-
مبروك عليكم الزياده
تشتهر شوارع الدوحه بكثره عدد الأشارات الضوئيه
والتي سببت أختناقات مروريه شديده بالليل والنهار
وبدلآ من محاوله التخلص من هذه الأشارات
وأستبدالها بالجسور والأنفاق
نرى التركيز على أنشاء المزيد من هذه الأشارات
على سبيل المثال : الطريق الدائري الثالث :
رغم قله مسافه هذا الطريق الأ أن به العديد
من الأشارات المروريه عند التقاطعات
ونرى الآن يستعدوا بتشغيل ثلاث أشارات ضوئيه جديده
من بعد أشاره التويوتا لغايه أشاره كليه المجتمع
أي الأشاره اللي قبل فندق رمادا
بمعنى آخر :
مبروك عليكم الزياده ( بالأشارات الضوئيه )
وأستعدوا لزحمه أكثر وأطول ووقت يضيع عليكم
كنا نتمنى أن تقتدي دولتنا بأحدى الدول
عندما أحتفلت بالتخلص من آخر أشاره بشوارعها
لكن عندنا يستعدون لأنشاء المزيد من الأشارات
ومعها أجهزه الرادارات التي تستنزف أموال السائقين
بأختصار :
مبروك عليكم زياده
( الهم / والنكد / والملل / والمرض )
من الزحمه
ولا نقول سوى حسبنا الله ونعم الوكيل
على من يعرقل ويؤخر مصالح الناس
-
شارع طوله 2 كيلو تخلصه في ربع ساعه اذا مافيه زحمه بس بروحك والسبب التوقف عند اشاره ورا اشاره
-
الله يبارك لك خبرك رمضان وخير لازم بعد
-
ويبون ينافسون دبي ههه
تبطون !!
-
أعتقد أخوي هاي اشارات اللي يعبرون الشارع
بدل مايسوون جسور للمشاة يحطون إشارات
-
فعلا كثرت هالاشارات وصار ملل لو كان مثل قبل دوارات كان احسن
-
والله ياليت يشيلون كل الدورات ويحطون اشارات
ماذبح العالم الا الدوارات
-
-
الدوحة أصبحت ما تنشاهد ..
صار الواحد يكره يطلع يتسوق بسبب هالزحمة ..
زحمة لين توصل ... وساعة لين تحصل موقف .. وان اضطريت توقف غلط علشان خمس دقايق تقضي حاجتك في السوق ..
رجعت ولقيت على زجاج السيارة استكر اصفر يضحك لك ويتحمد لك بالسلامة !!
اللي نشوفه اليوم بركات التخطيط اللي عندنا وكثرة الاستثناءات اللي يعطونها ..
ومن كثر المولات والشوارع التجارية .. لا زالت الإيجارات ترتفع سنوياً وكأنها أصبحت عرفاً لابد من مزاولته !!
فعلاً .. هذا معنى فوق اصعدي !!
-
محد خانق هلشوارع الا هل الاشارات والدوارات وتسكير اللفات الخ
متراكمه بين بعضها بينها وبين بعض مسافه لاتزيد عن كيلو متر او كيلوين
اين الجسور الصحيحه الموزعه المرور بكل اتجاه اين الشوارع الطويله والتحويلات