الزجاج الأمامي للسياره

السلام عليكم
عندنا بي ام دبليو 2008 ،،ونبي نبدل الزجاج الأمامي للسياره ،،وين افضل الأماكن للتبديل لان الجامه فيها ضربات حصى كثيره وفي الليل مع أضاء الشوارع تبين الضربات بشكل واضح وفالنهار بعد كذلك.
المشكله ان السياره فيها نظام hud عرض المعلومات على الزجاج الأمامي .
السؤال هل نبدل بالوكالة قيمتها 7500 مع التركيب ،،ولا تجاري ب 1000 مع التركيب طبعا من الصين النوعيه .
انا اشوف فرق السعر جدا كبير بين الًوكاله والتجاري.
راييكم فالموضوع والأفاده لو تكرمتو،،السياره حق اخوي ومتوهق بين التجاري والوكالة طبعا انا أتكلم كسعر

شكرا

وعليكم السلام

مايفيدك غير اللي ركب او محل الزجاج صاحب ذمه يفيدك

او احد الكراجات اللي تشتغل في اللماني

والله يعوض عليك

جهاز hud مركب في الطبلون
وما له علاقة بالزجاج الأمامي

أي زجاج بتركبه بيعكس لك المعلومات
تطمن من هالناحية .

الافضل اذا مرتاح للسياره اما انك تشوف كراجات السكراب او تشتري جامه جديده وتركبها بالمحلات اللي في الصناعيه شارع الوكلات او تطلبها من مسقط / عمان

اخوي الكواري ،،اخوي جاسم مشكورين عالرد،،اللي سمعته من واحد ركب تجاري ان ال hud يعكس صورتين فالزجاج بخلاف الزجاج الاصلي للوكاله،،ويقول بعد انه الرؤيه ماتكون واضحه وضوح الجامه الاصليه،،مادري عاد اذا فيه انواع مختلفه من الزجاج التجاري.
والله ياأخوان اذا فيه حد ركب تجاري يفيدنا شلون الرؤيه وخصوصا بالليل لانه فعلا السعر رخيص مقارنه بالوكاله

شكرا

لا شك طبعاً

الزجاج التجاري أنواع
فيها الممتاز النقي وبالتالي انعكاساته صافية
وفيها الرديء اللي عكس ذلك

خذ بالك ، لا تستعجل ، وتأكد من الجودة أولاً