وين مكان رافكو ؟
عرض للطباعة
لا تستحين ام راشد1ولاتترددين
إذا انتي مقتنعة بالتشميخ والترخيم ممكن يكون باصباغ حديثة , سوي الي انتي حابته عشان ماتندمين اهم شي الراحة النفسية للشخص وبعدين سوي عينات ومب خسرانة شي وشوفي الي يناسبك ممكن اسوي الكادورو في غرفه ولاكن مايناسبها اهم شي الاقتناع ... الله يوفقك
اصباغ رغدان اخذي دوار قطر للديكور ورجعي كأنك راجعة الدوحة قبل جسر مدماك بكذا متر تلقينة على يمينك
لا لا ام راشد والله مب قصدي اني اقول عنج دقة قديمة حاشا لله ، وانا واحدة مسوية بيتي تعتيق وترخيم ومن سنتين ، ووايد كنت اشوفه في مسلسلات كويتية ، لذلك قديم
اذا ترتاحين له سويه ، بس لانه النفس تحب التغير فسوي الجديد يتم معاج فترة اطول
هذا كل ماقصده واسفة اذا فهمتني غلط
http://im41.gulfup.com/KWPrJ.bmp
هاذي صورة صبغ الكادورو كأنه مثل الشامواه عالسقف وخلف السرير
اصباغ تكنو جيده تقنيه المانيه صناعه سعوديه
واصلوا موضوع مهم .. الكودورو أول مره أسمع عنه والطليان ما خلوا شيء فنانين في كل شيء.
,
,
السلام عليكم
اختي ام راشد منزل مبارك ان شاء الله
في عالم الاصباغ كل منتج له اكثر من اسم يختلف بحسب الشركة
على سبيل المثال لا الحصر في الجزيرة اسمه مارمو وفي جوتن اسمه ستيكو
وشكل البوية يعتمد على طريقة الشغل يعني ممكن تختلف عن الكتالوج زي الروشن مثلاً
الأشكال في الكتالوج تختلف عن المعروض وكله حسب طريقة الشغل والفرش " الرولات " المستخدمة او المسطرين
مع العلم ان مهاره العامل تلعب دور كبير بالفنش
كادورو نوع من الاصباغ من شركة رغدان يقابله فلفيت من الجزيرة يعطيك فخامة موعادية مع الأضاءات يغيرلك شكل البيت
وهو عباره عن دهان مائي داخلي ديكوري عالي الجودة صمم بحيث يعطي الشكل المخملي الفخم ,
يعتمد في تصنيعه على المستحلبات الأكريليكية النقية .
اذا المدخل ضيق عشان تعطي اتساع اختاري الالوان الفاتحة
واذا مدخلك مناسب اختاري لون غامق شوي مع الأضاءة حيطلع روعة
على اي حال انتي حاولي ماتكثري بويات والوان افضل وبدعي في الأضاءة والأكسسوارات
ارقى وانعم خليلك في كل غرفة جدار واحد دهان ديكوري وبقية الجدران تكون سادة بلون مناسب
بالنهاية بيتك مملكتك انتي ادرى باللي تحتاجينه و ان شاء الله بقية الاعضاء ما يقصرون معاك
وان شاء لله اكون افدتك بحسب خبرتي المتواضعة منزل مبارك باذن الله
,
,