عرض للطباعة
السلام عليكم.
نعم ... من هنا يبدأ الإستثمار ... بالملف المرفق مواعيد انعقاد الجمعيات العمومية للشركات .. وشرح عن الأرباح سواء كاش أم أسهم مجانية .. ولكي تحصل على أكبر فائدة يمكنك الشراء قبل انعقاد الجمعية العمومية بيوم وتبيع بعد الإنعقاد بيوم ... وبذلك .. تحصل على الأرباح والأسهم المجانية إن وجدت.
ولكم سلامي
اضغط على الرابط لتحصل على الملف
http://www.geocities.com/faldarwish/DSMprof.zip
جهد تشكر عليه
وحبيت اضيف ان النقل جمعيته في 12/4/2005
:)
roadrunner
هلا فيك اخوي
وتسلم على إرشاد اخوانك
لان هالاوقات من اهم اوقات البورصه :)
اللهم امين ارزق اخونا من الخير الوفير وبارك له فيه اللهم امين
:)
ان دل هذا دل على نيتك الصافيه وحبك لاخوانك ماتحب لنفسك
هنيئاً لك هذه الروحة الطيبه
يعطيك العافيه
يا اخوان لا تستعجلوا
توجد مخاطرة كبيرة في طريقة
اشتر قبل الجمعية بيوم وبع بعدها بيوم
والمخاطرة كالآتي
لنفرض واحد اشترى اليوم 900 سهم في الاسلامية بسعر 483.4
بـ 436800 ريال بعد خصم العمولة
والجمعية العامة للشركة يوم الأحد (ما في نداول)
وبيبيع يوم الاثنين هذي الأسهم (900) ومعها (600) سهم مجاني بأعلى سعر مسموح ( بيكون 291.2 ريال )
أي 1500 في 291.2 = 4350052 ريال بعد خصم العمولة
يعني باختصار باع بخسارة وما استفاد شي من الأسهم المجانية !!!!
فيه ناس لين الحين على بالهم ان الاسهم المجانية هي (مجانية) بالمعنى الحرفي للكلمة .. وهذا خطأ!!
كلامك عين الصواب يا بو عبدالعزيز .. ولكن مايمنع انه مايبيع على طول .. بل يحتفظ فيهم لمدة اطول
كلامك ابو عبدالعزيز صحيح
بس اخونا العزيز
ماكان يقصد البيع بعد الجمعية بيوم بالضبط حتى فاليوم ترى اذا فتح السوق مثل ماقلت 291
لاتنسى في 5% ارتفاع
يمكن ايجيه الحظ ويبيع بها
305 لمت اب × 1500 = 458325 ريال
وهو شاري ب 436800 انا احب اشيل الكسور في كل شي
يعني باذن الله يربح 21الاف
وانتوا شيلوا العموله;)
السلام عليكم.اقتباس:
المشاركة الأصلية كتبت بواسطة أبو عبدالعزيز
أخوي ... اذا توزعت اسهم مجانية يعني بتزيد اسهمك ... ولو حسبت ال 5% على الحسبة الجديدة بتطلع ربحان في حالة اللمت أب .. وهذا هو الحاصل هذي الأيام .. وغير الأرباح الي بتستلمها بعد ..
اقتباس:
المشاركة الأصلية كتبت بواسطة roadrunner
وعليكم السلام ،
أخي الكريم ، بما أنك مصر على رأيك بهالقوة
اسمح لي أن أخالفك في الرأي وبقوة
وذلك كالآتي :
الربح اللي ممكن الواحد يستفيده من الاسلامية بهالطريقة "اشترقبلها بيوم وبعه بعدها"
هو خسارة مقارنة بلو الواحد أحسن الاختيار
فمثلا لو الواحد اشترى يوم الخميس في الاسمنت بنفس المبلغ المقدر اعني 436800 ريال
436800 / سعر سهم اسمنت 429.6 = 1012 سهم بعد خصم العمولة
ففي يوم الاحد بيكون سعرها ( حالة الليمت اب ) 451 في 1012 = 455000 ريال
ويوم الاثنين 473.5 في 1012 = 478000 ريال تقريبا
ويوم الثلاثاء كذلك ثم يوم الاربعاء اسهم مجانية 50%
فإيش أحسن برايك ؟
يعني باختصار اللي أعنيه وأريد قوله :
إن الواحد يحسن الاختيار أولا ( التنشين )
ثم يختار الوقت المنسب للتنفيذ
والتوفيق من الله
ابو عبدالعزيز
كلامك على العين والراس وصحيح 100%
بس مرات الواحد ايلاقي الفرصة جدامه ممتازه
ومايتوقع انه ايصير بيع في الشركة الافضل
مثل الاسلامية والاسمنت
لقيت فرصة اشتري بالاسلامية شريت
في نفس االوقت حاط اوردر على الاسمنت وماتنفذ
مش احسن اضمن الاسلامية؟
مثال اخر
خل انقول السلام
ربحان اللي يشتري فيه
لكن هل انطره اسابيع ومااحصله؟
واتم انطره؟ ام انتقل الى شركه اخرى؟
سانتقل ولو كان على يوم الخميس باخذ الاسلاميه
عشان ابيع الثلاثا وارجع انطر الدور في السلام
:)
تحياتي لك
ممكن افهم هالكلام الي قاله الاخ
بالذات هالنقطه ان :
الجمعية العامة للشركة يوم الأحد (ما في تداول)
وبيبيع يوم الاثنين هذي الأسهم (900) ومعها (600) سهم مجاني بأعلى سعر مسموح ( بيكون 291.2 ريال )
شنو يعني اعلى سعر مسموح مافهمت وشلون يعني ماستفاد شي
اقتباس:
المشاركة الأصلية كتبت بواسطة qatar_moon
إذا شركة وزعت أسهم مجانية يوم الاثنين بنسبة 50%
وكان متوسط السعر يوم الأحد 120 ريال مثلا
فسعر التداول يوم الثلاثاء بيكون 120 / 1.50 = 80 ريال
مافهمت لاتعصبون بس فهموني الحين السهم اشتريه ب 400 وشي وابيعه ب 80 شلون هذي :mad:
فهموني شوي شوي تراني اول مره اشوف هالسالفه
ابي شرح بالتفصيل الممل :D