-
أيهما تختار تصبر أو تدفع
كل ما نذهب لمستشفى حمد العام خاصه
بالفتره الصباحيه
لابد أن نواجه المشكله هي قديمه لكنها
تتجدد يوميآ
من فتره الصباح ولغايه فتره الظهيره ولم نرى
لها الحل المناسب تتحقق
فهذه المشكله هي قله عدد مواقف السيارات مقارنه بكثره
عدد المراجعين للعيادات الخارجيه وللزوار بالمستشفى
ولكي تحصل على موقف فأنك لابد أن ( تصبر )
وتضطر أن تأخذ جولات عديده حول المواقف بسبب
زحمه السيارات
وقد يأخذ منك وقت طويل لتحصل على الموقف
وربما تتأخر عن موعدك
أو أنك تضطر تقف بجانب الرصيف وتأتي دوريه المرور
والتي أصبح مهمتها الأساسيه وضع أستماره
مخالفه الوقوف بدلآ من تنظيم حركه السير
أو أنك تسلم سيارتك لقسم خدمه الزبائن لركن السيارات
مقابل أعطائهم خمسه عشره ريال
الموضوع صار ( أستثمار تجاري ) هدفه ( جمع الأموال )
كله على حساب المواطنين والمقيمين وتعبهم وصحتهم
نتمنى من الساده المسؤولين أن يضعوا الحلول
المناسبه لهذه المشكله ( القديمه المتجدده ) قبل أن
تتفاقم أكثر سوءآ
وسلامتكم
-
بوسعود يعطيك العافيه
من شهر وشيء رحت المستشفى وعشان اني مستعجل عطيت خدمة ركن السيارة
طلعت وخذت موتري رحت خلصت شغله ورديت قلت بوقف في المواقف طبعاً حست لين قلت بس
وانا الف اشوف باركات خدمة ركن السيارة فل ومواتر موقفينها في المواقف مظلله وبعضها داخل مواقفهم لكن فالشمس يعني انا ادفع فلوسي عشان تريحوني تاخذون سيارتي
وبالمقابل ابيها في الظلال واقفه مب فالشمس ..
وانزل واروح حق مال الخدمة قلت له انت تاخذ مواتر العالم توقفها فالشمس ما عندك مكان لا تستلم المواتر وتوهقنا وتوهق غيرنا
زيدو مواقفهم والي بيدفع يدفع بس ادفع واخرتها موتري موقفينه فالشمس ليش !!!
-
وانت تدور في المواقف ، كم دريول تلقاه متكي في السياره وشاغل الموقف ؟
لو امنعوا الدريولية أو اي احد ثاني شاغل الموقف وهو في السياره ، بتتوفر مواقف للمرضى والمراجعين ولا ؟
-
اذا كلش كلش
وقف فوق الرصيف مب جنب الرصيف في حمد ولا اي مكان ثاني
فوق الرصيف مخالفتها 300 ريال مع الخصم 150 ريال
جنب الرصيف المخالفه اسمها عرقله سير وقيمتها 500 ريال
بالنسبه لي 150 ريال انسب لي ، ولا انه يروح علي الموعد اللي لقيته بطلعه الروح
طبعا هالكلام اذا مافي خدمه صف سيارات
-
الا محطة ريل قرب المستشفى ما فكروا فيها
-
اختار اني اموت بدل ماتعالج
واذا بروح زيارة ضرورية اروح بكروة دام نفس سعر خدمة المواقف :weeping:
-
على فكرة
في مواقف متعددة الطوابق جديدة في حمد مجابل مدخل مستشفى الولادة وفيها مواقف فاضية وفي ساحة جديدة عند المدخل بعد دوار الرياضة. اذا تصف هناك اتجه لطوارئ مستشفى النساء وفي ممر يوصلك لمستشفى حمد جهة غرف العمليات يعني المسافة مو بعيدة بس الناس ماتدري عن هالطريق
-
,
,
مرحبا
المواقف مشكله قديمه جديده
ومستشفى حمد بصراحه حطوا حلول كثيره لمواجهه الاعداد المتزايده
منها تكبير المواقف
وعمل اكثر من ساحه
ومنها مبنى متعدد الطوابق
ومنها ( خدمه ركن السيارات)
وما زالت المشكله متواجده
حتى لو حطوا محطه قطار
ومحطه باص
( الناس بقطر كل واحد بسيارته )
مع ان محطه قطار
ومحطه باص
( اصبحت ضروريه )
اذا جهزت المستشفيات الجديده
بالمناطق والمدن الثانيه
اعتقد بيكون هذا افضل حل
,
,
-
مب كافي المواعيد بعد شهور ودكاترة بيطرين ولايعرفون يشخصون ولايعالجون وفوق هذا كله مافي مواقف
:)
-
الأفضل زيارة عيادات الخاصه بدل من مستشفى حمد الذي يعاني المرضى من تأخر المواعيد وزحمة المواقف على مدار السنه