دفعات المقاول

السلام عليكم ورحمه الله وبركاته

ممكن الافاده عن تقسيم دفعات المقاول لبناء فيلا مع التشطيب

المبلغ اللي تم الاتفاق عليه 2,200,000 ريال تسليم مفتاح لمساحة بناء 860 متر

بدون اللفت ولا اعمال الجبس و المكيفات

اتمنى الافادة بجدول للدفعات وعددها

وشاكر لكم

4 دفعات 150 الف = 600 الف
6 دفعات 100 الف = 600 الف
50 الف ( اثاث ) اخر دفعه تستلمها بعد كتاب اتمام البناء
الباقي ( مليون ريال ) من عندك تقدر تنسق معه ونصيحة قسمها على اخر الدفعات

https://4.top4top.net/p_1368p93mh0.jpeg

حاول تتفق معاه على دفعات هو يحددها حسب المرحلة والمرحلة تتحدد بوضوح .. مثال الصبغ وحسب اتفاقك نوعيته وتحضيراته وهل تعتبر مرحلة الصبغ مرحلة كاملة أو ممكن تجزئتها للبرايمر والمعجون ثم صبغ الأساس ثم باقي الصبغ

لازم يسجل تفاصيل الشغل وتفاصيل المواد اللي بيستخدمها مع عينات وكتلوجات موقعة مع رقم العقد عليها

هشكل تعطي اريحية للمقاول يسعر عدل ويضمن دفعاته

إنت لازم تضمن نهاية شغل مقبول حسب الاتفاق وتربطه بدفعة محتجزة 5% أو 10% هذي تخصمها من كل دفعة مستحقة وتبقى عندك ضمان لحسن الأداء واتمام العمل المتفق عليه وضمان للصيانة لفترة محددة في الغالب في قطر يخلونها 400 يوم بس في يدك تحدد الوقت اللي تشوفه مناسب

أفضل لك الاتفاق عن طريق استشاري لأن المقاولين الجادين يحترمون اتفاقهم معاه أو في وجوده

لو فيه دفعة مقدمة أي دفعة مستحقة بعدها تنخصم كنسبة من الدفعة المقدمة ولازم ناخذ شيك بالإسم الرسمي للشركة مقابلها ونتأكد من الشيك ومن مطابقة التوقيع في البنك .. مب شرط يكون فيه رصيد فقط مطابقة التوقيع أو حسب التوقيع المعتمد في رخصة الشركة وتكون الرخصة سارية المفعول

فيه ثغرات كثيرة في عقود التشطيب وكلما كان محدد وبمواصفات وأسماء واضحة لماركات المواد وبعينات وهو الأهم نكون ضامنين شغلنا صح

نخلي المقاول يحدد نسبة كل مرحلة لأنه هو أعرف كم تسوى مثلاً مرحلة ممكن تكلف 5% ومرحلة 15% وطول ما احنا محتجزين نسبة للصيانة النسبة هذي تكبر معانا ويبقى عندنا مبلغ ممسوك عليه وغصب يشتغل صح ويخلص في الموعد المحدد حتى يحصل دفعته المحتجزة

المقاول اللي يقول ما ارضى والا يسعر غالي هذا مب واثق من نفسه ومن شغله وناوي يلف ويدور ودوم بنود العقد تحددها مع استشاري بشكل مسبق أفضل

مثال اقدر اقول باجيب لك درايش يو بي في سي بحدود سعر 700 ريال للمتر المربع أو 500 ريال وبعدين آخذ نوعية ما تسوى 200 واركبها وحتى اقدر اجيب فواتير بأن سعرها بالضبط 500 ريال .. لكن بنفس الوقت أقدر اجيب لك قطاع موقع عليه ورقة لاصقة ومكتوب عليها رقم العقد ومحدد إسم المورد في العقد والتزم بكل شيء حتى الضمانات ولكل مادة ضمان أقصى أحاول احصله لك كعميل

بعد شوف موضوع العقود فوق المثبت وفيه شرح متكامل ومثالين عن عقود بناء

شاكر لكم ردودكم .. ويعطيكم العافيه