عرض للطباعة
السلام عليكم ورحمة الله وبركاته
بغيت اشكر الكل على المساعده في اختيار الاستشاري.
لله الحمد اطلعت رخصة البناء الاوليه لعمارة الوكرة (ارضي + 3). حالياً في مرحلة اختيار المقاول. بعد دراسة العروض احترت بين 5 مقاولين وبغيت رايكم:
1- كافود للمقاولات
2- الحطاب للمقاولات
3- راحة للمقاولات
4- كونسيرف للمقاولات
5- بلاك اوت للمقاولات
بغيت رايكم عن المقاولين فوق واذا عندكم اقتراح لمقاول اخر تشوفونه زين؟
اللي سمعت عن شغله انه زين راحة للمقاولات ولو اني ما حبيت تعاملهم لكن اسأل عن أي مقاول في المحاكم و اذا عليه مشاكل تجنبه!
كونسيرف شركة قديمة و شغلهم زين ... الحطاب جيد بعد .. اما الباقي ما اعرف عنهمّ ..
اخونا معماري قطري ممكن ينفعك!
اهم شي في التعامل مع المقاول هو العقد و الدفعات ... حط كل شروطك في العقد و لا تتساهل في أي بند بينهم و دامك توفقت في استشاري جيد فلا تهمل حقك ..
نصيحة مني ان الدفعات زيدها و قلل قيمة كل منها و خل الدفعة الاخيرة ما تقل عن 10% من المجموع
الله يوفقك و عطني اسم الاستشاري لا تهون!
تسلم ياخوي على النصايح. معماري قطر مايقصر.اقتباس:
المشاركة الأصلية كتبت بواسطة SouthK
كلامك صحيح شركة راحة ممتازة. قعدت مع المهندس وسعرهم حلو.
الاستشاري هو اتاك للاستشارات الهندسية
للرفع للفايدة
انا في مرحلة اختيار مقاول
كلما وسعت قاعدة المقاولين المدعوين للمناقصة بس يكونون متقاربين في المستوى والتصنيف كلما حصلت منافسة أقوى للحصول على الشغل .. وفي التفاوض ركز على 3 وانسى الباقي ولا تركز على الأقل الا لو كان يعتبر جيد أو وسط الجودة من الموجودين .. حدود 10 مقاولين مناسبةاقتباس:
المشاركة الأصلية كتبت بواسطة ALJokar
محمد بن علي النعمة جيد بعد وهو من خريجي ميامي في السبعينات ومتخصص ببناء المساجد مع الأوقاف وبنى مسجد منطقتنا وهو رجال محترم .. فيه شركة اشتغلت لي شغلات بسيطة وكان تعاملهم طيب اسمها مافا .. الاسم يخوف شوي بس مالكها ومديرها قطري محترم ومقرها في شارع آل شافي
الشركات الكبيرة غالبيتها اتجهت لتكوين شركة صغيرة للمشاريع الصغيرة بس يدعمونها بعمال ومعدات وقت الحاجة والشركات الكبيرة شغلهم شغل سمعة ودعاية للشركات وعلاقات .. مثل المتحدة للمانع ومدماك والبندري واتش كي اتش .. بعضهم ما دخلوا المنافسة وبعضهم دخلوا .. ونسيت كم اسم جديد وقوي من الشركات اللي انولدوا كبار
تدمر عندك وشركات الكعبي كم شركة .. وأخيراً شركة ماهر العطار صديق العمر وهي شركة صغرى تكونت من شركة هندسة البناء القطرية اسمها تغير لليلز أند أندرو بعد توأمتها مع شركة أمريكية داخلة السوق بقوة .. الأخيرة عطوني تسعير لبيت مرة ما توقعت ونصحت المالك به بس كان متردد .. وكذلك حق واحد من الأهل سعروا ب 2.2 مليون لكن خذ شركة طايح حضها بمليونين وتعثر معاهم واختلف وألغى العقد واشتغل يكمل بروحه والله يعينه داخل على السنة الخامسة ووراه مشوار
الحطاب وشرايكم فيه اتمنى احد يفيدنا
أصعب سوأل الله يعينك
بالتوفيق
الحطاب الكعبي أظن سمعت عنهم كل خير بس ما جربتهم .. قبل السمعة ركز على عقدك وعلى شغل الشركة الحالي ومستواها وتراخيصها وكم موظف ومهندس وعامل عندهماقتباس:
المشاركة الأصلية كتبت بواسطة ALJokar