انا عندي سجل عقارات وتجارة مواد بناء وصراحه ابي اشغله لكن مادري من وين ابدى فياليت تفيدوني بالتفاصيل وشاكره لكم
عرض للطباعة
انا عندي سجل عقارات وتجارة مواد بناء وصراحه ابي اشغله لكن مادري من وين ابدى فياليت تفيدوني بالتفاصيل وشاكره لكم
الله يوفقج يا ام فيصل ان شاء اللهاقتباس:
المشاركة الأصلية كتبت بواسطة ام فيصل333
ونصيحتي لج ولوجه الله تعالى .. ويشهد الله اني صادق فيها :
عليج بالتواصل مع اخونا شموخ دائم " حفظه الله "
حسب معلوماتي هو انسب شخص يقدر يفيدج بمثل هالمواضيع .. وذلك من واقع تجربته
وخبرته الشخصية
بالتوفيق مرة ثانية ان شاء الله .. ولا تنسين نصيبي من الارباح اذا الله فتح عليج ان شاء الله
:nice:
أولاً : هل لديك خبرة في هذه المجالات و النشاطات الموجودة في السجل التجاري ..؟
لأن الدخول في هذه التجارة بدون خبرة و دراية و علم.. سيؤدي إلى مشاكل لا حصر لها ..
كم رأس مالك ..؟
شكرا على المرور
بصراحة يا ام فيصل هالنوع من السجل منتشر بشكل كبير والشركات كثيرة في هالمجال وصار لها باع طويل ونصيحتي غيري نشاط السجل ولابد من عمل دراسة قبل الاقدام على اي شي وبالتوفيق
مرحبا أم فيصل
نشاط مواد البناء والعقارات نشاط متكرر بشكل كثير ولايكاد يخلو شارع في قطر الا وفيه محل لمواد البناء حتى في الفرجان لصغيرة.وهذا النشاط مرتبط بحركة العمران في البلد والصيانة والمشاريع المختلفة وما في احد يستغني اقلها عن عمل صيانة لبيته بين فترة واخرى.
تفعيل السجل التجاري يحتاج الآتي :
- أهم شي ايجاد المدير او الشخص المناسب للنشاط ويكون عنده خبرة في المجال ومتمرس في السوق وطبعا مثل هذا الشخص يفضل يكون شريك بنسبة وبراتب ايضا وهذه من حقه لو عرفنا انه راح يكون مسئول مسئولية تامة عن النشاط. وراح يجتهد لزيادة نسبته كلما زادت نسبة المبيعات.انا اشخصيا افضل الجنسية الهندية لأن العرب ما منهم فايدة واثبتت التجارب انهم فاشلين ومش منظمين ويبون الكسب السريع.
- استئجار محل تجاري وتوقيع عقد مع المالك والبدء في استخراج رخصة البلدية
ويفضل للنشاط اللي ذكرتية يكون بمنطقة المنصورة شارع بن درهم - النجمة - المنتزة
يعني المناطق المشهورة بمثل هذه الانشطة في وسط الدوحة.
- استخراج باقي الاوراق الرسمية رخصة البلدية وتركيب اللوحة واستخراج قيد المنشأ والتقديم على فيز لعدد من العمال او الموظفين واهم شي في شغلة مثل هاذي يكون فيه محاسب لأنه هو صمام الأمام ويفضل يكون من السوق المحلي وعارف يشتغل على نظام محاسبي بالكومبيوتر.وبعد اقول ما يفضل يكون عربي.
- بالنسبة لمواد البناء اذا كان فيه راس مال جاهز لايقل عن 200 الف هناك مصادر مختلفة عندج الصين ودبي والدوحة من الشركات الكبيرة .
انا افضل البداية تكون بسيطة من خلال الشراء الآجل من الشركات اللي بالدوحة مقابل التسديد لهم بعد 45 او 60 يوم وشوي شوي لما تدور الحركة يمكن الواحد يفكر يستورد من برع.
-استئجار مخزن ويفضل اذا كان بيت عربي قديم في البداية بنفس منطقة المحل يكون سكن للعمال ومخزن في نفس الوقت.
- شراء سيارة نقل صغيرة للتحميل والتوصيل .
وارجع اقول اهم شي في الامور اللي انذكرت كلها الشخص المناسب اللي بيدير النشاط عالم التجارة اليوم اهم شيء فيه المورد البشري المؤهل مو المورد المالي.
بالتوفيق ان شاء الله
اشكركم اخواني على الرد الجميل والنصيحه فديت اهل قطر