اقتباس:
المشاركة الأصلية كتبت بواسطة بصمة قطرية
السلام عليكم و رحمة الله و بركاته
إستفساري بخصوص حبوب Concor Cor
الخاصة بتخفيف نبضات القلب المتسارعه ..
الخفقان ..
الـ ( Palpitation ) ..
حد جرب هالحبوب ..؟
الدكتور كتب لي جرعة جداً بسيطة
لكن قال لي راح تاخذينها طول العمر ..
الجرعة نص حبوب يومياً في النهار الحبة عبارة عن 2.5mg
لين الحين مافي سبب لتسارع النبض ..!!!
انا عندي الضغط، وكنت اخذ هذي الحبوب بس بشكل مب منتظم يعني كل يومين حبة، لأني كنت العب رياضة، وما كنت ابي اداوم على الحبوب.
بس في الفترة الأخيرة وقفت عن الرياضة، وبديت احس بدورة ودوخة خاصة وقت السجود في الصلاة.
رحت المركز الصحي، وكان هناك طبيب الله يجزاه خير، قال لي: احنا لما كنا ندرس طب علمونا ان حبوب الكونكور تحب اللي يحبها، وتتعب اللي ما يحبها ولا يداوم عليها.
ومن يومها وانا مداوم عليها واموري الحمد لله طيبة، خاصة ان الجرعة 2.5 ملغ جرعة بسيطة.
بس ما يسير توقفون عنها مباشرة، لازم بالتدريج وتحت اشراف طبيب.
و سلامات ان شاء الله وما عليك شر.