اللوحات المغبره بأثار المطر ...

السلام عليكم ورحمة الله وبركاتة ..

شخباركم يا اخواني واخواتي ..

موضوع اليوم ..

بعض السيارات والشاحنات والباصات ..
من بعد هطول الأمطار على دولتنا الحبيبه ..

اسأل الله ان يجعلها امطار خير وبركه ..

لاحظت بعض السيارات اللوحه الخلفيه من اثار المطر والاتربه على الشارع ..

تغطي اللوحه ولايبين شيء منها ..

سؤالي لك انت صاحب السياره ..

هل تعلم ان هذا الأمر مخالف قانونيآ .؟

مابي اقول مستحيل ماشاف ولكن بقول 90% يدري ان سيارته وصخه واللوحه ماتبين ..؟
انزين ليش ماتنظف اللوحه على الأقل ..؟

الشاحنات بعضهم نشوفهم منظفين اللوحه وبعضهم لا
وحتى الباصات وبعض السيارات ..

اتمنى من كل شخص ينظف لوحة سيارته .. ولايستغل هذي الفرصه بأخفاء اللوحه بحجه .. المطر ..

اتمنى الفكره وصلت لكل شخص ..


وادري بحصل ردود ضد الموضوع .. ولكن حط نفسك لاسمح الله مكان اي انسان مدعوم في الشارع ..

او متسببين عليه بشيء ومحد قدر يسجل رقم السياره ..

بسبب التراب على اللوحه ..

بتعرف عقب معنى ومقصد موضوعي :)

الله يحفظكم من الشر

كلها يومين وتحصل كل سيارات قطر نظيفه
طول بالك يابومحمد

اقتباس:

---

المشاركة الأصلية كتبت بواسطة MAZEN37

كلها يومين وتحصل كل سيارات قطر نظيفه
طول بالك يابومحمد

---

مب سالفه اطول بالي
ولا سالفه يومين اخوي ..

السالفه ان هذا الأمر مخالف ..

تخيل في هذي اليومين
دعم طفل وشرد ...؟

اشلون بتصيد رقمه .؟.

بتروح تشتكي بتقول لهم سياره واللوحه مغبره ..

لا اله الا الله محمد رسول الله ..

قال ايش فرعنك يا فرعون قال مالقيت حد يردني

الاخ بولوحه مغبره لو انه يدري انه لو شافه شرطي كان بيوقفه و بيخالفه ،، كان لممع لوحته قبل لا يطلع من البيت

اقتباس:

---

المشاركة الأصلية كتبت بواسطة Aaziz

قال ايش فرعنك يا فرعون قال مالقيت حد يردني

الاخ بولوحه مغبره لو انه يدري انه لو شافه شرطي كان بيوقفه و بيخالفه ،، كان لممع لوحته قبل لا يطلع من البيت

---

صدقت والله
بس بعد العتب على راعي الموتر ،، الي يخلي اللوحه ،، جذي

للرفع ،،،