المطاعم وكمية اللحوم في السندويشات

السلام عليكم, طبعا معظم الناس تحب السندويشات وخصوصا الشوارما وانا أولهم :d بس كل مره أطلب يكون السندويش مختلف سواء من نفس المطعم أو غيره من ناحيه كميه اللحم والدجاج اللي في السندويتش وبعض المطاعم يترسون لك السندويتش سلطه وبطاط لدرجه أنك ما أتحس بطعم اللحم أو الدجاج خصوصا في الشوارما.

فهل حمايه المستهلك عندنا تجبر المطاعم على كميه محدد من اللحوم في كل سندويتش نفس ما أنشوف المحلات لما أنسافر للخارج يوضحون كميه اللحم في الشوارما او السندويشات بالغرام بالمنيو والمطعم مجبر بعد ما يقطع الشوارما يحطها في صحن وميزان خاص لوزن الغرام حتى ما يتم غش المستهلك ؟

اختي اخر حبة مافيه داعي لهذا كله على سندويش
إنتي قولي للمعلم حط لحم زيادة انا اخر حبة
وبيترس لج السندويش

مااظن عندنا هالميزان اللي تقولين عنه اختي :con2:
مثل ماقال اخوي نكلان انتي حددي اللي تبينه في السندويجه وخلاص :)

اقتباس:

---

المشاركة الأصلية كتبت بواسطة naklan

اختي اخر حبة مافيه داعي لهذا كله على سندويش
إنتي قولي للمعلم حط لحم زيادة انا اخر حبة
وبيترس لج السندويش

---

اقتباس:

---

المشاركة الأصلية كتبت بواسطة sara jsm

مااظن عندنا هالميزان اللي تقولين عنه اختي :con2:
مثل ماقال اخوي نكلان انتي حددي اللي تبينه في السندويجه وخلاص :)

---

الموضوع مش موضوع يترس السندويتش أو لا بس لازم المستهلك يكون على علم باللي ياكله وفي ناس عندها نظام غذائي محدد وتبي اتعرف اشكثر قاعده تاكل لحوم فالمفروض تكون الكميه محدد

حبيبتي اللي عنده نظام غذائي يا ان يسوي بروحه في البيت
او ياخذ من المطاعم اللي تكتب كل وجبه كم سعره حرارية فيها ..
اما يطبق نظام على كل المطاعم اتوقع صعبه .. :)

كلامج صحيح اليوم طلبت كبدة من عش البلبل وفول بدون شبس وبدون فلفل .. جاني الطلب على ما ابي بس الكبدة قليلة في قاعة السندويش

كل الشورمات تلوع الجبد
أنا اشوف العكس يترسونها لحم أو دجاج ..
استغفر الله كنه احنا عندهم دبش ما في ذوق في تقديم الأكل ..
من اسبوع وأنا في السوق اضطريت أشتري شورما وكانت مدحوووبة دجاج ما قدرت اكلها سويت سلطة مناسبة لها وحطيتها مرة ثانية بخبز ثاني يعني طلعت علي اكثر من بيع السوق

صعب من حماية المستهلك انهم يدققون على كل سندويتش

الحل وانت عنده تطلب منه زيادة اللحم

ههههههههههه عجبني الموضوع عن السندويش

الي يبي شورما دجاج ولا لحم زياده من البدايه يقوله حط زياده

الموضوع وايد valid مستغرب من بعض الردود.
المطاعم المحترمة (حتى لو كان من شاحنة) عندها طرق كثيرة للمكيال سواء لحم كان أم خبز.

صحيح يجماعه مافيه مقاس معين لان مافيه احد قاعد يراقبهم ويحاسبهم هم على كيفهم يحددون كميه الحم او السلطه يعني اكثر من مره بنفس المطعم مقادير مختلفه ممكن يجبلك سندوج متروس ساطه و يحه دجاج او لحم ولو قتله بد ن سلطه يجيبلك السندويجه تحس خبز خالي ولافه
لاكن حسبنا الله ونعم والوكيل فيهم وفي الجهات الي ساكته عنهم او مفعلت دورها

صحيح يجماعه مافيه مقاس معين لان مافيه احد قاعد يراقبهم ويحاسبهم هم على كيفهم يحددون كميه الحم او السلطه يعني اكثر من مره بنفس المطعم مقادير مختلفه ممكن يجبلك سندوج متروس ساطه و يحه دجاج او لحم ولو قتله بد ن سلطه يجيبلك السندويجه تحس خبز خالي ولافه
لاكن حسبنا الله ونعم والوكيل فيهم وفي الجهات الي ساكته عنهم او مفعلت دورها

اقتباس:

---

المشاركة الأصلية كتبت بواسطة آخر حبه

السلام عليكم, طبعا معظم الناس تحب السندويشات وخصوصا الشوارما وانا أولهم :d بس كل مره أطلب يكون السندويش مختلف سواء من نفس المطعم أو غيره من ناحيه كميه اللحم والدجاج اللي في السندويتش وبعض المطاعم يترسون لك السندويتش سلطه وبطاط لدرجه أنك ما أتحس بطعم اللحم أو الدجاج خصوصا في الشوارما.

فهل حمايه المستهلك عندنا تجبر المطاعم على كميه محدد من اللحوم في كل سندويتش نفس ما أنشوف المحلات لما أنسافر للخارج يوضحون كميه اللحم في الشوارما او السندويشات بالغرام بالمنيو والمطعم مجبر بعد ما يقطع الشوارما يحطها في صحن وميزان خاص لوزن الغرام حتى ما يتم غش المستهلك ؟

---

يمكن الشيف شايف ان الاصح تكون السلطه اكثر من اللحم والدجاج
اهم شي اللحم او الدجاج مايكون فيه دهن كثير
لان بعض المحلات صج يترس لحم بس يكون غرقان بالدهن وماينكل

وما اعتقد فيه قانون يلزمهم بالوزن خاصة المطاعم العاديه