عرض للطباعة
السلام عليكم ورحمة الله وبركاته
ودي استفسر
اذا حجزت على الخطوط التايلانديه من فوكيت الى بانكوك
هل الوصول بيكون بالمطار الداخلي ام الدولي ؟
الغريب ان في التذكره مكتوب ؟ لان الربع قالو نتزل في المطار الداخلي
Arrival 17:00
Bangkok, Thailand - Suvarnabhumi International
الي عنده فكره او تجربه يفيدنا فيها وشكرا
اخوي حط رقم الرحله وبطلع لك التفاصيل ..
من خلال تجربتي من كم شهر المطار داخلي لا تشيك على الجوازات ولا شي وانما بعد حجز التذكرة تذهب الى يسار المطار ( خاص بالرحلات الداخلية ) يكفي التذكرة .
من فوكيت الى بانكوك الوصول لمطار الداخلي
بيض الله وجيهكم
والله يعطيكم العافيه
اخوي محمد ..
رحلة سعيده وتروحون وترجعون بالسلامة ..
من خلال كلامك شكلكم بتنزلون بانكوك وعلى طول بتطيرون بوكت , طبعا كل اللي بتسوونه انكم بتنزلون مطار بانكوك الدولي وتنهون اجراءات دخول تايلند ,ما أتذكر بالضبط من داخل المطار او بعد ماتطلع من بوابة القادمون في مطار بانكوك الدولي ومعاكم شناطكم تتجهون يسار باتجاه المطار المحلي ( الداخلي ) , بتلقون جسر مغطى تصعدون عليه ومشوار 5 دقايق مشي ويوصلكم لين داخل المطار المحلي , ولا تحاتون ترى الامور سهالات اهم شي الطيارة ماتتأخر في الاقلاع من الدوحة , ولو حصل تأخير لاقدر الله , سهل انكم تغيرون موعد رحلتكم لأن كل ساعتين في رحلة لبوكيت ..
اهم شي لا تكبر الشنطة وخلك خفيف , اول يوم تتمشى ووتسوق اغراضك من اسواق بوكيت , مايبيلكم غير شورتات وتي شيرتات وعيش حياتك , وهالاشياء متوفرة في كل المحلات في بوكيت ..
شكرا اخوي السهم على الرد
ويعطيك الف عافيه ماقصرت
ومثل ماقلت ملابس خفيفه ومش حالك
وهاي الزين في تايلاند
هلا بك
رحتها بسنة 2007
اول ما وصلنا مطار بانكوك
شلنا الشنط
ودخلنا المطار الداخلي
Domestic
مكانه بجنب المطار الدولي
ورحلة موووفقة
نصيحة لا تشتري شي من بوكيت ( الهدايا ) لان كل شي غالي عندهم
اذا رجعت بالسلامة من بوكيت الى بانكوك او بتايا تحصل البضاعة ارخص واحلى.