السلام عليكم ,, اختي الكريم,, بخصوص الام بي ايه. شخصيا قمت بالبحث عن الخيارات , لاني ناوي ادرس ام بي ايه , ان شالله
بريطانيا,, ميزتها انه الدراسه فيها سنه,, في جميع الجامعات تقريبا
امريكا ,, سنه الى سنتين,, على حسب الجامعه ,, وعلى حسب همتج,,
بريطانيا وامريكا القبول فيهم اسهل من القبول في جامعه قطر,, ولد عمي انقبل في "هارفرد" بمعدل 3.2 واظن قطر يبون 3.3,, يعني هارفرد اقبلته وقطر ماتقبله,,
كندا,, اصعب بلد للدراسه في العالم,, البلد ممتازه ,, لكن الدراسه جدا قويه ,, ومتعبه. ومدتها من سنه الى سنتين,,
احسن الخيارات بالنسبه لكي,, الامارات , او البحرين,,
فيه جامعتين في البحرين يعطون ام بي ايه ,, وحده امريكيه وثنتين بريطانيات
وحده اسمها hull university
خالي درس فيها ,, ويقول انها مش قويه,, مع انه اسمها معروف
وجامعه ثانيه اسمها Strathclyde
وهذي عندي خال ثاني درس فيها,, وهذي بعض المعلومات عنها:
,,جامعه قويه , ومن اقوى الجامعات ,, والامتحانات من بريطانيا, ونظام الدراسه مريح جدا ,, حيث انه معظم المواد تعتمد على "الدراسه الذاتيه" ويمكنج ان تداومين في الدوحه, اوقات الامتحانات تروحين تقدمينها وترجعين,,,, يعني روحاتج للبحرين بتكون مابين مره في الشهر,, الى مره في الشهرين,,
http://www.gsb.strath.ac.uk/mba/stud...ional/bahrain/
هذا موقعهم
اذا حابه معلومات زياده عن الجامعه ,, خبريني,