السلام عليكم و رحمة الله و بركاته ،،
مثل ما هو واضح فالعنوان وين أقدر ألقى محلات تبيع هذه الأغطية ألي تمنع الطيور من التعشيش في فتحات المراوح ، و تكون مصنوعة من مادة ثانية غير الجي آر سي .
و شكراً ...
و السلام عليكم و رحمة الله و بركاته ...
عرض للطباعة
السلام عليكم و رحمة الله و بركاته ،،
مثل ما هو واضح فالعنوان وين أقدر ألقى محلات تبيع هذه الأغطية ألي تمنع الطيور من التعشيش في فتحات المراوح ، و تكون مصنوعة من مادة ثانية غير الجي آر سي .
و شكراً ...
و السلام عليكم و رحمة الله و بركاته ...
البلاستيك اللي يتسكر وينفتح موجود عند الدرويش وخفته تخليه ينفتح بسهولة وقت التشغيل .. قطره 4 إنش يركب على أغلب الفتحات
فيه نوعيات ثانية بعضها تجي بشبك المنيوم عن الطيور بس ما يتسكر ويدخل غبار وهذي موجودة عند محلات مواد البناء الكثيرة ولو انت قريب من العزيزية فيه كم محل يبيعونها .. فيه بعد نوعيات معدن تسكر وتنفتح ممكن تكون أفضل من البلاستيك في نفس المحلات ذي .. حل أخير ممكن تركب كوع بايب 4 انش محني لتحت ومغطى بشبك يمنع الغبار ويسمح بخروج الهواء ويمنع الطيور بس شكله بيبين واضح
هذا مقطع يوضح طريقة عملها وهذا مركبه داخلي حتى يمرر الهواء من غرفة ملابس مجاورة مكيفة ليستبدل الهواء المشفوط في دورة المياه
كنت جايب أبيض بس اللي يركب ركب لي الأسود ولصقه بلاصق .. وهذي طريقة جيدة لتهوية دورة المياه والمحافظة على مراوح الشفط لأنها تشتغل بأريحية هواء داخل وهو خارج ولا عليها ضغط
https://www.youtube.com/watch?v=lloGZJdvRCE
للخارج نفس الطريقة
صباح الخير جميعآ
موجود في برورة التجاري محل اسمة ( kdk ) مبني رقم 9 بابة يفتح شرق
مصنوع من الالمنيوم نفس الصورة ادناة
ملف مرفق 100588
لكم وحشه والله
يامعشر البنايون والمعماريون*
دخلت القسم حصلت تعشيش ليش هدوء كذا ؟؟؟؟
انا مفصل غطاء خارجي لمراوح الشطف من المنيوم وشبك حديد من سوق الحراج
اي محل المنيوم يسوي لك واللون الي تبيه
صباح النور والسرور
انت من رحت استويت انا بروحي ادور في دواعيس القسم
واللي حطيته يبين أقوى وعملي أكثر الخوف فقط من دخول الغبار .. انا يمكن نافعني أكثر سمك الحايط كبير حول 45 سم ولو ركبت البايب بسلوب بسيط فرق 1 سم ولا اثنين مايل جهة الخارج الغبار ينزل على برا ولا يدخل على داخل احتمال .. لكن الشتر اللي يسكر بالكامل أفضل ومن يدفعه الهواء يصك والغبار ما يدخل ومن تشتغل المروحة بدفع هواء المروحة ينفتح مثل ما الفيديو موضح
في الفيديو كنت افتح الباب تنزل الريش ومن اسكره يدخل الهواء من الفتحة لأن يستوي ضغط والفتحة الوحيدة اللي فوق ومنها تبريد مناسب لدورة المياه
هذي الطريقة اخوي سعود اللي مصورها فيديو وايد نفعتني
يدخل الهواء غرفة الملابس وهي بباب فيه لوفر خشب تحت يدخل الهواء وبدون مكيف .. المكيف في الممر بس دوم باردة بسبب التهوئة .. ينشفط الهواء من الحمام للخارج وينشفط من غرفة الملابس للحمام وينشفط من الممر لغرفة الملابس .. كذلك لو الباب اللي صوب الغرفة مفتوح يدخل منه هواء بارد من الغرفة
خطتي للبيت الجديد ذكرتها أسوي حديقة وسطية يدخلها هواء خارجي من بايب تحت الأرض وبايبات تنقل الهواء من الحديقة الداخلية والمكيفة تكييف بسيط لتلطيف الهواء وحديقة طبيعي تكون فيها اوكسجين وهواء نقي .. منها بامدد بايبات للغرف تكون فتحة دخول الهواء تحت السرير مثلاً مخفية ومن الغرف ينشفط الهواء لغرف الملابس ومنها للحمامات ومنها للخارج