. العفو :shy: .. قصدي في حد جرب مكيف الكاسيت في غرفة النوم أو لا ..
لا تغامر في بيتك
ركبت سبيلت وريح مخك . ولا تنسى تظلل الوحدات الخارجية . هذي نصيحة معماري قطري ( ابو عبدالله) قالها لي قبل 6 سنوات والحين ساكن من 5 سنوات تقريباً مرتاح جدا
أعتقد خلاص .. غضيت النظر عن مكيفات الكاسيت .. باركب سبليت مع حاجز يمنع تدفق الهواء مباشرة .. يمكن يكون حل لمشكلة مكانه.
ويمكن أركب كاسيت في بعض الممرات عندي في البيت .. والمطبخ الخارجي أفكر في الكاسيت، لكن ارتفاع المطبخ حول 3.30 تقريباً .. ما أعرف كم أنزل في السقف المستعار علشان أقدر أركب كاسيت هناك .. أفيدونا في ذلك.
فكرة حلوه .. اعتقد سمعته من بو عبدالله قبل .. أقدر أظلل الوحدات الخارجية اللي في السطح .. لكن أغلب الوحدات في البنتهاوس الصراحة .. ما أعرف شلون أظللهم !!اقتباس:
المشاركة الأصلية كتبت بواسطة سعود.
أحس البيت من بعيد بيكون شكله غريب !
عموماً أنا حالياً وحدات المكيفات الموجودة في البيت الحالي كلها غير مظللة .. لكن سنوياً مابين شهر 4 و 5 .. أجيب شركة تغسل المكيفات .. والحمد لله حالياً 9 سنوات ما اشتكي منهم في مسألة التبريد .. مكيفاتي كلها جري .. ما عدا لغرفة النوم الماستر .. حطيت فوجي .. لأن طنين ونص .. وفيه خاصية السايلنت .. مكيفات جري (قبل) ما كان منزلين هذه الخاصية في الطنين ونص .. فاضطريت أبدله بفوجي وحطيت الجري في الصالة.
شرفني مروركم أخواني وشاكر لكم تفاعلكم مع الموضوع.
الله يوفقك وأكيد الشمس المباشرة تحرق وتذوب المكونات الضعيفة في المكيفاقتباس:
المشاركة الأصلية كتبت بواسطة سعود.
المفروض البلديات تسمح والتخطيط يشرعون قانون بالسماح بحماية البيوت .. سالفة 15 متر لو تجاوزتها السيف على رقبتك هذي سالفة غبية للأسف ولأسباب كثيرةاقتباس:
المشاركة الأصلية كتبت بواسطة asulaiti
معليش خلوا 15 متر للمنشأءات الطابوقية والخرسانية لكن باسوي ساتر فوق أو قبة بارزة زجاجية بمنظر جمالي ابيه يبرز أو أي بروزات معمارية بسيطة هذي استثنوها
واحد يقول لي قررت أسوي البنتهاوس وسط حيز البيت وجيت قلت ليش ما اسوي أسقف مايلة ودرايش فتحات بس للتهوئة ولتظليل داير السطح متصلة مع سور السقف وبنفس ارتفاع سور السقف لحماية العدة ولأي تخزين بسيط .. يقول قامة القيامة عندهم ولا رضوا
في حالتك ممكن تغطية قماشية وفيه نوعيات قوية وممكن البولي كاربونيت فيه نوعيات شكلها حلو وتعطي ظلال خفيف وخفيفة تتركب بقطاعات المنيوم رخيصة .. ممكن البوليكاربونيت فوق وتحتها شينكو تخفيه والشينكو يظلل 100% وممكن تسويها مثل السواتر من الجوانب اللي تجي منها الشمس .. الحلول وايد ولا بترفعها وايد
باقول لكم نكتتي مع مهندزة سورية شكلها حديثة تخرج .. قالت لي سور سقف البنتهاوس بس حدك 40 سم قلت زين انا بانزل ارتفاع السقف وبارفع السور حر انا ابي عمق للمكيفات بعد نيتي تظليلها قالت لا وتعتبر مخالفة .. فوق هذا درج ما يصير تركب للبنتهاوس .. زين لو صيانة قالت ممنوع حد يركب فوق .. ناس عقلياتهم مصدية صراحة ولازم اروح لمديرهم الكبير الفني واحد منهم وفيهم
حلو هذي محد يطلع ع البنت هاوس :omen2:اقتباس:
المشاركة الأصلية كتبت بواسطة معماري قطري
السليطي
زين انك مطلع ومهتم وهذا شي جيد علشان ماتطيح بالاخطاء
نصيحتي لك من البدايه حدد مكان المكيفات خصوصا الغرف واهم شي حجم الاطنان . يختلف من غرفه لغرفه والصالات
لانها لها حسبه اطول بالعرض بالارتفاع ووووالخ تلقاها شرح مفصل في جوجل او ( بوعبدالله) يشرحها لك . وعن تجربة مكيفات ( جينيرال ) اقوى من ( قري ) وانت صاحب القرار .
نعم .. لكن مكيفات جنرال سعره أعلى بكثير من جري .. وسعر فوجي في الوسط بينهم .. وفوجي جداً ممتاز وأنا جربته عندي.اقتباس:
المشاركة الأصلية كتبت بواسطة سعود.
لكن الميزانية أحياناً تحكمكم، طالما أن مكيفات جري أدائها ممتازة مقارنتها بسعرها .. تظل خيار لا يمكن مقاومته (سويت لهم دعاية !!)
لذلك .. قراري كان .. كل ما يخترب مكيف جري .. استبدله بفوجي .. أو جنرال .. شوي شوي ..
وسبحان الله من خذتهم الحين صار لي 9 سنين .. ما بدلتهم .. وما أعرف الموديلات الجديدة لجري لا زالت بنفس الجودة أم قلت؟
بما أنك تعمقت في المكيفات .. هل درست سوق مكيفات الدكت سبليت؟اقتباس:
المشاركة الأصلية كتبت بواسطة سعود.
إذا عندك معلومات أفيدنا فيها .. خصوصاً في الأسعار والتجارب إذا تعرف حد ركب.
الغالبية مستقرين على متسوبيشي بس انا بقارن بين متسوبيشي وفوجي وجنرال وإحتمال بسيط أضيف لهم الكويتي أظن كولكس بس سمعت عنه إن عندهم مشاكل مع شركة الجابر وكيلهم والجابر تركهم ويتأخرون وايد .. معانا واحد من مدرائهم في القروب ويطمنا كان بس اختفى بعد ما انتشرت سالفة الخلاف والمشاكل وواحد من الربع موقع معاهم .. كولكس رخاص ومكيفاتهم مصنعة للخليج بس تبقى مشاكلهم الإداريةاقتباس:
المشاركة الأصلية كتبت بواسطة asulaiti
الدكتات نسق شغلها مع الشركة الموردة واختار الموديل قبل عمل الدكتات ووايد يسوونها برخيص بعد ومدحوا لي باكستاني محترم .. ولو تبي تسهل على نفسك ابعد عن الصاج غالي وشغله صعب النوعيات الخفيفة تؤدي الغرض