اتفق معك من ناحية شركاتنا اصغر بس مش معقوله كل الهوامير فلوسهم شوي ولاتنسى لو الدولة تدخل علشان يكون فيه انظباط بالبناء وتطوير العقار
وتذكرت فيه هالفيديو برنامج Extreme Makeover Home
https://www.youtube.com/watch?v=m3uQX3Oki8Q
واكيد باخذون من العائلة الاقساط ويكون فيه ترتيب حسب ماعرفت وبحثت عن البرنامج وعندهم بيوتهم في خلال اشهر تكون جاهزه ويكون فيه جدول زمني ماشين عليه
عندنا بس مش بنفس الفكره خصوصا مشروع الوسيل تتملك الشقه بالتقسيط خمس سنوات والفيلاه بتسع سنوات وهذه بتكون الاقساط عاليه
لو كان مدعوم من الدولة وببرنامج مثل بنك التنميه وشلون الكل ملتزم في دفع اقساط بنك التنمية لمدة اعتقد 20 او 30 سنه واقساطها 3000 وشوي نفس الفكره بس مع شركات تطوير البناء صدقتني بتنظيم بتمشي وكل واحد حسب طاقته لان المواطن الحين براحه يدفع ايجار 15000 ويمكن اكثر بعد فليش مايكون الي يدفعه ايجار يكون في بيت ملك له
كلامك صحيح لكن انت تتكلم على الجيل التالي الي عايش برفاهيه بعضهم مافيه تخطيط ولا ترتيب وماعنده ثقافة الادخار
لكن البعض الاخر مااشترى سيارة ولا سافر لكن سحب سلفه للاسباب شخصيه زواج او يسفر امه علاج ولاتنسى بعض الاخوان في العائلة يسوي مشروع او تجارة من غير علم عائلته ولما ينصبون عليه او تخسر شركته ويكون مطالب بتسديد ديونه في الاخير بطيح على راس من العائلة كلها ولازم نسحب وندفع له ديونه ولاتنسى غير الي يدفع للبيت وغير الي يعطي امه وبعض الاخوان والاخوات في البيت ولا يحط ريال وتستحي تتكلم معهم فيصير الحمل على شخص يكون شايل هم الكل
وفيه جزئية اخوي ابو عبدالله الي جنير راتبه ستين وين مكانه انا بقدم فيه
انا جنير وراتبي ماوصل نص راتبه
وفي الاخير
احترم رايك ومن الاشخاص الي احب اقر ردودهم لانك ماشاء الله تشرح وتفصل ردودك