عرض للطباعة
السلام عليكم ورحمة الله وبركاته ،،،
عندي استفسار وادري المكان مب مكانه بس لانه قسم الاستفسار في سبات هالايام
فقلت اطرحه اهنيه وابي هل الخبره يفيدونا الله يجزاهم خير ..
بخصوص السكن والتنقلات والرحلات الداخلية ..
هل نحجز عن طريق البوكينق او طريق مكتب افضل ..
وتسلمون يميع ..
ماسافرت لفرنسا من قبل
بس يمكن موضوع غير البشر يفيدك
http://www.qatarshares.com/vb/showthread.php?607937
ادور عليه غيرووو
موضوعه متشعب ومستعجلين نبي هل نحجز من اهنيه او من اهناك ..
تسلم يارحال على الرد السريع
لا خلا ولا عدم ياكحيلان
اخوي شبح
السكن احجز عن طريق بوكينج
لن صعب تحصل حجز هناك بسبب الزحمه الحين
اما التنقلات والرحلات ممكن تسويهم هناك
الله يجزاج خير للصبر ..
بعد فكره وبنشوف بس نبي نقارن عن طريق السفريات والبوكينج
اخوي على حسب الفندق اللي بتسكن فيه
الاغلب شارع الشانز مابتحصل حجز فيه لنه شارع حيوي جدا
اذا حاب الهدوء ابعد عن الشانز وخاصه لو معاك عايله لن بالليل اززعاج خاصه بوجود البارااات فيه
واي خدمه انا حاظرة
شوف اخوي شبح عن نفسي افضل الحجز عن طريق بوكينج لأن فيه خاصية الإلغاء المجاني وبخصوص فرنسا رحتها اسبوع خمس ايام في ديزني ويومين في باريس ،،وان شاء الله الأعضاء يفيدونك
ما تقصرين
لا ما نبي الشانز نبي ابعد لو بكم كيلوو مكان هادي والشانز بننزل له نبي مسافة 10 دقايق
ترشحين لنا فنادق شيء حق شخصين ..
اقتباس:
المشاركة الأصلية كتبت بواسطة aldo7a
الله يجزاك خير ياخوي ..
وين سكنت وشسم الفندق واشلون اوكي والا لا ..
حطو لي اسامي
انا اسكن في الشانز بس تقدر تسكن في منطقة اللي ديفانس او منطقة الاوبرا
وبالمترو كل شي سهل
يوم رحنا سكنا ف الشانز 5 ايام فندق كلاريدج
و4 ايام في منتجع الماريوت عباره عن فيلا ( 5 دقايق بينه وبين ديزني لاند وفيه باص من المنتجع يوديك ديزني )
وبخصوص الرحلات الداخليه حجزنا هناك بالمترو كل شي سهالات
تروح وترجع بالسلامه
تقدر تطلع على لندن من فرنسا بالقطار المده ساعتين
صد ورد
بس لاتنسى موضوع الفيزا
مجرد اقتراح لان فرنسا ممله
جرب لو ميريديان ايتوايل هذا وايد حلو سكنوا فيه ربعي ولا حصلت حجز شهر 6 الفائت وتورطت بفندق كشرة من بوكينغ وغالي نسيت شسمه
جرب اكسبيديا ميزتهم موقع أمريكي ويعطيك أسعار أفضل ولا trivago هذا يسوي بحث على كل مواقع التأجير
أخوي غالبا'' عن طريق النت أفضل. بس انت لو عجبك فندق معين شفته بالنت مافي مانع تتصل بمكتب سفريات وتسأله عن عروضه في هالفندق.
حسب وصفك للفندق اللي تبيه، منطقة اللادفيناس تناسب أكثر.
موفق وان شاء الله تحصل حجز بسعر مناسب هالايام
احذر من العرب هناك لا تعامل معهم حتى لو عرض خدماته
انتبه وانا اخوك ترى اهل نكبات