عرض للطباعة
السلام ممكن حد يساعدني بافضل وارخص معاهد لتعليم اللغة والمحادثة بالدوحة وافضلها وبالشهر وكذالك لدورات الموارد البشرية وادارة الاعمال
ودي اخذهم بفترة الصيف وبسعر رخيص ووودارسة مضبوطة او بشكل مضبوط واحسن شي + انة تكون الشهادات معترفة بها تماما دوليا بالدوحة فياليت الكل او اي حد يساعدني بذي الامر ولكم كامل الشكر
طبعا بشهر 7 انجليزي ابغيها ؟؟؟مدة شهر واحد فقط والا ودي اكثر بس مااقدر ومافي مجال ومب مشكلة مسائي بعد احلى بس يكونون معاهد وايد اوكي وممتازة
كل المعاهد المعروفه والي شهاداتها قويه غاليه
ودورة اللغه اقل مده شهر بس لازم تخلصينها على حسب المستوى
في اللغه جربي البريطاني لان شهادته واختباراته تجي من بريطانيا
في الموارد سمعت عن مركز التدريب التابع لقناة الجزيره
اتصلي واساليهم
سؤالك جى بوقتة
بس مااعرف ارقامهم وابغي خيارات للافضل واحسن ووووالاسعار كذالك وهل بشهر 7 بتحصلي مدة شهر لاني مااقدر اكثر من شهر عندي عمل ؟؟
وبخصوص الاسعار ابغي اسعاركم بكم اقيامها ؟
وبخصوص المستويات مشكلة ذي ابغي اتعلم شي ممكن يساعدني بالعمل بخصوص اعمال ادارية وطريقة مثلا التخاطب والارسال والاخذ والعطا وووالكتابة والتنسيق ؟ يعني لازم امر بكل المستويات في التعلم وانا تقريبا مب بلبل لكن اطقطق بس لاشياء وشغلات شخصية فقط
يعني لو مثلا دخلت دورة بالموراد البشرية اقلت راح اتعلم المصطلحات لو مااعرف اتكلم وراح اتعلم لكن اقلت بكسب المصطلحات اللي ممكن تمرني ووراح تنفعني بلغة التخاطب ومنها اقدر اتكلم زود وارتب الحديث والكلام فهمتي علي مب اجلس اتعلم للابد الف باء بس
انصحك بدورات انجليزي مكثفه, يعني حضور يومي واكثر من ساعتين عشان تحس بالاستفاده خلال شهر
لان ثلاثين يوم قليله جداً وماتقدر تستفيد منها الا اذا اخذت عدد كبير من الساعات