السلام عليكم و رحمة الله و بركاته
الشهر الماضي و بدون سابق انذار قطعت اووريدوو عني كل خدماتها الساعه 12:30 بالليل ....نت و جوال و تليفون ارضي و موزايك ...الحمد لله انه 111 يشتغل.... اتصلت عليهم و سألت ليش قطعتوا الخدمه قالوا انت استهلكت 80% من الرصيد اللي عندك !!!!.....طيب ممنوع يعني استخدم ال 20% الباقيه و الا ايش بالزبط؟؟!!!.... انا اعرف القطع عن الناس المتأخره عن دفع المبالغ اللي عليها بس و متجاوزتها.
امس و بدون سابق انذار انقطعت خدمة الموزايك و بعدة محاولات كثيره اتصلت عليهم مرتين على الدعم الفني و ما احد يرد طبعا لاكثر من نصف ساعه
اتصلت مره ثانيه على اساس اريد اطلب الاشتراك بخدمة الموزايك ...رد علي الموظف بعد اقل من خمس دقايق....طالما اشتراك جديد و فلوس جديده بيردوا على التليفون......سألته عن المشكله قالي قاطعين عنك الخدمة بالغلط... و هالشي ممكن يصير مره كل مية مره و الا الف مره!!!
اذكر انه اووريدوو كنا بس نتصل فيهم يقولون انت المتصل رقم خمسه و في اربعه قبلك ... الحين رجعوا ننتظرهم بدون نهايه و بدون اي توضيح مثل قبل
والله لو في مشغل اخر في قطر ما اعتقد بيسون هالشي كله